Chapter 6

sūta uvāca |
atha māsāśrayaṃ karma kartuṃ māsanirūpaṇam |
kriyate tadvidhaṃ saṃkhye bhavenmāsa ścaturvidhaḥ || 1 ||
[Analyze grammar]

cāndraḥ sauraḥ sāvanaśca nākṣatraśca tathāparaḥ |
śuklapratipadaṃ prāpya yāvaddarśa ca aindavaḥ || 2 ||
[Analyze grammar]

ekarāśau raviryāvatsa māsaḥ saura ucyate |
triṃśatā divasairmāsaḥ sāvanaḥ parikīrtitaḥ || 3 ||
[Analyze grammar]

nākṣatramāso'śvinyādirevatyanto hi viśrutaḥ |
udayādudayaṃ yastu sāvano divaso raveḥ || 4 ||
[Analyze grammar]

taṃtreṇaikatitherbhāgakālo divasa aindavaḥ |
rāśestriṃśadbhāgakālaḥ kālastvekasya bhāsvataḥ || 5 ||
[Analyze grammar]

ahorātraṃ tu tannaivaṃ saure'pi bhāgamānataḥ |
ahorātraṃ sādhanasya mukhyavṛttvaiva labhyate || 6 ||
[Analyze grammar]

saure cāndre tūpagaṇau triṃśadbhāge tvadarśanāt |
sāvanā divasā grāhyā ṛṣīṇāṃ samaye gṛhe || 7 ||
[Analyze grammar]

atibhāgavyavasthāyāṃ prāyaścittakriyāsu ca |
mantropāsanakārye ca annasya prāśane śiśoḥ || 8 ||
[Analyze grammar]

karasya grahaṇe rājño vyavahāreṣu māḥsu ca |
yajñeṣu dinasaṃ khyāyāṃ grāhyo māsastu sāvanaḥ || 9 ||
[Analyze grammar]

sauramāso vivāhādau yadādyaiḥ supragṛhyate |
yajñeṣvapi vrate vāpi vihite snānakarmaṇi || 10 ||
[Analyze grammar]

cāndrastu pārvaṇe grāhyo vārṣikeṣvaṣṭakāsu ca |
śrāddheṣu tithikāryeṣu tithyukteṣu vrateṣu ca || 11 ||
[Analyze grammar]

nākṣatraḥ somapādīnāmāryabhāgavicāraṇe |
karagrahavidhau rājñāṃ nāyaṃ sarvajanākṛtiḥ || 12 ||
[Analyze grammar]

tadvaccaitrādimāsoktaṃ tithyuktaṃ karma dṛśyate |
tattu cāndreṇa kartavyaṃ sā hi caitrādinocyate || 13 ||
[Analyze grammar]

rājoktau sāvanaḥ prokte tithisaṃbhāgakarmaṇi |
tatra sauro bhavedvācyaḥ sauraśabdapravartanāt || 14 ||
[Analyze grammar]

citrānakṣatrayogena caitrī sā pūrṇimā smṛtā |
tayopalakṣito māsaścaitra ityabhidhīyate || 15 ||
[Analyze grammar]

sa ca tithyātmako māsaścāndraḥ śravaṇabhāskaraḥ |
cāndraścaitryaṃtiko māso mukhyaścaitrādisaṃjñakaḥ || 16 ||
[Analyze grammar]

gauṇo'pyasau yugādyāderanurodhena vardhanāt |
mukhyaḥ śuklādidarśāṃto māso lākṣaṇiko mataḥ || 17 ||
[Analyze grammar]

caitrādyāścāndramāsā ye dvādaśāpi tu yogataḥ |
paurṇamāsīyutābhistu na carkṣatvaṃ na rebhire || 18 ||
[Analyze grammar]

viśākhayādyeṣu yā vā tathā bhādrapadena vā |
yatra na pūrṇimāyogo māsaḥ sa syādvināśakaḥ || 19 ||
[Analyze grammar]

