Chapter 5

sūta uvāca |
iṃdraprasthe'naṃgapālonapatyaśca mahīpatiḥ |
putrārthaṃ kārayāmāsa śaivaṃ yajñaṃ vidhānataḥ || 1 ||
[Analyze grammar]

kanyake ca tadā jāte śivabhāgaprasādataḥ |
caṃdrakāṃtiśca jyeṣṭhā vai dvitīyā kīrtimālinī || 2 ||
[Analyze grammar]

kānyakubjādhipāyaiva caṃdrakāntiṃ pitādadat |
devapālāya śuddhāya rāṣṭrapālānvayāya ca || 3 ||
[Analyze grammar]

someśvarāya bhūpāya capahānikulāya tu |
ajamerādhipāyaiva tathā vai kīrtimālinīm || 4 ||
[Analyze grammar]

jayaśarmā dvijaḥ kaścitsamādhistho himālaye |
dṛṣṭvā bhūpotsavaṃ ramyaṃ rājyārthe svamano'dadhat || 5 ||
[Analyze grammar]

tyaktvā dehaṃ sa śuddhātmā caṃdrakāṃtyāḥ sutobhavat |
jayacaṃdra iti khyāto bāhuśālī jitendriyaḥ |
ratnabhānuśca saṃjajñe śūrastasyānujo balī || 6 ||
[Analyze grammar]

sa jitvā gauḍavaṃgādīnmarudeśānmadotkaṭān |
daṃḍyānkṛtvā gṛhaṃ prāpya bhrātrājñā tatparo'bhavat || 7 ||
[Analyze grammar]

gaṃgāsiṃhasya bhaginī nāmnā vīravatī śubhā |
ratnabhānośca mahiṣī babhūva varavarṇinī || 8 ||
[Analyze grammar]

nakulāṃśastadā bhūmau tasyāṃ jātaḥ śivājñayā |
lakṣaṇo nāma balavānkhaḍgayuddhaviśāradaḥ |
sa saptābdāntare prāpte pitustulyo babhūva ha || 9 ||
[Analyze grammar]

trayaśca kīrtimālinyāṃ putrā jātā madotkaṭāḥ |
dhuṃdhakāraśca prathamastataḥ kṛṣṇakumārakaḥ |
pṛthivīrāja evāsau tatonuja iti smṛtaḥ || 10 ||
[Analyze grammar]

dvādaśābdavayaḥ prāptaḥ siṃhakhelastato'bhavat |
śrutvā cānaṃgapālaśca tasmai rājyaṃ svayaṃ dadau |
gatvā himegiriṃ ramyaṃ yogadhyānaparobhavat || 11 ||
[Analyze grammar]

mathurāyāṃ dhuṃdhakāro'jamere ca tatonujaḥ |
rājā babhūva nītijñastau sutau piturājñayā || 12 ||
[Analyze grammar]

pradyotaścaiva vidyotaḥ kṣatriyau cadravaṃśajau |
maṃtriṇau tasya bhūpasya balavaṃtau madotkaṭau || 13 ||
[Analyze grammar]

pradyotatanayo jāto nāmnā parimalo balī |
lakṣasenādhipaḥ so hi tena rājñaiva saṃskṛtaḥ || 14 ||
[Analyze grammar]

vidyotādbhīṣmasiṃhaśca gajasenādhipo'bhavat |
svargate'naṃgapāle tu bhūmirājo mahīpatiḥ || 15 ||
[Analyze grammar]

dṛṣṭvā tānvipriyānsarvānnijarājyānnirākarot |
pradyotādyāśca catvāraḥ svaśūrairdviśatairyutāḥ || 16 ||
[Analyze grammar]

kānyakubjapuraṃ prāpya jayacaṃdramavarṇayan |
jayacaṃdra mahīpāla tvanmātṛṣvasṛjo nṛpaḥ || 17 ||
[Analyze grammar]

mātāmahasya te rājyaṃ prāptavānnirbhayo balī |
nyāyena kathito'smābhirarddharājyaṃ hi te smṛtam || 18 ||
[Analyze grammar]

