Chapter 160

śatānīka uvāca |
aho devasya caritaṃ bhāskarasya tvayoditam |
brahmādayo'pi yaṃ nityaṃ pūjayaṃti vidhānataḥ || 1 ||
[Analyze grammar]

brahmā viṣṇuḥ surā brahmaṃstamārādhya divākaram |
dadṛśustasya kiṃbhūtaṃ rūpaṃ yattanmahādbhutam || 2 ||
[Analyze grammar]

sumaṃturuvāca |
ārādhya devamīśānaṃ bhāskaraṃ sūtivācakam |
kaviṣṇū kuruśārdūla jagmatustau himācalam || 3 ||
[Analyze grammar]

gopateraṃtikaṃ vīra prahṛṣṭau vibhudarśane |
kuṃdeṃdusaṃnibhaṃ draṣṭuṃ kaṃjajaścācyutaśca tau || 4 ||
[Analyze grammar]

dadṛśaturmahātmānaṃ caṃdrārdhakṛtaśekharam |
pūjayaṃtaṃ vivasvaṃtaṃ bhāskaraṃ vīravannṛpa || 5 ||
[Analyze grammar]

ārcyocaturmahātmānaṃ kaviṣṇū taṃ trilocanam |
bhobho bhīma suraśreṣṭha paśyāvāmiha cāgatau || 6 ||
[Analyze grammar]

śrutvovāca tayorvākyaṃ kaṃjajasyācyutasya ca |
praṇamya śirasā bhūmau kṛtvā pūjāṃ vidhānataḥ || 7 ||
[Analyze grammar]

uvāca madhuraṃ vākyaṃ śikṣākṣarasamanvitam |
harṣa gadgadayā vācā diśaḥ sannādayanniva || 8 ||
[Analyze grammar]

kimārādhya raviṃ prāptau sarvadevavaraṃ vibhum |
kathyatāṃ nikhilaṃ devau paramaṃ kautukaṃ mama || 9 ||
[Analyze grammar]

dṛṣṭavaṃtau paraṃ kiṃcidrūpaṃ devasya śaṃkaram |
avyayasyāprameyasya bhānoramitatejasaḥ || 10 ||
[Analyze grammar]

niśamya vacanaṃ vīra śaṃkarasya mahātmanaḥ |
ūcatustau mahātmānau kaviṣṇū devasattamau || 11 ||
[Analyze grammar]

na tatpaśyāvahe rūpaṃ yattatparamamadbhutam |
ārādhayitumevāpi hyāgatau teṃtikaṃ ca tam || 12 ||
[Analyze grammar]

tasmādārādhayāmo hi ekībhūya vibhāvasum |
gatvodayagiriṃ puṇyaṃ parvataṃ kanakojjvalam || 13 ||
[Analyze grammar]

śrutvā tu vacanaṃ vīra kaṃjajācyutayorharaḥ |
tathetyāha mahābāho harṣādutphullalocanaḥ || 14 ||
[Analyze grammar]

atha te rājaśārdūla vivigogatayo nṛpa |
jagmustaṃ parvataśreṣṭhamudayācalamāśu vai || 15 ||
[Analyze grammar]

tamāsādya nagaṃ puṇyaṃ śṛṃgaistribhiralaṃkṛtam |
nānā dhātupinaddhāṅgaṃ nānādhātuvibhūṣitam || 16 ||
[Analyze grammar]

ārādhanāya vidhivadyatnaṃ cakrurvibhāvasoḥ |
stuvantaste samarcaṃto dhyāyaṃtaśca vibhāvasum || 17 ||
[Analyze grammar]

divyavarṣasahasrāṃte tapaṃtaḥ saṃsthitā nage |
padmāsanagato brahmā dhyāyamāno divākaram || 18 ||
[Analyze grammar]

sthāṇuvatsaṃsthito bhūmāvūrdhvabāhustrilocanaḥ |
paṃcāgniṃ bhajamānastu sthito viṣṇuravākchirāḥ || 19 ||
[Analyze grammar]

evaṃ varṣasahasrāṃte tapaścakruḥ sudāruṇam |
ārādhayaṃto vidhivadgopatiṃ putramālinam || 20 ||
[Analyze grammar]

atha brahmeśaviṣṇūnāṃ kurvatāṃ tapa uttamam |
tutoṣa bhagavānbhānuruvāca ca mahīpate || 21 ||
[Analyze grammar]

brahmañchaṃbho hare brūta mattaḥ kimabhivāṃchatha |
tuṣṭohaṃ bhavatāṃ dātu mihāyāto varaṃ svayam || 22 ||
[Analyze grammar]

sumaṃturuvāca |
niśamya vacanaṃ bhānoḥ śāṃtaṃ hṛdyaṃ manoramam |
praṇamya śirasā keśā idaṃ vacamabruvan || 23 ||
[Analyze grammar]

kṛtakṛtyā vayaṃ sarve prasādāttava gopate |
tvāmārādhya purā deva tvattaḥ prāpya varaṃ śubham || 24 ||
[Analyze grammar]

utpattisthitināśānāṃ vayaṃ sarve divākara |
saṃbhūyeha samarthā vai tvatprasādānna saṃśayaḥ || 25 ||
[Analyze grammar]

kiṃ tvekaṃ devadeveśa varamicchāmahe vibho |
yatte paramakaṃ rūpaṃ durlabhaṃ durdṛśaṃ tathā || 26 ||
[Analyze grammar]