yo'sau yadyapi caitrādau naiṣṭhiko'pi pralabhyate |
yathā saure'pi yāto'sau yogo'yamatidurghaṭaḥ || 20 ||
[Analyze grammar]

tathā ca māsasāmānye yogenāyaṃ bhavetkvacit |
yadi varṣasahasrānte tadakṣeṇaiva pūrṇimā || 21 ||
[Analyze grammar]

saṃyuktā labhyate yatra bhavedrājyavināśanam |
sūryācandramasau nityaṃ kurvāte tithibhojanam || 22 ||
[Analyze grammar]

daṇḍadvaye bhuktaśeṣe na bhuñjīta kadācana |
atikramyāparāṃ bhoktuṃ tithiṃ yatra ubhāvapi || 23 ||
[Analyze grammar]

yatra viṃśattithistasmātsañcitaikā bhavediti |
triṃśatā cāndramāsau tu candreṇaiko hi varddhate || 24 ||
[Analyze grammar]

sa cādhiko yato māsastataḥ syādadhimāsakaḥ |
samarātriṃ divaṃ kṛtvā vaivasvatapurīgatim || 25 ||
[Analyze grammar]

gaśe rāśyaṃtare sūryo yāvadgacchati bhānumān |
gacchanvardhayati pūrvaṃ tithayastāstu saṃcitāḥ || 26 ||
[Analyze grammar]

vardhate tithayo yāvattulāṃ yāti divā karaḥ |
tulādirāśiṣaṭke tu na varddhate kadācana || 27 ||
[Analyze grammar]

svabhāvātsamagatyā tu yataḥ saṃkramate raviḥ |
saṃcayamānātvekaikā pratimāsaṃ vivarddhate |
niśāsvapi tu saure tā ekasmiṃstisra ityapi || 28 ||
[Analyze grammar]

saṃpūrṇatriṃśattithibhirmāsyekasminyadā bhavet |
sa cāndro malino māsaḥ koṇapādyaiḥ samīhitaḥ || 29 ||
[Analyze grammar]

bhuktocchiṣṭā tu tanmāsādasaṃspṛṣṭadivākaraḥ |
yadā saṃkramate laṃghya tadā jñeyo malimlucaḥ || 30 ||
[Analyze grammar]

sārdhavarṣadvaye pūrṇe patatyevaṃ niśākaraḥ |
parityaktāśca yāvaṃtyo vyutkramiṇyaśca yāḥ punaḥ |
tithayaste niyoktavyā naro na syātsa pūraṇaḥ || 31 ||
[Analyze grammar]

nairṛtyāṃtaṃ hitārthāya jalaketurnigacchati |
nirmamaṃ malinaṃ māsaṃ pretānāṃ ca hitāya ca || 32 ||
[Analyze grammar]

ataḥ pretakriyāḥ sarvāḥ kāryā malimluce'pi ca |
yatkartavyaṃ na kartavyaṃ malamāse dvijottamāḥ || 33 ||
[Analyze grammar]

tadidānīṃ pravakṣyāmi kathitaṃ ca prasaṃgataḥ |
yacchrāddhaṃ pretasaṃbaṃdhi sarpiḍīkaraṇāvadhi |
malamāse'pi tatkāryaṃ viśi naṣṭi sapiṃḍanam || 34 ||
[Analyze grammar]

yadā tu dvādaśo māso daivānmalimluco bhavet |
tatraiva yatnātkartavyā kriyā pretasya vārṣikī || 35 ||
[Analyze grammar]

māsāṃtare tu patite tasminneva malimluce |
tadā trayodaśe māsi kartavyaṃ tatsapiṃḍanam || 36 ||
[Analyze grammar]

varjyaṃ māsikayā śrāddhamekaṃ tasmiṃstrayodaśe |
triṃśatā ghaṭikaiḥ śrāddhaṃ vardhate'dyāpi saṃmitam || 37 ||
[Analyze grammar]

kuryātpatyābdikaṃ karma prayatnena malimluce |
naimittikaṃ ca kurvīta nādhikārastayorbhavet || 38 ||
[Analyze grammar]

tīrthasnānamalabhyaṃ tattadādyaṃ devadarśanam |
upavāsādikaṃ karma sīmantonnayanaṃ tathā || 39 ||
[Analyze grammar]