sarvarājyaṃ kathaṃ bhuṃkṣe śrutvā tena nirākṛtāḥ |
bhavantaṃ śaraṇaṃ prāptā yathāyogyaṃ tathā kuru || 19 ||
[Analyze grammar]

iti śrutvā mahīpālo jayacaṃdra uvāca tān |
aśvasainye madīye cādhikārī te suto bhavet || 20 ||
[Analyze grammar]

nāmnā parimalaḥ śūrastvaṃ manmaṃtrī bhavādhunā |
vidyotaśca tathā maṃtrī gajasainye hi bhīmakaḥ || 21 ||
[Analyze grammar]

vṛttyarthe ca mayā vo vai purī dattā mahāvatī |
mahīpateśca bhūpasya nagarī sā priyaṃkarī || 22 ||
[Analyze grammar]

iti śrutvā tu te sarve tathā matvā mumodire |
mahīpatistu balavānduḥkhātsaṃtyajya tāṃ purīm || 23 ||
[Analyze grammar]

kṛtvaurvīyāṃ purīmanyāṃ tatra vāsamakārayat |
agamā malanā caiva bhaginyau tasya cottame || 24 ||
[Analyze grammar]

agamā bhūmirājāya cānyā parimalāya sā |
dattā bhrātrā vidhānena paramānaṃdamāpatuḥ || 25 ||
[Analyze grammar]

vivāhāṃte ca bhūrājā durgamanyamakārayat |
kṛtvā ca nagarīṃ ramyāṃ caturvarṇanivāsinīm || 26 ||
[Analyze grammar]

dehalī sumūhūrtena durga dvāre suropitā |
gatā sā yojanānte vai vṛddhirūpā sukālataḥ || 27 ||
[Analyze grammar]

vismitaḥ sa nṛpo bhūtvā dehalī nāma cākarot |
dehalīgrāma iti ca prasiddho'bhūnnṛpājñayā || 28 ||
[Analyze grammar]

trivarṣāṃte ca bho viprā jayacandro mahīpatiḥ |
lakṣaṣoḍaśasainyāḍhyastatra patramacodayat || 29 ||
[Analyze grammar]

kimarthaṃ pṛthivīrāja maddāyaṃ me na dattavān |
mātāmahasya vai dāyaṃ cārddhaṃ me ca samarpaya || 30 ||
[Analyze grammar]

no cenmacchastrakaṭhinaiḥ kṣayaṃ yāsyaṃti sainikāḥ |
iti jñātvā mahīrājo viṃśallakṣādhipo balī || 31 ||
[Analyze grammar]

dūtaṃ vai preṣayāmāsa rājarājo madotkaṭaḥ |
jayacaṃdra mahīpāla sāvadhānaṃ śṛṇuṣva tat || 32 ||
[Analyze grammar]

yadā nirākṛtā dhūrtā mayā te caṃdravaṃśinaḥ |
tataḥ prabhṛti senāṅgaṃ viṃśallakṣaṃ samāhṛtam || 33 ||
[Analyze grammar]

tvayā ṣoḍaśalakṣaṃ ca yuddhasainyaṃ samāhṛtam |
sarve vai bhārate bhūpā daṃḍayogyāśca me sadā || 34 ||
[Analyze grammar]

bhavānna daṃḍyo balavānkaraṃ me dātumarhati |
no cenmatkaṭhinairbāṇaiḥ kṣayaṃ yāsyaṃti sainikāḥ || 35 ||
[Analyze grammar]

iti jñātvā tayorghoraṃ vairaṃ cāsīnmahītale |
bhūmirājaśca valavāñjayacandrabhayārditaḥ || 36 ||
[Analyze grammar]

jayacaṃdraśca balavānpṛthivīrājabhīrukaḥ |
jayacandraścāryadeśamarddharāṣṭramamakalpayat || 37 ||
[Analyze grammar]

pṛthivīrāja evāsau tathārddhaṃ rāṣṭramānayat |
evaṃ jātaṃ tayorvairamagnivaṃśapraṇāśanam || 38 ||
[Analyze grammar]

iti śrībhaviṣye mahāpurāṇe pratisargaparvaṇi caturyuga khaṃḍāparaparyāye kaliyugīyetihāsasamuccaye paṃcamo'dhyāyaḥ || 5 ||
[Analyze grammar]