Chapter 157

śatānīka uvāca |
etanme kautukaṃ brahmanyadvaraṃ brahmaṇe raviḥ |
dattavāṃstava putratvamanvaye kaśyapasya tu || 1 ||
[Analyze grammar]

yāsyāmi dvijaśārdūla prapannatimirāpahaḥ |
etanme mahadāścaryaṃ śaṃsa bhūmiṃ kathaṃ vrajet || 2 ||
[Analyze grammar]

devādīnāṃ praṇetā yo yo bhuvi prasavo vibhuḥ |
sa kathaṃ bhūtale vyoma janmabhāvaṃ gamiṣyati || 3 ||
[Analyze grammar]

kimarthaṃ divyamātmānaṃ janmane sa niyokṣyati |
yaścakraṃ vartayatyeko brahmādīnāṃ manoramam || 4 ||
[Analyze grammar]

sa janmani kathaṃ puṇyāṃ buddhiṃ cakre vidāṃvara |
gopāyanaṃ yatkurute jagataḥ sarvalaukikam || 5 ||
[Analyze grammar]

gobhiḥ pālayate kṛtsnamātmano yaḥ svayaṃ raviḥ || |
mahābhūtāni bhūtātmā yaścakāra dadhāra ca || 6 ||
[Analyze grammar]

agarbhaḥ sa kathaṃ garbhamudare yācate vibhuḥ |
yena gobhiḥ samākrāṃtā vipra lokāścaturdaśa || 7 ||
[Analyze grammar]

sthāpitā jagato mārgāstrivargapravarāstrayaḥ |
yo'ntakāle jagatpītvā kṛtvā vajramayaṃ vapuḥ || 8 ||
[Analyze grammar]

lokamekārṇavaṃ cakre dṛśyate svena karmaṇā |
yaḥ purāṇe purāṇātmā tejasāṃ rūpamāsthitaḥ || 9 ||
[Analyze grammar]

api sṛṣṭvā dvijaśreṣṭha yaḥ sasarja vasuṃdharām |
cakāra ca purā yaśca trailokyamidamavyayaḥ || 10 ||
[Analyze grammar]

dadau kṛtvā vasumatīṃ surāṇāṃ surasattamaḥ |
yaḥ sthito hyanalaṃ pītvā saṃvatsaramayaśca yaḥ |
pātālasthorṇavarasaṃ madhyatoyamayaṃ haviḥ || 11 ||
[Analyze grammar]

sahasraśirasaṃ devaṃ sahasrākṣaṃ sahasraśaḥ |
sahasracaraṇaṃ brahmanyamāhurvai yuge yuge || 12 ||
[Analyze grammar]

mukhādyasya samutpanno vedhā lokapitāmahaḥ |
hariśca vakṣaso yasya lalāṭādyasya śaṃkaraḥ || 13 ||
[Analyze grammar]

yena te nihatā daityā maṃdehā nāma nāmataḥ |
brahmādīnāṃ durādharṣo yaḥ sadā vighnanāśanaḥ || 14 ||
[Analyze grammar]

sarvadevamayaṃ kṛtvā sarvāyudhadharaṃ vapuḥ |
ekacakrarathārūḍho garuḍāgrajasārathiḥ || 15 ||
[Analyze grammar]

karāṃte yo jagatsarvaṃ saha dānavarākṣasam |
prakāśatamamaspṛṣṭaṃ vapuryasya sadā dvija || 16 ||
[Analyze grammar]

pūrvā diśaṃ gato nityamudayācalamakramam |
nāśayedyastu satataṃ tamo lokasya śāṃtaye || 17 ||
[Analyze grammar]

nāśayitvā tamo yastu kriyāḥ sarvāḥ pravartayet |
yoktrāṇi dakṣiṇādīkṣya musalolūkhalāni ca || 18 ||
[Analyze grammar]

gārhapatyena vidhinā tadvaddhāryeṇa karmaṇā |
agnimāhavanīṃ caiva vediṃ caiva kuśaṃ srucam |
prokṣaṇīyavrataṃ caiva avabhṛthaṃ tathaiva ca || 19 ||
[Analyze grammar]

sarvānimāṃśca yaścakre havyabhāgapradānmukhe |
havyādāṃśca surānyajñe kavyādāṃśca pitṝnapi || 20 ||
[Analyze grammar]

bhāgārthe madhudhānāya cakre yo yajñakarmaṇi |
pūṣaṇaṃ ca sutaṃ somaṃ pavitrāmaraṇīmapi || 21 ||
[Analyze grammar]

yajñāni ca dravyāṇi yajñāṃścāpi saṛtvijaḥ |
sadasyānyajamānāṃśca medhāvinastathottamān || 22 ||
[Analyze grammar]

vibabhāja purā sarvaṃ pārameṣṭhayena karmaṇā |
yugānurūpo yaḥ kṛtvā lokānanuvaraṃ kramāt || 23 ||
[Analyze grammar]

kṣaṇānkalāśca kāṣṭhāśca kālavaikalyameva ca |
muhūrtāstithayo māsāḥ pakṣāḥ saṃvatsarāstathā || 24 ||
[Analyze grammar]

