Chapter 27

sūta uvāca |
athetihāsaṃ śṛṇuta yathā bhillāḥ kṛtārthinaḥ |
vicaraṃto vane nityaṃ niṣādāḥ kāṣṭhavāhinaḥ || 1 ||
[Analyze grammar]

vanātkāṣṭhāni vikretuṃ purīṃ kāśīṃ yayuḥ kvacit |
ekastṛṣākulo yāto viṣṇudāsāśramaṃ tadā || 2 ||
[Analyze grammar]

dadarśa vipulaiśvaryaṃ sevitaṃ ca dvijairharim |
jalaṃ pītvā vismito'bhūdbhikṣukasya kuto dhanam || 3 ||
[Analyze grammar]

yo dṛṣṭo'kiṃcano vipro dṛśyate'dya mahādhanaḥ |
iti saṃciṃtya hṛdaye sa papraccha dvijottamam || 4 ||
[Analyze grammar]

aiśvaryaṃ te kuto brahmandurgatiste kuto gatā |
ājñāpaya mahābhāga śrotumicchāmi tattvataḥ || 5 ||
[Analyze grammar]

sadānaṃda uvāca |
satyanārāyaṇasyāṃga sevayā kiṃ na labhyate |
na kiṃcitsukhamāpnoti vinā tasyānukaṃpayā || 6 ||
[Analyze grammar]

niṣāda uvāca |
aho kimiti māhātmyaṃ satyanārāyaṇārcane |
vidhānaṃ sopacāraṃ ca hyupadeṣṭuṃ tvamarhasi || 7 ||
[Analyze grammar]

sādhūnāṃ samacittānāmupakāravatāṃ satām |
na gopyaṃ vidyate kiṃcidārtānāmārtināśanam || 8 ||
[Analyze grammar]

iti pṛṣṭo vidhiṃ vaktumitihāsamathābravīt |
candracūḍo mahīpālaḥ kedāramaṇipūrake || 9 ||
[Analyze grammar]

mamāśramaṃ samāyātaḥ satyanārāyaṇārcane |
vidhānaṃ śrotukāmo'sau māmāha sādaraṃ vacaḥ || 10 ||
[Analyze grammar]

mayā yatkathitaṃtasmai tannibodha niṣādaja |
saṃkalpya manasā kāmaṃ niṣkāmo vā janaḥ kvacit || 11 ||
[Analyze grammar]

godhūmacūrṇaṃ pādārdhaṃ seṭakādyaiḥ sucūrṇakam |
saṃskṛtaṃ madhugaṃdhājyairnaivedyaṃ vibhave'rpayet || 12 ||
[Analyze grammar]

paṃcāmṛtena saṃsnāpya candanādyaiśca pūjayet |
pāyasāpūpasaṃyāvadadhikṣīramathoharet || 13 ||
[Analyze grammar]

uccāvacaḥ phalaiḥ puṣpairdhūpadīpaimarnoramaiḥ |
pūjayetparayā bhaktyā vibhave sati vistaraiḥ || 14 ||
[Analyze grammar]

na tuṣyeddravyasaṃbhārairbhaktyā kevalayā yathā |
bhagavānparitaḥ pūrṇo na mānaṃ vṛṇuyātkvacit || 15 ||
[Analyze grammar]

duryodhanakṛtāṃ tyatkvā rājapūjāṃ janārdanaḥ |
vidurasyāśrame vāsamātithyaṃ jagṛhe vibhuḥ || 16 ||
[Analyze grammar]

sudāmnastaṃḍulakaṇāñjagdhvā mānuṣyadurlabhāḥ |
saṃpado'dāddhariḥ prītyā bhaktimātramapekṣyate || 17 ||
[Analyze grammar]

gopo gṛdhro vaṇigvyādho hanumānsavibhīṣaṇaḥ |
ye'nye pāpātmakā daityā vṛtrakāyādhavādayaḥ || 18 ||
[Analyze grammar]

nārāyaṇāntikaṃ prāpya modaṃte'dyāpi yadvaśāḥ |
iti śrutvā narapatiḥ pūjāsaṃbhāramādarāt || 19 ||
[Analyze grammar]

kṛtavānsa dhanaṃ labdhvā modate narmadātaṭe |
niṣāda tvamapi prītyā satyanārāyaṇaṃ bhaja || 20 ||
[Analyze grammar]

iha loke sukhaṃ prāpya cānte sānnidhyamāpnuyāḥ |
kṛtakṛtyo niṣādo'bhūtpraṇamya dvijapuṃgavam || 21 ||
[Analyze grammar]

sa gatvā svagaṇānāha māhātmyaṃ harisevane |
te hṛṣṭamanasaḥ sarve samayaṃ cakrurādṛtāḥ || 22 ||
[Analyze grammar]

satyanārāyaṇe pūjāṃ kāṣṭhalabdhena yāvatā |
vayaṃ kulaiḥ kariṣyāmaḥ puṇyavṛkṣavidhānataḥ || 23 ||
[Analyze grammar]

iti niścitya manasā kāṣṭhaṃ vikrīya lebhire |
caturguṇaṃ dhanaṃ hṛṣṭāḥ svaṃsvaṃ bhavanamāyayuḥ || 24 ||
[Analyze grammar]

mudā strībhyassamācakhyurvṛttāṃtaṃ sarvamāditaḥ |
tāḥ śrutvā hṛṣṭamanasaḥ pūjanaṃ cakrurādarāt || 25 ||
[Analyze grammar]

kathānte praṇamanbhaktyā prasādaṃ jagṛhustataḥ |
svajātibhyaḥ parebhyaśca dadustaccūrṇamuttamam || 26 ||
[Analyze grammar]

pūjāprabhāvato bhillāḥ putradārādibhiryutāḥ |
labdhvā bhūmitale dravyaṃ jñānacakṣurmahottamam || 27 ||
[Analyze grammar]

bhuktvā bhogānyatheṣṭante daridrāndhā dvijottama |
jagmuste vaiṣṇavaṃ dhāma yogināmapi durlabham || 28 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye kaliyugīyetihāsasamuccaye saptarviśo'dhyāyaḥ || 27 ||
[Analyze grammar]