Chapter 2

sūta uvāca |
prātaḥ kāle ca saṃprāpte pāṃḍavāḥ putraśokinaḥ |
pretakāryāṇi te kṛtvā bhīṣmāntikamupāyayuḥ || 1 ||
[Analyze grammar]

rājadharmānmokṣadharmāndānadharmānvibhāgaśaḥ |
śrutvāyajannaśvamedhaistribhiruttamakarmabhiḥ || 2 ||
[Analyze grammar]

ṣaṭtriṃśadabdarājyaṃ hi kṛtvā svargapuraṃ yayuḥ |
janiṣyante tadaṃśā vai kalidharma vivṛddhaye || 3 ||
[Analyze grammar]

vyāsa uvāca |
ityuktvā sa muniḥ sarvānpunaḥ sūto vadiṣyati |
gacchadhvaṃ munayaḥ sarve yoganidrāvaśo hyaham |
cakratīrthe samādhistho dhyāye'haṃ triguṇātparam || 4 ||
[Analyze grammar]

iti śrutvā tu munayo naimiṣāraṇyavāsinaḥ |
yogasiddhiṃ samāsthāya gamiṣyaṃtyātmanontike || 5 ||
[Analyze grammar]

dvādaśābdaśate kāle'tīte te śaunakādayaḥ || 6 ||
[Analyze grammar]

utthāya devakhāte ca snānadhyānādikāḥ kriyāḥ |
kṛtvā sūtāntikaṃ gatvā vadiṣyaṃti punarvacaḥ || 7 ||
[Analyze grammar]

ṛṣaya ūcuḥ |
vikramākhyānakālo'yaṃ dvāpare ca śivājñayā |
vinītānbhagavanbhūmau tadā tānnṛpatīnvada || 8 ||
[Analyze grammar]

sūta uvāca |
svargate vikramāditye rājāno bahudhā'bhavan |
tathāṣṭādaśa rājyāni teṣāṃ nāmāni me śṛṇu || 9 ||
[Analyze grammar]

paścime siṃdhunadyaṃte setubandhe hi dakṣiṇe |
uttare badarīsthāne pūrve ca kapilāntike || 10 ||
[Analyze grammar]

aṣṭādaśaiva rāṣṭrāṇi teṣāṃ madhye babhūvire |
iṃdraprasthaṃ ca pāṃcālaṃ kuru kṣetraṃ ca kāpilam || 11 ||
[Analyze grammar]

antarvedī vrajathyaivājameraṃ marudhanva ca |
gaurjjaraṃ ca mahārāṣṭraṃ drāviḍaṃ ca kaliṃgakam || 12 ||
[Analyze grammar]

āvaṃtyaṃ coḍupaṃ vaṃgaṃ gauḍaṃ māgadhameva ca |
kauśalyaṃ ca tathā jñeyaṃ teṣāṃ rājā pṛthakpṛk || 13 ||
[Analyze grammar]

nānābhāṣāḥ sthitāstatra bahudharmapravartakāḥ |
evamabdaśataṃ jātaṃ tataste vai śakādayaḥ || 14 ||
[Analyze grammar]

śrutvā dharmavināśaṃ ca bahuvṛṃdaiḥ samanvitāḥ |
kecittīrtvā siṃdhunadīmāryyadeśaṃ samāgatāḥ || 15 ||
[Analyze grammar]

himaparvatamārgeṇa siṃdhumārgeṇa cāgaman |
jitvāryyāllāṃṭhayitvā tānsvadeśaṃ punarāyayuḥ || 16 ||
[Analyze grammar]

gṛhītvā yoṣitasteṣāṃ paraṃ harṣamupāyayuḥ |
etasminnantare tatra śālivāhanabhūpatiḥ || 17 ||
[Analyze grammar]

vikramādityapautraśca pitṛrājyaṃ gṛhītavān |
jitvā śakāndurādharṣāṃścīnataittirideśajān || 18 ||
[Analyze grammar]

bāhlīkānkāmarūpāṃśca romajānkhurajā cchaṭhān |
teṣāṃ kośāngṛhītvā ca daṃḍayogyānakārayat || 19 ||
[Analyze grammar]

sthāpitā tena maryyādā mlecchāryāṇāṃ pṛthakpṛthak |
siṃdhusthānamiti jñeyaṃ rāṣṭra māryyasya cottamam || 20 ||
[Analyze grammar]

mlecchasthānaṃ paraṃ sindhoḥ kṛtaṃ tena mahātmanā |
ekadā tu śakādhīśo himatuṃgaṃ samāyayau || 21 ||
[Analyze grammar]

hūṇadeśasya madhye vai giristhaṃ puruṣaṃ śubham |
dadarśa balavānrājā gaurāṃgaṃ śvetavastrakam || 22 ||
[Analyze grammar]

ko bhavāniti taṃ prāha sa hovāca mudānvitaḥ |
īśaputraṃ ca māṃ viddhi kumārīgarbhasaṃbhavam || 23 ||
[Analyze grammar]

mlecchadharmasya vaktāraṃ satyavrataparāyaṇam |
iti śrutvā nṛpaḥ prāha dharmaḥ ko bhavato mataḥ || 24 ||
[Analyze grammar]

śrutvovāca mahārāja prāpte satyasya saṃkṣaye |
nirmaryāde mlecchadeśe masīho'haṃ samāgataḥ || 25 ||
[Analyze grammar]

īśāmasī ca dasyūnāṃ prādurbhūtā bhayaṃkarī |
tāmahaṃ mlecchataḥ prāpya masīhatvamupāgataḥ || 26 ||
[Analyze grammar]

mleccheṣu sthāpito dharmo mayā tacchṛṇu bhūpate |
mānasaṃ nirmalaṃ kṛtvā malaṃ dehe śubhāśubham || 27 ||
[Analyze grammar]

naigamaṃ japamāsthāya japeta nirmalaṃ param |
nyāyena satyavacasā manasaikyena mānavaḥ || 28 ||
[Analyze grammar]

dhyānena pūjayedīśaṃ sūryamaṃḍalasaṃsthitam |
acalo'yaṃ prabhuḥ sākṣāttathā sūryocalaḥ sadā || 29 ||
[Analyze grammar]

tattvānāṃ calabhūtānāṃ karṣaṇaḥ sa samaṃtataḥ |
iti kṛtyena bhūpāla masīhā vilayaṃ gatā || 30 ||
[Analyze grammar]

īśamūrtirhṛdi prāptā nityaśuddhā śivaṃkarī |
īśāmasīha iti ca mama nāma pratiṣṭhitam || 31 ||
[Analyze grammar]

iti śrutvā sa bhūpālo natvā taṃ mlecchapūjakam |
sthāpayāmāsa ta tatra mlecchasthāne hi dāruṇe || 32 ||
[Analyze grammar]

svarājyaṃ prāptavānrājā hayamedhamacīkarat |
rājyaṃ kṛtvā sa ṣaṣṭyabdaṃ svargalokamupāyayau |
svargate nṛpatau tasminyathā cāsīttathā śṛṇu || 34 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye kaliyugīyetihāsasamuccaye śālivāhanakāle dvitīyo'dhyāyaḥ || 2 ||
[Analyze grammar]