ṛtavaḥ kālayogāśca pramāṇaṃ vividhaṃ nṛṣu |
āyuḥ kṣetrāṇyapacayopacayāṃścaiva yo'karot || 25 ||
[Analyze grammar]

sṛṣṭā lokāstrayonaṃtā yena jñānena vartmanā |
sarva bhūtagaṇāḥ sṛṣṭāḥ sarvabhūtātmanā sadā || 26 ||
[Analyze grammar]

praṇāmatrayapūrveṇa yogena ramate ca yaḥ |
yo gatāgatipotena trātāsti jagadīśvaraḥ || 27 ||
[Analyze grammar]

yo gatirvṛṣayuktānāṃ gatiryo'pāpakarmaṇām |
cāturvarṇyaprabhāvaśca vapurhotrasya rakṣitā || 28 ||
[Analyze grammar]

dhātuvaidyasya yo vettā caturāśramasaṃśrayaḥ |
digaṃbarānubhūtaśca vāyurvāyuvibhāvanaḥ || 29 ||
[Analyze grammar]

agnīṣomātmakaṃ jyotiryogīśaḥ kṣaṇadāṃtakaḥ |
yaḥ paraṃ śrūyate jyotiryaḥ paraṃ śrūyate tapaḥ || 30 ||
[Analyze grammar]

yaṃ paraṃ paramaṃ prāhuḥ paramātmānamacyutam |
brahmādibhiḥ stuto devo yaśca daityāṃtakṛdvibhuḥ || 31 ||
[Analyze grammar]

yugāṃteṣvataṃko yastu yaśca lokāṃtakottamaḥ |
seturyo lokasetūnāṃ madhye yo madhyakarmaṇām || 32 ||
[Analyze grammar]

vettā yo vedaviduṣāṃ prabhuryaḥ prabhaviṣṇunām |
saumyabhūtastu saumyānāmagnibhūtognivarcasām || 33 ||
[Analyze grammar]

mānuṣāṇāṃ manobhūtastapobhūtastapasvinām |
vinayo nayavṛttīnāṃ tejastejasvināmapi || 34 ||
[Analyze grammar]

vigraho vigrahāṇāṃ ca gatirgatimatāmapi |
ākāśaprasavo vāyurvāyuḥ prāṇo hutāśanaḥ |
devāhutipradānodyatprāṇāgnistamanāśanaḥ || 35 ||
[Analyze grammar]

rasāddhi śoṇitaṃ bhavati śoṇitānmāṃsamucyate |
māṃsānmajjāvasorjanma majjanosthīni janmataḥ || 36 ||
[Analyze grammar]

asthimajjñaḥ samabhavattato vai śukramādiśet |
śukrādgarbhaḥ samabhavadrasamūlena karmaṇā |
tatrāpaḥ prathamo bhāgaḥ sa saumyo rāśirucyate || 37 ||
[Analyze grammar]

tataḥ kṣmāsaṃbhavo jñeyo dvitīyo rāśirucyate |
śukraṃ somātmakaṃ vidyādātmarūpaṃ yadātmakam || 38 ||
[Analyze grammar]

bhavo rasātmakasteṣāṃ vīryaṃ ca śaśipāvakam |
kaphavarge bhavecchukraṃ pittavarge ca śoṇitam || 39 ||
[Analyze grammar]

kaphasya pṛthivī sthānaṃ pittaṃ nābhau pratiṣṭhitam |
devasya madhyahṛdayaṃ sthānaṃ tu manasaḥ smṛtam |
nābhikoṣṭhāṃtarasthaṃ tu tatra devo divākaraḥ || 40 ||
[Analyze grammar]

manaḥ prajāpatirjñeyaḥ kaphaḥ somo vibhāvyate |
pittamagniḥ smṛto yasmādagnīṣomātmakaṃ jagat || 41 ||
[Analyze grammar]

evaṃ pravartite garbhe vardhiteṃ'budasannibhe |
vāyuḥ praveśaṃ saṃcakre saṃgataḥ paramātmanā || 42 ||
[Analyze grammar]

tatoṃ'gāni visṛjate bibharti parivartayan |
prāṇo'pānaḥ samānaśca udāno vyāna eva ca || 43 ||
[Analyze grammar]

prāṇosya prathamaṃ sthānaṃ vardhayanparivartate |
apānaṃ paścime kāya udānordhvaṃ śarīragaḥ |
vyāno'tha vyāpako dehe samānaḥ sannivartate || 44 ||
[Analyze grammar]

bhūtāvāptistatastasya jāyatīṃdriyagocarā |
pṛthivī vāyurākāśa āpo jyotiśca paṃcamaḥ || 45 ||
[Analyze grammar]

tasyeṃdriyāṇi piṣṭāni svaṃsvaṃ yogaṃ pracakramuḥ |
pārthivaṃ dehamāhustu prāṇātmānaṃ ca mārutam || 46 ||
[Analyze grammar]

nidrā hyākāśayoniśca jalāśraye pravartate |
jyotiścakṣuṣi tajjanma tadaṃśastāmasaḥ smṛtaḥ || 47 ||
[Analyze grammar]

grāmāśca viṣayāścaiva yasya vīryaṃ pravartitam |
evaṃ yaḥ sṛjate lokānsadevāsuramānavān || 48 ||
[Analyze grammar]

sa kathaṃ devadeveśo garbhameṣyati cāṃśumān |
yathodaramadityāstu yaḥ svayaṃ cāviśatpurā || 49 ||
[Analyze grammar]

evaṃ me saṃśayo brahmanneṣa me vismayo mahān |
kathaṃ raviryayau garbhabhāvaṃ dvijavareti me || 50 ||
[Analyze grammar]

āścaryaṃ paramaṃ pṛcche tvāmahaṃ bhāskarasya vai |
bhānorutpattimāścaryaṃ hṛdi me parivartate || 51 ||
[Analyze grammar]

etadāścaryamākhyānaṃ kathayasva mahāmune |
samākhyāhi balaṃ vīrya bhānoramitatejasaḥ || 52 ||
[Analyze grammar]