Chapter 18

sūta uvāca |
athāto homadravyāṇāṃ pramāṇamabhidhīyate |
pramāṇe cāpramāṇe ca niṣphalaṃ bhavati dhuvam || 1 ||
[Analyze grammar]

karṣamātraṃ ghṛtaṃ home śuktimātraṃ payaḥ smṛtam |
tatsamaṃ pañcagavyaṃ ca dadhi dugdhaṃ tathā madhu || 2 ||
[Analyze grammar]

muṣṭimānena pṛthukā lājāḥ syurmuṣṭisaṃmitāḥ |
śarkarā muṣṭimātrā ca śarkarātolakaṃ viduḥ || 3 ||
[Analyze grammar]

tritolakaṃ guḍaṃ vidyādikṣuparvavi dhirbhavet |
ekaikaṃ patrapuṣpāṇi śālūkasya trimuṣṭikam || 4 ||
[Analyze grammar]

ekalagne na juhuyānna pṛthagjuhuyātkvacit |
savṛṃtakaṃ japāpuṣpaṃ keśaraṃ tatsavṛṃtakam || 5 ||
[Analyze grammar]

ekaikaśaśca padmānāṃ jalajānāṃ tathaiva ca |
jīvaṃtyāḥ phalamānena piṣṭakānāṃ prasaṃkhyayā || 6 ||
[Analyze grammar]

vasaṃtakaṃ dhātrimāne modakasya pramāṇataḥ |
ekaikaśaḥ phalānāṃ ca mātuliṃgatrikheḍakam || 7 ||
[Analyze grammar]

aṣṭadhā nālikerasya panasaṃ daśadhā bhavet |
padmabījapramāṇena kūṣmāṃḍaṃ cāṣṭadhā bhavet || 8 ||
[Analyze grammar]

urvārukaṃ cāṣṭadhā ca guḍūcī caturaṃgulam |
pūgamānaṃ ca māṃsasya saguḍaṃ tatra dṛśyate || 9 ||
[Analyze grammar]

anyatra badarīmānaṃ tiṃdukaṃ ca tridhā kṛtam |
kāṣṭhaṃ prādeśamātraṃ syāddūrvā yāśca tripatrakam || 10 ||
[Analyze grammar]

bhūrjapatraṃ ca gṛhṇīyācchamīṃ prādeśamātrikām |
vrīhayo muṣṭimātrāḥ syuḥ śuktimānena sarṣapāḥ || 11 ||
[Analyze grammar]

maricāḥ syurvimā nena mṛṇālaṃ cātha mūlakam |
saptakhaṃḍaṃ ca vārtākaṃ tripuṣṭaṃ ca tridhoditam || 12 ||
[Analyze grammar]

caṃdanāgurukarpūrakastūrīkuṃkumāni ca |
tittiḍībījamānena samuddi ṣṭāni deśikaiḥ || 13 ||
[Analyze grammar]

samidāplavane tryaṃgatilānāmapi madhyataḥ |
daśakaṃ plāvanenaiva sahasrāṇāṃ śataṃ vinā || 14 ||
[Analyze grammar]

evaṃ vrīhiplāvane ca kāṣṭhavadi kṣudaṃḍakam |
prokṣaṇaṃ mṛdupuṣpāṇāṃ latādīnāṃ tathaiva ca || 15 ||
[Analyze grammar]

pāyasānne tathānne ca modake piṣṭake'pi ca |
śālyāsaktena juhuyādvyatyaye vyatyayaṃ phalam || 16 ||
[Analyze grammar]

bilvapatrasya plavanaṃ daṃḍaṃ hitvā ca plāvayet |
vṛṃtasaṃplāvanādeva phalaṃ harati rākṣasaḥ || 17 ||
[Analyze grammar]

bilvapatrasya pūrvārdhaprāptamātreṇa yoja yet |
patratrayaṃ tathā home chinnebhinne'tidūṣaṇam || 18 ||
[Analyze grammar]

na dvitriplavanaṃ kuryātkṛtvā yāti rasātalam |
tasmācca putraśiṣyādyairbrāhmaṇaistattvakovidaiḥ || 19 ||
[Analyze grammar]

pūrvāśābhimukho bhūtvā pāvayecca yathākramāt |
na nyūnaṃ nādhikaṃ kuryācchāṃtipakṣa udaṅmukhaḥ || 20 ||
[Analyze grammar]

pāyasānyanyadeveṣu yatnena pariva rjayet |
na cāgnau dāpayedyatnādetebhyaḥ pratipādayet || 21 ||
[Analyze grammar]

kaniṣṭhāṃgulimāsādya prakuryātparvabhūṣaṇam |
guṇadorakamānena tāvaddhomagatirbudhāḥ || 22 ||
[Analyze grammar]

aṃgulairdvitricaturaiḥ patrahomākṛtikramāt || 23 ||
[Analyze grammar]

iti śrībhaviṣye mahāpurāṇe madhyamaparvaṇi prathamabhāgeṣṭādaśo'dhyāyaḥ || 18 ||
[Analyze grammar]