Chapter 4

sūta uvāca |
iti śrutvā sa vaitālo rājānamidamabravīt |
kācidbhogāvatī nāmnā nagarī paramādbhutā || 1 ||
[Analyze grammar]

rūpavarmā ca nṛpatistatra rājyaṃ karoti vai |
cūḍāmaṇiriti khyātaḥ śuko buddhiviśāradaḥ || 2 ||
[Analyze grammar]

tasya bhūpasya gehe ca nivasanañcchubhapaṃjare |
kadācidrūpavarmā ca triṃśadabda urūrjitaḥ || 3 ||
[Analyze grammar]

papraccha mama yogyā vai śuka kācidvarāṃganā |
cedasti tarhi me brūhi śrutvā taṃ cābravīcchukaḥ || 4 ||
[Analyze grammar]

magadheśvarabhūpasya kanyā candravatī śubhā |
tava yogyā hi bho rājansāṃprataṃ tāṃ gṛhāṇa vai || 5 ||
[Analyze grammar]

iti śrutvā sa nṛpatirgaṇeśaṃ dvijasattamam |
preṣayitvā dadau dravyaṃ yathodvāhyā tathā kuru || 6 ||
[Analyze grammar]

gaṇeśopi gatastūrṇaṃ deśe māgadhake śubhe |
mahādevaṃ ca saṃpūjya cakāra stavanaṃ mudā || 7 ||
[Analyze grammar]

namaḥ śivāya śāṃtāya sarvābhīṣṭapradāyine |
bhavāya śaṃkarāyaiva rudrāya satataṃ namaḥ || 8 ||
[Analyze grammar]

mṛḍāyānaṃdarūpāya sarvaduḥkhaharāya ca || 9 ||
[Analyze grammar]

ityuktavati vipre ca tadā candravatī śubhā |
kāmāturābravīccaināṃ nāmnā madanamañjarīm || 10 ||
[Analyze grammar]

mama yogyaśca puruṣaḥ kaścidasti mahītale |
sāha bho rūpavarmā ca yogyo bhogāpurīpatiḥ || 11 ||
[Analyze grammar]

iti śrutvā tu sā devī durgāṃ vāñchitadāyinīm |
tuṣṭāva manasā subhrūryayā jātamidaṃ jagat || 12 ||
[Analyze grammar]

namonamo jaganmātarmama kāryapradāyini |
triliṃgajananī tvaṃ vai varṇamūrtiḥ sanātanī || 13 ||
[Analyze grammar]

tvaṃ svāhā tvaṃ svadhā saṃdhyā namastasyai namonamaḥ |
nṛpatiṃ rūpavarmāṇaṃ matpatiṃ kuru bhoḥ śive || 14 ||
[Analyze grammar]

iti stutyā prasannābhūjjagadaṃbā jaganmayī |
pitaraṃ magadheśaṃ ca mohayitvā ca mātaram || 15 ||
[Analyze grammar]

vivāhaṃ kārayāmāsa māsānte siddharūpiṇī |
rūpavarmā caṃdravatī bubhujāte paraṃ sukham || 16 ||
[Analyze grammar]

ekasmindivase rājanmenāṃ madanamaṃjarīm |
nṛpaḥ prāha vivāhaṃ tvaṃ suśukena kuruṣva bhoḥ || 17 ||
[Analyze grammar]

menakā prāha bho rājanvivāhāścedṛśo matāḥ |
uttamādhamamadhyāśca puruṣāstrividhāḥ smṛtāḥ || 18 ||
[Analyze grammar]

tathaiva trividhā nārī yathā yogyo varo bhavet |
uttamā yo bhavennārī yogyāyā cādhamāya vai || 19 ||
[Analyze grammar]

śṛṇu tatkāraṇaṃ rājanmayā dṛṣṭaṃ yathā'bhavat |
ilāpure vasatyeko vaiśyo lakṣapatirdhanī || 20 ||
[Analyze grammar]

anapatyo devayājī tasya patnī pativratā |
bahuyatnena tanayastasya jāto mahādhamaḥ || 21 ||
[Analyze grammar]

dyūtakrīḍāparo nityaṃ surāpāne ratassadā |
veśyāgāmī mahādhūrto nityaṃ māṃsāśanaḥ khalaḥ || 22 ||
[Analyze grammar]