ārtavarjaṃ puṃsavanaṃ putrādimukhadarśanam |
malamāsepi kurvīta śukre cāstamupāgate || 40 ||
[Analyze grammar]

malamāsepi kurvīta nṛpāṇāmabhiṣecanam |
vratāraṃbhaṃ pratiṣṭhāṃ ca cūḍākarma ca mekhalām || 41 ||
[Analyze grammar]

maṃtropāsāṃ rahasyaṃ ca mahādānaṃ sumaṅgalam |
vivāhaṃ ca gṛhāraṃbhaṃ praveśaṃ navaveśmanaḥ || 42 ||
[Analyze grammar]

upagrahaṃ gavādīnāmāśramāṃtarasaṃkramam |
dīrghamātrāsu nejyaṃ vai tīrthayātrāvasecanam || 43 ||
[Analyze grammar]

varṣavṛddhivṛṣotsargakanyā dvirnayanādi ca |
yajñaṃ ca kāmikaṃ vidvānmalamāse vivarjayet || 44 ||
[Analyze grammar]

evamastaṃ gate śukre vṛddhabālye ca saṃtyajet |
pādāstaṃ ca mahāstaṃ ca dvividhaṃ cāstamasya tu || 45 ||
[Analyze grammar]

dvisaptatirdinānyasya mahāstaṃ pūrvato bhavet |
pṛthivyāmeva pādāstaṃ bhaveddvādaśa vatsarān || 46 ||
[Analyze grammar]

ūnapañcāśadadhikaṃ divasānāṃ śatadvayam |
pratīcyāmuditaḥ kāvyo dṛśyo bhavati sarvadā || 47 ||
[Analyze grammar]

ekarkṣe guruṇā yukto yāvattiṣṭhati bhārgavaḥ |
malamāsavatkarmāṇi prāhustyājyāni sarvaśaḥ || 48 ||
[Analyze grammar]

ṛkṣabhede tvekarāśau saṃparke yadi vānayoḥ |
guro rāhorapi tathā tyajedvidvānna saṃśayaḥ || 49 ||
[Analyze grammar]

siṃhe rāśau sthite sūrye jīve cāstamupāgate |
heyāni yāni karmāṇi niṣiddhāni malimluce || 50 ||
[Analyze grammar]

mithunasthe yadā bhānau malamāsaḥ patatyasau |
dvirāṣāḍha iti khyāto gauṇe śabdavivartanāt || 51 ||
[Analyze grammar]

phalaṃ cātra mṛtasyaurdhvadehikaṃ karma kurvatā |
āṣāḍhakīrtanaṃ kāryamevaṃ varṣāṃtare'pi ca || 52 ||
[Analyze grammar]

āṣāḍhadvayasaṃyuktapūrṇamāsīdvayaṃ tathā |
yugmakarkaṭayo rāśyo dvirāṣāḍhastadā bhavet || 53 ||
[Analyze grammar]

bhavedgauṇo dvirāṣāḍho rāśistatraiva saṃyute |
pūrvatrike tu patite tadeva bhagavānhariḥ || 54 ||
[Analyze grammar]

karkaṭe śayanaṃ kuryādāgamiṣyaṃ paratrake |
karkiṇyarke suptaharau śakrapūjāśvine bhavet || 55 ||
[Analyze grammar]

durgotthānaṃ tulāyāṃ tu viṣṇurnidrāṃ jahātyasau || 56 ||
[Analyze grammar]

iti śrībhaviṣye mahāpurāṇe madhyamaparvaṇi dvitīyabhāge ṣaṣṭho'dhyāyaḥ || 6 ||
[Analyze grammar]