Chapter 179

aruṇa uvāca |
kṛttikā paramā devī rohiṇī ca varānanā |
śrīmanmṛgaśiro bhadrā ārdrā cāpyaparojjvalā || 1 ||
[Analyze grammar]

punarvasustathā puṣya āśleṣā ca tathādhipa |
sūryārcanaratā nityaṃ sūryabhāvānubhāvitāḥ || 2 ||
[Analyze grammar]

arcayaṃti sadā devamādityaṃ surate sadā |
nakṣatramātaro hyetāḥ prabhāmālāvibhūṣitāḥ || 3 ||
[Analyze grammar]

maghā sarvaguṇopetā pūrvā caiva tu phālgunī |
svātī viśākhā varadā dakṣiṇāṃ diśamāśritāḥ || 4 ||
[Analyze grammar]

arcayaṃti sadā devamādityaṃ surapūjitam |
tavāpi śāṃtikaṃ dyotaṃ kurvaṃtu gaganoditāḥ || 5 ||
[Analyze grammar]

anurādhā tathā jyeṣṭhā mūlaṃ sūryapuraḥsarā |
pūrvāṣāḍhā mahāvīryā āṣāḍhā cottarā tathā || 6 ||
[Analyze grammar]

abhijinnāma nakṣatraṃ śravaṇaṃ ca bahuśrutam |
etāḥ paścimato dīptā rājaṃte cānu mūrtayaḥ || 7 ||
[Analyze grammar]

bhāskaraṃ pūjayaṃtyetāḥ sarvakālaṃ subhāvitāḥ |
śāṃtiṃ kurvaṃtu te nityaṃ vibhūtiṃ ca maharddhikām || 8 ||
[Analyze grammar]

dhaniṣṭhā śatabhiṣā tu pūrvabhādrapadā tathā || 9 ||
[Analyze grammar]

uttarā bhādrarevatyau cāśvinī ca mahāmate |
bharaṇī ca mahādevī nityamuttarataḥ sthitāḥ || 10 ||
[Analyze grammar]

sūryārcanaratā nityamādityagatamā nasāḥ |
śāṃtiṃ kurvatu te nityaṃ vibhūtiṃ ca maharddhikām || 11 ||
[Analyze grammar]

meṣo mṛgādhipaḥ siṃho dhanurdīptimatāṃ varaḥ |
pūrveṇa bhāsayaṃtyete sūryayogaparāḥ śubhāḥ |
śāṃtiṃ kurvaṃtu te nityaṃ bhaktyā sūryapadāṃbuje || 12 ||
[Analyze grammar]

vṛṣaḥ kanyā ca paramā makaraścāpi buddhimān |
ete dakṣiṇabhāge tu pūjayaṃti raviṃ sadā |
bhaktyā paramayā nityaṃ śāṃtiṃ kurvaṃtu te sadā || 13 ||
[Analyze grammar]

mithunaṃ ca tulā kuṃbhaḥ paścime ca vyavasthitāḥ |
japaṃtyete sadākālamādityaṃ grahanāya kam || 14 ||
[Analyze grammar]

śāṃtiṃ kurvaṃtu te nityaṃ khakholkājñānatatparāḥ |
satapodattapuṣpābhyāṃ ye smṛtā satataṃ budhaiḥ || 15 ||
[Analyze grammar]

ṛṣayaḥ sapta vikhyātā dhruvāṃtāḥ praramojjvalāḥ |
bhānuprasādātsaṃpannāḥ śāṃtiṃ kurvaṃtu te sadā || 16 ||
[Analyze grammar]

kaśyapo gālavo gārgyo viśvāmitro mahāmuniḥ |
munirdakṣo vaśiṣṭhaśca mārkaṇḍaḥ pulahaḥ kratuḥ || 17 ||
[Analyze grammar]

nārado bhṛgurātreyo bhāradvājaśca vai muniḥ |
vālmīkiḥ kauśiko vātsyaḥ śākalyo'tha punarvasuḥ || 18 ||
[Analyze grammar]

śālaṃkāyana ityete ṛṣayo'tha mahātapāḥ |
sūryadhyānaikaparamāḥ śāṃtiṃ kurvaṃtu te sadā || 19 ||
[Analyze grammar]

munikanyā mahābhāgā ṛṣikanyāḥ kumārikāḥ |
sūryārcanaratā nityaṃ śāṃtiṃ kurvaṃtu te sadā || 20 ||
[Analyze grammar]

siddhāḥ samṛddhatapaso ye cānye vai mahātapāḥ |
vidyādharā mahātmāno garuḍaśca tvayā saha || 21 ||
[Analyze grammar]