tasya dharmaṃ ca pitarau samālokya vanaṃ gatau |
naraṃ nārāyaṇaṃ dhyātvā paramaṃ padamāpatuḥ || 23 ||
[Analyze grammar]

madapālastu tanayaḥ kṛtvā sarvadhanavyayam |
anyadeśe ca vṛttyarthaṃ jagāma dhanavarjitaḥ || 24 ||
[Analyze grammar]

prāptaścaṃdrapure ramye yatra hemapatiḥ sthitaḥ |
vṛttāṃtaṃ kathayāmāsa vaiśyaṃ hemapatiṃ hi saḥ || 25 ||
[Analyze grammar]

devayājī suto'haṃ vai svalpaṃ vai dhanamāhṛtam |
deśāntare vikrayārthe sindhumārgeṇa prāptavān || 26 ||
[Analyze grammar]

mahāvāyu prabhāvena dravyaṃ tanmagnamaṃbhasi |
tallajjayā na yāsye'haṃ pitaraṃ prati māriṣa || 27 ||
[Analyze grammar]

iti śrutvā hemapatiḥ svapatnīṃ kāmamaṃjarīm |
vacaḥ prāha prasannātmā saṃyogo vidhinā kṛtaḥ || 28 ||
[Analyze grammar]

caṃdrakāṃtiṃ sutāṃ dāsye tadvarāya tvadājñayā |
saṃmaṃtrya daṃpatī rājandadau kanyāṃ vidhānataḥ || 29 ||
[Analyze grammar]

svagṛhe vāsayāmāsa madapālaṃ sutāpatim |
māsamekamuṣitvā taṃ śvaśuraṃ prāha namradhīḥ || 30 ||
[Analyze grammar]

ājñāṃ dehi dhanādhyakṣa svagehaṃ yāmi mā ciram |
iti śrutvā hemapatiḥ svasutāṃ svarṇabhūṣitām || 31 ||
[Analyze grammar]

caṃdrakāṃtiṃ sadāsīṃ ca tasmai dattvā gṛhaṃ yayau |
narānvisṛjya duṣṭātmā śibikāvāhakānnṛpa || 32 ||
[Analyze grammar]

dāsīṃ hatvā tadā patnīṃ visṛjya dhanavarjitām |
ekākī prāptavāngehaṃ madapālo mahādhamaḥ || 33 ||
[Analyze grammar]

varṣāṃtare ca tatsvarṇaṃ vyayaṃ kṛtvā kumārgake |
bubhukṣitaḥ punaḥ śokaṃ cakāra bahudhā nṛpa || 34 ||
[Analyze grammar]

punaśca śvaśurasyaiva gṛhe saṃprāptavānkhalaḥ |
caṃdrakāṃtistu taṃ dṛṣṭvā svapatiṃ prāha namradhīḥ || 35 ||
[Analyze grammar]

mayā niveditaṃ pitre dhanaṃ cauraiśca luṃṭhitam |
atastvaṃ tyaja saṃtāpaṃ ciraṃ vasa gṛhe mama || 36 ||
[Analyze grammar]

tathetyuktvā mahādhūrta uvāsa katiciddinam |
jñātvā vimohitā patnīmarddharātre tamovṛte || 37 ||
[Analyze grammar]

hatvā tāṃ sa yayau gehaṃ gṛhītvā bahubhūṣaṇam |
ayogyoyamato rājanvivāhaḥ śukamenayoḥ || 38 ||
[Analyze grammar]

iti śrutvā śukaḥ prāha bhūpatiṃ karuṇānidhim |
vivāhaṃ na kariṣyāmi nāryyā cādhamayā saha || 39 ||
[Analyze grammar]

adhamā menakā nārī śyāmāṃgā ca kurūpiṇī |
uttamo'haṃ śuko rājanpuruṣaśca harettanum || 40 ||
[Analyze grammar]

śṛṇu tatkāraṇaṃ bhūpa mayā dṛṣṭaṃ mahottamam |
nagare kāṃcanapure vaṇikchaṃkhapatiḥ śrutaḥ || 41 ||
[Analyze grammar]

tasya putrastu medhāvī sindhugupto guṇī dhanī |
prabhāvatī priyā tasya śrīdattastatsutaḥ smṛtaḥ || 42 ||
[Analyze grammar]

vivāhamakarottasya jayaśrīpattane śubhe |
somadattasya sutayā jayalakṣmyā samanvitam || 43 ||
[Analyze grammar]

