Chapter 17

sūta uvāca |
aṣṭau hotāro dvārapālāthāṣṭau aṣṭau kāryā brāhmaṇā yājakāśca |
sarve śuddhā lakṣitā lakṣaṇādyairekaḥ kāryo jāpakosminmahātmā || 1 ||
[Analyze grammar]

divyairgaṃdhairgaṃdhamālyaiḥ suvarṇaistailaṃ kāryaṃ brāhmaṇāḥ pañcaviṃśāḥ |
āvāpyaistu dviguṇairvai balīyo divyairvastrairarhaṇādakṣiṇābhiḥ || 2 ||
[Analyze grammar]

nārhayitvā yathoktena kaścitpatraṃ niveśayet |
anarhiteṣu vipreṣu na samyakphalamāpnuyāt || 3 ||
[Analyze grammar]

pratiṣṭhādiṣu sarveṣu samyagviprānathārhayet |
kuśadvijaṃ tu sarvatra arghyaṃ viṣṭaramātrakam || 4 ||
[Analyze grammar]

pradadyādarhaṇaṃ samyakpaścātpātraṃ nivedayet |
vinārhaṇaṃ kṛte tasminnarake paripacyate || 5 ||
[Analyze grammar]

pratyekaṃ brāhmaṇā yajñe vedamantreṣu pāragāḥ |
ācāryo yadi kāryeṣu varayeddaśa govrajān || 6 ||
[Analyze grammar]

viśiṣṭānāmabhāve'pi kuryātkuśamayāndvijān |
kuśapratikṛtau cāpi svagotraṃ svaṃ dvijaṃ vinā || 7 ||
[Analyze grammar]

na kuryāccaraṇoddeśaṃ tathā praharasaṃhatim |
gotrādikīrtanāṃteṣu svanāmoddeśamīrayan || 8 ||
[Analyze grammar]

tulāpuruṣadāne ca tathā ca hāṭakācale |
kanyādāne tathotsarge kīrtayetpravarādikam || 9 ||
[Analyze grammar]

na pātraṃ pratikṛtyarthaṃ na cālaṃ sodakaṃ tathā |
mṛtabhāryyo hyabhāryaśca aputro mṛtaputrakaḥ || 10 ||
[Analyze grammar]

śūdrasaṃskārakaścaiva kṛpaṇo gaṇayājakaḥ |
prāyaścittagṛhītaśca rājayājakapaiśunau || 11 ||
[Analyze grammar]

śūdragehanivāsī ca śūdrapreraka eva ca |
svalpakaṇṭho vāmanaśca vṛṣalīpatireva ca || 12 ||
[Analyze grammar]

bandhudveṣī gurudveṣī bhāryādveṣī tathaiva ca |
hīnāṃgaścaiva vṛddhāṃgo bhagnadaṃtaśca dāṃbhikaḥ || 13 ||
[Analyze grammar]

pratigrāhī ca kunakhaḥ pāradārika eva ca |
śvitrī kuṣṭhī kulodbhūto nidrālurvyasanārthakaḥ || 14 ||
[Analyze grammar]

adīkṣitaḥ kadaryaśca caṃḍarogī galadvraṇaḥ |
mahāvraṇī ca udarī yajñapātraṃ na kārayet || 15 ||
[Analyze grammar]

varaṇāṃte tu pātrāṇāṃ pūjāmantrāñchṛṇu dvija |
pratimantreṇa gandhādyairarcayenmantravittamaḥ || 16 ||
[Analyze grammar]

brahmamūrtistvamācāryaḥ saṃsārātpāhi māṃ vibho |
tvatprasādādguro yajñaṃ prāptosmi yanmayepsitam || 17 ||
[Analyze grammar]

ciraṃ me śāśvatī kīrtiryāvallokāścarācarāḥ |
prasīda tvaṃ maheśāna pratiṣṭhākarmasiddhaye || 18 ||
[Analyze grammar]

tvamādiḥ sarvabhūtānāṃ saṃsārārṇava tārakaḥ |
jñānāmṛtapradācāryo yajurveda namo'stu te || 19 ||
[Analyze grammar]

brahmaṇaiva samudbhūta prakāśitadigantara |
śuddhajāṃbūnadaprakhya yajurveda namo'stu te || 20 ||
[Analyze grammar]

prataptakanakābhāsa bhāsitadyutibhūtala |
mantraprakhyānasaṃsthāna yajurveda namo'stu te || 21 ||
[Analyze grammar]

praphullakanakābhāsa bhāsvarāsurabhūṣita |
prakīrṇamantrasaṃbhāravidhijña praṇato'smi te || 22 ||
[Analyze grammar]

ṣaḍaṃgavedavedajña ṛtviṅgamokṣaprado bhava |
praviśya maṇḍalaṃ viprā svasthāne sthāpayetkramāt || 23 ||
[Analyze grammar]

vedyāḥ paścimabhāge tu ācāryaṃ sthāpayedbudhaḥ |
kuṇḍasyāgre tu brahmāṇaṃ maṇḍalasyaiva paścime || 24 ||
[Analyze grammar]

hotāraṃ sthāpayettatra vidhijñamatha cottare |
dvaudvau kṛtvā jñāpakau ca khaḍgadhārakameva ca || 25 ||
[Analyze grammar]

dvāridvāri prayatnena dvārapālānanukramāt |
vakṣyamāṇena maṃtreṇa pratyekamatha sthāpayet || 26 ||
[Analyze grammar]

pūjayedgandhapuṣpādyairvāsaso yugalena tu |
yajñe savitate yo'sau pūjyate puruṣaḥ sadā || 27 ||
[Analyze grammar]

nārāyaṇasvarūpeṇa yajñaṃ me saphalaṃ kuru |
yajñeṣu sākṣī sarveṣu yajurvedārthatattvavit || 28 ||
[Analyze grammar]