ādityaparamā hyete ādityārādhane ratāḥ |
siddhiṃ te saṃprayacchaṃtu āśīrvādaparāyaṇāḥ || 22 ||
[Analyze grammar]

namucirdaityarājedraḥ śaṃkukarṇo mahābalaḥ |
mahānātho'tha vikhyāto daityaḥ paramavīryavān || 23 ||
[Analyze grammar]

grahādhipasya devasya nityaṃ pūjāparāyaṇāḥ |
balaṃ vīryaṃ ca te ṛddhimārogyaṃ ca bruvaṃtu te || 24 ||
[Analyze grammar]

mahāḍhyo yo hayagrīvaḥ prahlādaḥ prabhayānvitaḥ |
tānaikāgnimukho daityaḥ kālanemirmahābalaḥ || 25 ||
[Analyze grammar]

ete daityā mahātmānaḥ sūryabhāvena bhāvitāḥ || |
tuṣṭiṃ balaṃ tathā'rogyaṃ prayacchaṃtu surārayaḥ || 26 ||
[Analyze grammar]

vairocano hiraṇyākṣasturvasuśca sulocanaḥ |
mucakuṃdo mukuṃdaśca daityo raivatakastathā || 27 ||
[Analyze grammar]

bhāvena parameṇemaṃ yajaṃte satataṃ ravim |
satataṃ ca śubhātmānaḥ puṣṭiṃ kurvaṃtu te sadā || 28 ||
[Analyze grammar]

daityapatayo mahābhāgā daityānāṃ kanyakāḥ śubhāḥ |
kumārā ye ca daityānāṃ śāṃtiṃ kurvaṃtu te sadā || 29 ||
[Analyze grammar]

āraktena śarīraṇa raktāṃtāyatalocanāḥ |
mahābhāgāḥ kṛtāṭopāḥ śaṃkhādyāḥ kṛtalakṣaṇāḥ || 30 ||
[Analyze grammar]

anaṃto nāgarājeṃdra ādityārādhane rataḥ |
mahāpāpaviṣaṃ hatvā śāṃtimāśu karotu te || 31 ||
[Analyze grammar]

atipītena dehena visphuradbhogasaṃpadā |
tejasā cātidīptena kṛtasvastikalāṃchanaḥ || 32 ||
[Analyze grammar]

nāgarāṭ takṣakaḥ śrīmānnāmakoṭyā samanvitaḥ |
karotu te mahāśāṃtiṃ sarvadoṣaviṣāpahām || 33 ||
[Analyze grammar]

atikṛṣṇena varṇena sphuṭādhikaṭamastakaḥ |
kaṃṭharekhātrayopeto ghoradaṃṣṭrāyudhodyataḥ || 34 ||
[Analyze grammar]

karkoṭako mahānāgo viṣadarpabalānvitaḥ |
viṣaśastrāgnisaṃtāpaṃ hatvā śāṃtiṃ karotu te || 35 ||
[Analyze grammar]

padmavarṇaḥ padmakāntiḥ phullapadmāyatekṣaṇaḥ |
khyātaḥ padmo mahānāgo nityaṃ bhāskarapūjakaḥ || 36 ||
[Analyze grammar]

sa te śāṃti śubhaṃ śīghramacalaṃ saṃprayacchatu |
śyāmena dehabhāreṇa śrīmatkamalalocanaḥ || 37 ||
[Analyze grammar]

viṣadarpabalonmatto grīvāyāṃ rekhayānvitaḥ |
śaṃkhapālaśriyā dīptaḥ sūryapādābjapūjakaḥ || 38 ||
[Analyze grammar]

mahāviṣaṃ garaśreṣṭhaṃ hatvā śāṃtiṃ karotu te |
atigaureṇa dehena caṃdrārdhakṛtaśekharaḥ || 39 ||
[Analyze grammar]

dīpabhāge kṛtāṭopaśubhalakṣaṇalakṣitaḥ |
kuliko nāma nāgendro nityaṃ sūryaparāyaṇaḥ |
apahṛtya viṣaṃ ghoraṃ karotu tava śāṃtikam || 40 ||
[Analyze grammar]

aṃtarikṣe ca ye nāgā ye nāgāḥ svargasaṃsthitāḥ |
girikaṃdaradurgeṣu ye nāgā bhuvi saṃsthitāḥ || 41 ||
[Analyze grammar]

pātāle ye sthitā nāgāḥ sarve yatra samāhitāḥ |
sūryapādā rcanāsaktāḥ śāṃtiṃ kurvaṃtu te sadā || 42 ||
[Analyze grammar]

nāginyo nāgakanyāśca tathā nāgakumārakāḥ |
sūryabhaktāḥ sumanasaḥ śāṃtiṃ kurvaṃtu te sadā || 43 ||
[Analyze grammar]

ya idaṃ nāmasaṃsthānaṃ kīrtayecchṛṇuyāttathā |
na taṃ sarpā vihiṃsati na viṣaṃ kramate sadā || 44 ||
[Analyze grammar]