śrīdattastu gato deśaṃ vāṇijyārthaṃ kurusthalam |
āyāti dvādaśābde tu sadhano gehamāgataḥ || 44 ||
[Analyze grammar]

jayalakṣmīstu kāmena pīḍitā pitṛmaṃdire |
amātyatanayenaiva homadattena mohitā || 45 ||
[Analyze grammar]

dūtī mārgeṇa taṃ prāpya vyayaṃ kṛtvā dhanaṃ bahu |
ramayāmāsa sā nārī tena sārddhaṃ mahādhamā || 46 ||
[Analyze grammar]

trimāsānte ca tatsvāmī śrīdattaḥ śvaśurālaye |
saṃprāptaḥ sā tu taṃ dṛṣṭvā mahadduḥkhamupāyayau || 47 ||
[Analyze grammar]

ardharātre tu tanmātrā preṣitā svapatiṃ prati |
jayalakṣmīśca saṃprāptā krodhena sphuritādharā || 48 ||
[Analyze grammar]

bahumānena svapatisnehaṃ kṛtvālayaṃ yayau |
tadā tu kulaṭā sā ca gatā dūtīgṛhaṃ prati || 49 ||
[Analyze grammar]

śūnyālaye homadatto daṃśito bhujagena vai |
suṣvāpa maraṇaṃ prāpya tadā bālā samāgatā || 50 ||
[Analyze grammar]

vegena ramayāmāsa taṃ jāraṃ viṣamohitam |
pippalasthaḥ piśācaśca dṛṣṭvā tāṃ jāriṇīṃ śubhām || 51 ||
[Analyze grammar]

śavadehaṃ ca saṃprāpya ramaṇīṃ tāmarīramat |
khanitvā daśanairnāsāṃ pippalopari so'gamat || 52 ||
[Analyze grammar]

kaphallo nāma caurastu dṛṣṭvā tatkāraṇaṃ tadā |
kāminyā anugo bhūtvā maṃdiraṃ tatpraviṣṭavān || 53 ||
[Analyze grammar]

tadā tu jayalakṣmīśca svapatiṃ prāpya durbhagā |
cakre sā rodanaṃ gāḍhaṃ sarve lokāḥ prata sthire || 54 ||
[Analyze grammar]

nāsāhīnāṃ sutāṃ dṛṣṭvā somadatto mahādhanaḥ |
baddhvā jāmātaraṃ śīghraṃ rājāṃtikamupāyayau || 55 ||
[Analyze grammar]

nṛpājñayā rājadūtāstamudbaṃdhanamādadhuḥ |
tadā kaphallaḥ saṃprāpya sarvaṃ rājñe nyavedayat || 56 ||
[Analyze grammar]

matvā tasya vacaḥ satyaṃ jayalakṣmīṃ mahādhamām |
rāsabhopari saṃsthāpya kṛtvā durgatirūpiṇīm || 57 ||
[Analyze grammar]

nagarātpreṣayāmāsa vanaṃ śārdūlasevitam |
atastvaṃ śṛṇu bhūpāla menā madyogyikā na hi || 58 ||
[Analyze grammar]

ityuktvā sa tu vaitālo vikramaṃ prāha namradhīḥ |
nārī pāpādhikā vātha puruṣastadvadvasva me || 59 ||
[Analyze grammar]

vikrama uvāca |
brahmaṇo'guṇarūpasya māyāvarṇasva rūpiṇī |
tamo na puṃsakaṃ jñeyaṃ triliṃgaikaṃ tadavyayam || 60 ||
[Analyze grammar]

avyayaṃ brahmaṇo dhāma māyā liṃgasvarūpiṇī |
tayā jātamidaṃ viśvaṃ tadaṃbāyai namonamaḥ || 61 ||
[Analyze grammar]

klībā strī sarvadā śreṣṭhā striyāstu puruṣastathā |
avyādhikaśca puruṣo nārī karmādhikā matā || 62 ||
[Analyze grammar]

klībamajñānamadhikaṃ kathitaṃ pūrvakovidaiḥ |
karmaiva bandhanaṃ puṃsāṃ jñānaṃ nirbaṃdhana smṛtam || 63 ||
[Analyze grammar]

ataḥ pāpādhikā nārī puruṣo hīnakilbiṣaḥ || 64 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye kaliyugīyetihāsasamuccaye caturtho'dhyāyaḥ || 4 ||
[Analyze grammar]