ṛgvedārthasya tattvajña indrarūpa namo'stu te |
makhaśreṣṭheṣu sarveṣu yena maṃtrāḥ suvistṛtāḥ || 39 ||
[Analyze grammar]

yajurvedārthatattvajña brahmarūpa namo'stu te |
makhaśreṣṭheṣu sarveṣu eṣa eva vidhiḥ smṛtaḥ || 30 ||
[Analyze grammar]

māṃgalyaṃ karmaṇāṃ nityaṃ sarvajñaṃ jñānarūpi ṇam |
siddhaye mama yajñasya namāmi śivarūpiṇam || 31 ||
[Analyze grammar]

pālaya tvaṃ diśaḥ sarvā vidiśaśca tathā imam |
dikpālarūpiṇaṃ vipraṃ yajñasiddhau namā myaham |
na saṃkalpaṃ caredyāgaṃ vrataṃ devārcanaṃ tathā || 32 ||
[Analyze grammar]

saṃkalpamūlaḥ kāmo vai yajñāḥ saṃkalpasaṃbhavāḥ |
saṃkalpena vinā viprā yatkiñcitkurute naraḥ || 33 ||
[Analyze grammar]

phalaṃ cālpālpakaṃ tasya dharmasyārddhakṣayo bhavet |
tasmātsarvaprayatnena yāgaṃ saṃkalpayetsudhīḥ || 34 ||
[Analyze grammar]

kāmātparo naiva bhavenniṣkāmo'pi na śobhanaḥ |
tasmātkāmamayaṃ dharmaṃ vinā mokṣaṃ na cācaret || 35 ||
[Analyze grammar]

saṃkalpena vinā yastu dharmaṃ carati mānavaḥ |
na tasya phalamāpnoti nityanaimittikasya ca || 36 ||
[Analyze grammar]

na kuryātsthāpane caiva kuryādvai maṃḍalāṃtare |
gṛhītvauduṃbaraṃ pātraṃ vāripūrṇaṃ guṇānvitam || 37 ||
[Analyze grammar]

jalāśayārāmakūpa saṃkalpe pūrvadiṅmukhaḥ |
sādhāraṇe cottarāsyo grahayajñe tu saṃmukhaḥ || 38 ||
[Analyze grammar]

mahāvrate pratiṣṭhāyāṃ pātraṃ tāmraṃ hiraṇmayam |
rājatāśmamayaṃ sāṃgaṃ yadyajñeṣu praśasyate || 39 ||
[Analyze grammar]

yajñīyapātrapuṭakaṃ hastasthāne prakīrtitam |
aiśyānyāṃ nikṣipettoyaṃ pratiṣṭhāyāṃ ca pūrvataḥ || 40 ||
[Analyze grammar]

ākāśe nikṣipedyāge vrate īśepi nityake |
pitṛmedhe ca goyāge naramedhe ca dakṣiṇe || 41 ||
[Analyze grammar]

śuktikāṃsyādihastaiśca tāmraraupyādibhistathā |
saṃkalpo naiva kartavyo mṛnmaye ca kadācana || 42 ||
[Analyze grammar]

praṇavaṃ pūrvamuccārya yajedyajñeśvaraṃ smaret |
gaṅgā cādityacaṃdrau ca dyaurbhūmī rātrivāsarau || 43 ||
[Analyze grammar]

sūryaḥ somo yamaḥ kālo mahābhūtāni paṃca ca |
ete śubhāśubhāsyeha karmaṇo nava sākṣiṇaḥ || 44 ||
[Analyze grammar]

ityuccārya nyaseddharmaṃ dhyātvā puṣpāñjaliṃ sṛjet |
amṛtaṃ kṛtyapātre ca oṃ tatsaditi nirdiśet || 45 ||
[Analyze grammar]

dharmaḥ śubhravapuḥ sitāṃbaradharaḥ kāryordhvadeśe vṛṣo hastābhyāmabhayaṃ varaṃ ca satataṃ rūpaṃ paraṃ yo dadhat |
sarvaprāṇisukhāvahaḥ kṛtadhiyāṃ mokṣaikahetuḥ sadā soyaṃ pātu jagaṃti caiva satataṃ bhūyātsatāṃ bhūtaye || 46 ||
[Analyze grammar]

yajñasaṃbaṃdhiviprāṃśca ekāhenaiva yojayet |
havirdravyāṇi yāni syuraṣṭayāgāṃtarepi ca || 47 ||
[Analyze grammar]

punaḥpunarniyojyāni brāhmaṇā haviragnayaḥ || 48 ||
[Analyze grammar]

iti śrībhaviṣye mahāpurāṇe madhyamaparvaṇi dvitīyabhāgesaptadaśo'dhyāyaḥ || 17 ||
[Analyze grammar]