Chapter 207

bhīṣma uvāca |
aho devasya māhātmyaṃ bhāskarasya tvayoditam |
pūjayaṃti sadā hyenaṃ brahmaviṣṇuśivādayaḥ || 1 ||
[Analyze grammar]

vyāsa uvāca |
evametanna saṃdeho yathā vadasi bhārata |
nāsti sūryasamo devo nāsti sūryasamā gatiḥ || 2 ||
[Analyze grammar]

nāsti sūryasamaṃ brahma nāsti sūryasamaṃ hutam |
nāsti sūryasamo dharmo nāsti sūryasamaṃ dhanam || 3 ||
[Analyze grammar]

nāsti sūryādṛte kāmo nāsti sūryādṛte padam |
nāsti sūryasamo baṃdhurnāsti sūryasamaḥ suhṛt || 4 ||
[Analyze grammar]

nāsti sūryasamā mātā nāsti sūryasamo guruḥ |
nāsti sūryasamaṃ tīrthaṃ na pavitraṃ tataḥ param || 5 ||
[Analyze grammar]

tamekaṃ daivataṃ vidyānnaivāpyarkaparāyaṇam |
lokānāṃ devatānāṃ ca pitṝṇāṃ cāpi bhārata || 6 ||
[Analyze grammar]

tamarcaṃtaḥ stuvaṃtaśca prāpnuvaṃti parāṃ gatim |
te prapannāstu ye bhaktyā muktāste bhavasāgarāt || 7 ||
[Analyze grammar]

rājā corā grahāḥ sarpā dāridryaṃ duḥkhasaṃpadaḥ |
naite pīḍayituṃ śaktāḥ prasanne bhāskare sati || 8 ||
[Analyze grammar]

vyāsa uvāca |
evaṃ tāta mahābāho devo bhāskaratatparaḥ |
sa pūjyaḥ sa namaskāryaḥ sa hi dhyātavya eva ca || 9 ||
[Analyze grammar]

pratyakṣadevatā hyeṣā devadevoyamādarāt |
atha kiṃ bahunoktena yadvakṣyāmi nibodha me || 10 ||
[Analyze grammar]

pūjayettanayaḥ pāpī tathādityadinairapi |
pūjayanti narā ye vai te yāṃti paramāṃ gatim || 11 ||
[Analyze grammar]

prāpte sūryadine bhaktyā bhānuṃ saṃpūjya śraddhayā |
naktaṃ karoti puruṣaḥ sa yātyamaraloktām || 12 ||
[Analyze grammar]

yastu pūrvaṃ raverbhaktyā pañcaratnasamanvitam |
nivedayati maṃtreṇa sa yātyamaralokatām || 13 ||
[Analyze grammar]

mārtaṃḍaprītaye yastu kuryācchrāddhaṃ vidhānataḥ |
saṃkrāntāvayane vīra sūryalokaṃ sa gacchati || 14 ||
[Analyze grammar]

kṛtvopavāsaṃ ṣaṣṭhyāṃ tu saptamyāṃ yastu mānavaḥ |
karoti vidhivacchrāddhaṃ bhāskaraḥ prīyatāmiti || 15 ||
[Analyze grammar]

sarvadoṣavinirmuktaḥ sūryaloke mahīyate |
mānavo yastu saptamyāṃ yoṣidvāpi divākaram || 16 ||
[Analyze grammar]

prapūjya vidhivadbhānuṃ sarvānkāmānavāpnuyāt |
viśeṣatastasya dine grahaṇe ca narādhipa || 17 ||
[Analyze grammar]

iti bhīṣma vijānīhi na devo bhāskarātpriyaḥ |
ādityamekaṃ paramaṃ devadeveṣu pūjitam || 18 ||
[Analyze grammar]

ratnaparvatamāruhya yathā bhuvi narādhipāḥ |
sattvānurūpaṃ gacchanti ratnabhāgānaśeṣataḥ || 19 ||
[Analyze grammar]

tathā bhānuṃ samārādhya prāpnuvaṃti narāḥ phalam |
dhanārthī prāpnuyādarthaṃ putrārthī prāpnuyātsutam || 20 ||
[Analyze grammar]

mokṣārthī mokṣamāpnoti cātha vā'maratāṃ vrajet |
atha kiṃ bahunoktena śṛṇu tvaṃ vacanaṃ mama || 21 ||
[Analyze grammar]

brahmādayo devagaṇā bhānumārādhya bhārata |
manoharāṇi divyāni divi sthānānyavāpnuvan || 22 ||
[Analyze grammar]

acalāni mahābhāgāḥ sarvapāpaharāṇi ca || 23 ||
[Analyze grammar]

sumanturuvāca |
ityuktvā bhagavānvyāsastatraivāṃtaradhīyata |
bhīṣmo'pi pūjayāmāsa bhaktyā bhānuṃ vidhānataḥ || 24 ||
[Analyze grammar]

tathā tvamapi rājendra pūjayemaṃ divākaram |
pūjayitvā raviṃ bhaktyā sthānaṃ yāsyasi śāśvatam || 25 ||
[Analyze grammar]

yathā gataḥ sa bhagavānvyāso bhīṣmaśca mānada |
sakṛtprapūjya saptamyāṃ bhaktyā devaṃ divākaram || 26 ||
[Analyze grammar]