tasmādasmājjagannātha rūpaṃ darśaya te'cyutam |
sarvadevamayaṃ yatte yattvayoktaṃ purānagha || 27 ||
[Analyze grammar]

teṣāṃ tadvacanaṃ śrutvā brahmaviṣṇvīśabhāṣitam |
darśayāmāsa tadrūpamadbhutaṃ lokapūjitam || 28 ||
[Analyze grammar]

anekavaktraśirasamanekādbhutadarśanam |
sarvadevamayaṃ divyaṃ sarvalokamayaṃ tathā || 29 ||
[Analyze grammar]

bhūḥ pādau dyauḥ śiraścāpi tatrāgnī locane mate |
pādāṃgulyaḥ piśācāśca hastāṃgulyaśca guhyakāḥ || 30 ||
[Analyze grammar]

viśve devāḥ smṛtāstasya jaṃghāsaṃghāḥ surottamāḥ |
yakṣāḥ kukṣiṣu saṃlīnāḥ keśāścāpsarasāṃ gaṇāḥ || 31 ||
[Analyze grammar]

dṛṣṭidhṛṣṭyaśca vipulāḥ keśā vīrāṃśavaḥ smṛtāḥ |
tārakā romarūpāṇi romāṇi ca maharṣayaḥ || 32 ||
[Analyze grammar]

bāhavo vidiśastasya diśaḥ śrotre narādhipa |
aśvinau śravaṇe cāsya nāsā vāyurmahābalaḥ || 33 ||
[Analyze grammar]

prasādaśca kṣamā caiva mano dharmastathaiva ca |
satyamasyābhavadvāṇī jihvā devī sarasvatī || 34 ||
[Analyze grammar]

grīvāditirmahādevī tālū rudraśca vīryavān |
dvāraṃ svargasya nābhirvai mitrastvaṣṭā picaṃḍakaḥ || 35 ||
[Analyze grammar]

mukhaṃ vaiśvānaraścāsya vṛṣaṇau ca bhagastadā |
hṛdayaṃ bhagavānbrahmā hyudaraṃ kaśyapo muniḥ || 36 ||
[Analyze grammar]

pṛṣṭhe'sya vasavo devā marutaḥ sarvasaṃdhiṣu |
sarvacchaṃdāṃsi daśanā jyotīṃṣi vimalā prabhā || 37 ||
[Analyze grammar]

prāṇo rudro mahādevaḥ kukṣau cāsya mahārṇavāḥ |
udare cāsya gaṃdharvā bhujagāśca mahābalāḥ || 38 ||
[Analyze grammar]

lakṣmīrmedhā dhṛtiḥ kāṃtiḥ sarvā vidyāśca vai kaṭau |
lalāṭamasya paramaṃ vayaḥsthānaṃ parātmanaḥ || 39 ||
[Analyze grammar]

sarvajyotīṃṣi jānīhi tapaścakraśca deva rāṭ |
tadetadādidevasya tanau hyāhurmahātmanaḥ || 40 ||
[Analyze grammar]

stanau kukṣau ca vedāśca teṣṭau cāsya makhāḥ smṛtāḥ |
yaṣṭavyapaśubaṃdhāśca dvijānāṃ veṣṭi tāni ca || 41 ||
[Analyze grammar]

sarvadevamayaṃ dṛṣṭvā rūpamarkasya te nṛpa |
brahmā haro harirdevāḥ paraṃ vismayamāgatāḥ || 42 ||
[Analyze grammar]

praṇamya śirasā devaṃ vepamānā dharāṃ gatāḥ |
bhayagadgadayā vācā idaṃ vacanamabruvan || 43 ||
[Analyze grammar]

samīkṣya rūpaṃ te deva bhīmaṃ jvālāsamākulam |
anekamukhabāhūrucaraṇaṃ cakitā vayam || 44 ||
[Analyze grammar]

digjñānaṃ hṛtamasmākaṃ tatprasīda jagatpate |
upasaṃhara viśvātmandraṣṭuṃ śaktā na te vayam || 45 ||
[Analyze grammar]

iti teṣāṃ vacaḥ śrutvā devadevo divākaraḥ |
prasanno bhagavānāha vacastānprahasannidam || 46 ||
[Analyze grammar]

āditya uvāca |
yadetatparamaṃ puṇyamadbhutaṃ lokabhāvanam |
dṛṣṭaṃ bhavadbhirdeveṃdrā mama sarvajaganmayam || 47 ||
[Analyze grammar]

etanmayā prasannena yuṣmākaṃ śreyase'naghāḥ |
darśitaṃ pūjiteneha yogināṃ yanmahālayam || 48 ||
[Analyze grammar]

brahmeśācyutā ucuḥ |
evametanna saṃdeho yathāttha tvaṃ divaspate |
yogināmapi deveśa darśanaṃ hyasya durlabham || 49 ||
[Analyze grammar]

tvāmārādhya jagannāthaṃ nāprāpyamiha vidyate |
tasmātpūjyatamo loke nānyo deveṣu vidyate || 50 ||
[Analyze grammar]

evamuktvā'diteḥ putro jagāmādarśanaṃ raviḥ |
brahmādayopi te harṣaṃ prāpurdevasya darśanāt || 51 ||
[Analyze grammar]

evaṃ brahmādayo devāḥ pūjayitvā divākaram |
gatāste paramāṃ siddhiṃ gaṃdharvā ṛṣayastathā || 52 ||
[Analyze grammar]