Chapter 2

sūta uvāca |
prasannamanasaṃ bhūpaṃ mahāsiṃhāsane sthitam |
dvijavaryaḥ sa vaitālo vacaḥ prāha prasannadhīḥ || 1 ||
[Analyze grammar]

ekadā yamunātīre dharmasthalapurī śubhā |
dhanadhānyasamāyuktā caturvarṇasamanvitā || 2 ||
[Analyze grammar]

guṇādhipo mahīpālastatra rājyaṃ cakāra vai |
hariśarmā purodhāstu snānapūjanatatparaḥ || 3 ||
[Analyze grammar]

tasya patnī suśīlā ca pativrataparāyaṇā |
satyaśīlaḥ suto jāto vidyādhyayanatatparaḥ || 4 ||
[Analyze grammar]

tasyānujā madhumatī śīlarūpaguṇānvitā |
dvādaśābdavayaḥprāpte vivāhārthaṃ pitā yadā || 5 ||
[Analyze grammar]

bhrātā babhrāma tau sarvaṃ cinutaśca sutāvaram |
kadācidrājaputrasya vivāhe samato dvijaḥ || 6 ||
[Analyze grammar]

paṭhanārthe tu kāśyāṃ vai sattvaśīlaḥ svayaṃ gataḥ |
etasminnaṃtare rājandvijaḥ kaścitsamāgataḥ || 7 ||
[Analyze grammar]

vāmano nāma vikhyāto rūpaśīlavayovṛtaḥ |
sutā madhumatī taṃ ca dṛṣṭvā kāmāturā'bhavat || 8 ||
[Analyze grammar]

bhojanaṃ chādanaṃ pānaṃ svapnaṃ tyaktvā ca vihvalā |
cakorīva vinā caṃdraṃ kāmabāṇaprapīḍitā || 9 ||
[Analyze grammar]

dṛṣṭvā suśīlā taṃ bālā vāmanaṃ brāhmaṇaṃ tathā |
vārayāmāsa tāṃbūlaiḥ svarṇadravyasamanvitaiḥ || 10 ||
[Analyze grammar]

hariśarmā prayoge ca dvijaṃ dṛṣṭvā trivikramam |
vedavedāṃtattvajñaṃ sutārthe'varayattadā || 11 ||
[Analyze grammar]

satyaśīlastu kāśyāṃ vai guruputraṃ ca keśavam |
varitvā taṃ bhaginyarthe yayau gehaṃ mudānvitaḥ || 12 ||
[Analyze grammar]

māghakṛṣṇatrayodaśyāṃ bhṛgau lagnaṃ śubhaṃ smṛtam |
trayo viprāstadā prāptāḥ kanyārthe rūpamohitāḥ || 13 ||
[Analyze grammar]

tasminkāle tu sā kanyā bhujagenaiva daṃśitā |
mṛtā pretatvamāpannā pūrvakarmaprabhāvataḥ || 14 ||
[Analyze grammar]

tadā te brāhmaṇā yatnaṃ kārayāmāsuruttamam |
na jīvanavatī bālā garalena vimohitā || 15 ||
[Analyze grammar]

hariśarmā tu tatsarvaṃ kṛtvā vedavidhānataḥ |
āyayau maṃdiraṃ rājantsutāguṇavimohitaḥ || 16 ||
[Analyze grammar]

trivikramastu bahudhā duḥkhaṃ kṛtvā smarānugaḥ |
kaṃthādhārī yatirbhūtvā deśāddeśātaraṃ yayau || 17 ||
[Analyze grammar]

keśavastu mahāduḥkhī priyāsthīni gṛhītavān |
tīrthāttīrthāṃtaraṃ prāptaḥ kāmabāṇena pīḍitaḥ || 18 ||
[Analyze grammar]

bhasmagrāhī vāmanastu virahāgniprapīḍitaḥ |
tasthau citāyāṃ kāmārtaḥ patnīdhyānaparāyaṇaḥ || 19 ||
[Analyze grammar]

ekadā sarayūtīre lakṣmaṇākhyapure śubhe |
trivikramastu bhikṣārthe saṃprāpto dvijamaṃdire || 20 ||
[Analyze grammar]

tasmindine rāmaśarmā śivadhyānaparāyaṇaḥ |
yatinaṃ varayāmāsa bhojanārthaṃ svamaṃdire || 21 ||
[Analyze grammar]

tasya patnī viśālākṣī racitvā bahubhojanam |
āhūya yatinaṃ rājanpātramālabhamākarot || 22 ||
[Analyze grammar]

tasminkāle ca tadbālo mṛtaḥ pāpavaśaṃgataḥ |
arodīttasya sairaṃdhrī viśālākṣyapi bhartsitā || 23 ||
[Analyze grammar]

na rodanaṃ tyaktavatī putraśokāgnitāpitā |
rāmaśarmā tadā prāpto maṃtraṃ saṃjīvanaṃ śubham || 24 ||
[Analyze grammar]

japitvā mārjanaṃ kṛtvā jīvayāmāsa bālakam |
vinayāvanato viprastaṃ ca saṃnyāsinaṃ tadā || 25 ||
[Analyze grammar]

bhojanaṃ kārayitvā tu maṃtraṃ saṃjīvanaṃ dadau |
trivikramastu taṃ maṃtraṃ paṭhitvā yamunātaṭe || 26 ||
[Analyze grammar]

prāptavānyatra sā nārī dāhitā hariśarmaṇā |
etasminnantare tatra rājaputro mṛtiṃ gataḥ || 27 ||
[Analyze grammar]

dāhitastanayaḥ pitrā śokakartrā tadāmunā |
jīvanaṃ prāptavānbālastasya maṃtraprabhāvataḥ || 28 ||
[Analyze grammar]

guṇādhipasya tanayo rājño dharmasthalīpateḥ |
trivikramaṃ vacaḥ prāha vīrabāhurmahābalaḥ || 29 ||
[Analyze grammar]

jīvanaṃ dattavānmahyaṃ varayādya varaṃ mama |
sa vipraḥ prāha bho rājankeśavo nāma yo dvijaḥ || 30 ||
[Analyze grammar]

gṛhītvāsthi gatastīrthe tamanveṣaya mā ciram |
vīrabāhustathā matvā dūtamārgeṇa taṃ prati || 31 ||
[Analyze grammar]

prāptastaṃ kathayāmāsa yathā prāptaṃ hi jīvanam |
iti śrutvā vacastasya keśavo'sthisamanvitaḥ || 32 ||
[Analyze grammar]

pragatyāsthīni sarvāṇi dadau tasmai dvijātaye |
punaḥ saṃjīvitā bālā keśavādīnvaco'bravīt || 33 ||
[Analyze grammar]

yogyā dharmeṇa yasyāhaṃ tasmai prāyāmi dharmiṇe |
iti śrutvā vacastasyā maunavaṃtastrayaḥ sthitāḥ || 34 ||
[Analyze grammar]

atastvaṃ vikramāditya dharmajña kathayasva me |
kasmai yogyā ca sā bālā nāmnā madhumatī śubhā || 35 ||
[Analyze grammar]

sūta uvāca |
vihasya vikramādityo vaitālaṃ prāha namradhīḥ |
yogyā madhumatī nārī vāmanāya dvijanmane || 36 ||
[Analyze grammar]

prāṇadātā tu yo vipraḥ piteva guṇatatparaḥ |
asthidātā tu yo vipro bhrātṛtulyassa vedavit || 37 ||
[Analyze grammar]