Chapter 131

nārada uvāca |
atha te sampravakṣyāmi pratimāvidhivistaram |
sarveṣāmeva devānāmādityasya viśeṣataḥ || 1 ||
[Analyze grammar]

arcā1 saptavidhā proktā bhaktānāṃ śubhavṛddhaye |
kāñcanī rājatī tāmrī pārthivī śailajā smṛtā || 2 ||
[Analyze grammar]

vārkṣī cālekhyakā ceti mūtisthānāni sapta vai |
vārkṣīvidhānaṃ te vīra varṇayiṣyāmyaśeṣataḥ || 3 ||
[Analyze grammar]

kartranukūle divase saṃvatsaraviśodhite |
śubhairnimittaiḥ śakunaiḥ prasthānaiśca vanaṃ viśet || 4 ||
[Analyze grammar]

kṣīriṇo varjitāḥ sarve durbalāste svabhāvataḥ |
catuṣpatheṣu na grāhyā ye ca putrakavṛkṣakāḥ2 || 5 ||
[Analyze grammar]

devatāyatanasthā ye tathā valmīkasambhavā |
utkīrṇā devatā yeṣu caityavṛkṣāśca ye smṛtāḥ || 6 ||
[Analyze grammar]

śmaśānabhūmijā ye ca pakṣiṇāṃ nilayāśca ye |
sakoṭarāśca ye vṛkṣāḥ śuṣkāgrā ye ca pādapāḥ || 7 ||
[Analyze grammar]

śastreṇa nihatā ye ca kuñjarāśāstathā kṛtāḥ |
sāmādyāḥ sarujo'dhaśca vyādhinaśca tathaiva ca || 8 ||
[Analyze grammar]

akāle puṣpitā ye ca kāle te ca vivarjitāḥ |
śīrṇaparṇāśca taravo rakṣodhvāṃkṣaniṣevitāḥ |
ekaśākhātiśākhāśca triśākhāśca tathādhamāḥ || 9 ||
[Analyze grammar]

madhūko devadāruśca vṛkṣarājaśca candanaḥ |
bilvaścāmrātakaścaiva khadirothāñjanastathā || 10 ||
[Analyze grammar]

nimbaḥ śrīparṇavṛkṣaśca panasaḥ saralo'rjjunaḥ |
raktacandanaparyantāḥ śreṣṭhāḥ syuḥ pratimādrumāḥ || 11 ||
[Analyze grammar]

varṇānāmānupūrvyeṇa dvau dvau vṛkṣau prakīrtitau |
nimbādyāḥ sarvavarṇānāṃ vṛkṣā sādhāraṇāḥ smṛtāḥ || 12 ||
[Analyze grammar]

kathyamānānviśeṣeṇa śṛṇu vīra tathāparān |
suradāruḥ śamī caiva madhūkaścandanastathā |
ete vai taravastāta brāhmaṇānāṃ śubhāḥ smṛtāḥ || 13 ||
[Analyze grammar]

kṣatrasya ca tathāriṣṭaḥ khadirastindukastathā |
aśvatthaśca tathā sāmba drumaḥ karakataḥ śubhaḥ || 14 ||
[Analyze grammar]

vaiśyānāṃ tadvadeva syuḥ khadiraścandanastathā |
puṇyāśca taravaścaite śubhadāstu tathaiva ca || 15 ||
[Analyze grammar]

kesaraḥ sarjakaścāmraḥ śālavṛkṣastathetaraḥ |
ete vai taravaḥ puṇyāḥ śūdrāṇāṃ śubhadāyakāḥ || 16 ||
[Analyze grammar]

liṅgaṃ ca pratimāṃ caivamavasthāpya yathāvidhi |
vṛkṣaṃ cābhimataṃ gatvā pūjayedbalipuṣpakaiḥ || 17 ||
[Analyze grammar]

śucau deśe vivikte ca keśāṃgāravivarjite |
prāgudaksūcake deśe lokakaṣṭavivarjite || 18 ||
[Analyze grammar]

vistīrṇaskandhaviṭapaḥ ṣatravānṛjuvṛddhigaḥ |
ātaṅkahīno vivaśaḥ sattvakparṇaḥ śubhastathā || 19 ||
[Analyze grammar]

svenaiva patitā ye ca hastibhiḥ pātitāstathā |
śuklāśca vahnidagdhāśca pakṣibhiścāpi varjitāḥ || 20 ||
[Analyze grammar]

taravo varjanīyāśca grahītavyāḥ śubhā drumāḥ |
snigdharūpāḥ saparṇāśra sapuṣpāḥ saphalāstathā || 21 ||
[Analyze grammar]

teṣāṃ tu grahaṇaṃ cāṣṭamāseṣu kārttikādiṣu |
bhūtvā śubhadine caiva sopavāso'dhivāsayet || 22 ||
[Analyze grammar]

samantādupalipyātha tasyādhastādvasundharām |
gāyatryā paripūtena paritaḥ prokṣya vāriṇā || 23 ||
[Analyze grammar]

śukle ca paridhūte ca paridhāya ca1 vāsasī |
pūjayedgandhamālyaiśca sadhūpabalikarmabhiḥ || 24 ||
[Analyze grammar]

tataḥ kuśaiḥ paristīrṇe hutvāgnau tasya cāntike |
devadārusamidbhiśca mantreṇānena tattvavit || 25 ||
[Analyze grammar]

oṃ bhūrbhuvaḥ suvariti tato vṛkṣaṃ ca pūjayet |
oṃ prajāpataye satyasadāya nityaṃ śreṣṭhantarātmantsacarācarātman |
sānnidhyamasminkuru deva vṛkṣe sūryāvṛtaṃ maṇḍalamāviśeśca namaḥ || 26 ||
[Analyze grammar]

nārada uvāca |
evaṃ sampūjayityā tu vākyaistaṃ parisāntvayan |
vṛkṣalokasya śāntyarthaṃ gaccha devālayaṃ śubham || 27 ||
[Analyze grammar]

deva tvaṃ sthāsyase tatra cchedadāhavivarjitaḥ |
kāle dhūpapradānena sapuṣpairbalikarmabhiḥ || 28 ||
[Analyze grammar]

lokāstvāṃ pūjayiṣyanti tato yāsyasi nirvṛtim |
vṛkṣamūle kuṭhāraṃ tu dhūpamālyaiḥ prapūjya ca || 29 ||
[Analyze grammar]

pūrvatastu śiraḥ kṛtvā sthāpanīyaḥ prayatnataḥ |
paramānnamodakaudanapalapūpikādibhirbhakṣyaiḥ || 30 ||
[Analyze grammar]

madyaiḥ kusumairdhūpairgandhaiśca taruṃ samabhyarcya | surapitṛpiśācarākṣasabhujaṅgasuragaṇavināyakādyānām || 31 ||
[Analyze grammar]

kṛtvā pūjāṃ rātrau vṛkṣaṃ saṃspṛśya ca brūyāt || 32 ||
[Analyze grammar]

arcāsu devadeva tvaṃ devaiśca parikalpitaḥ |
namaste vṛkṣa pūjeyaṃ vidhivatparigṛhyatām || 33 ||
[Analyze grammar]

yānīha bhūtāni vasanti tāni baliṃ gṛhītvā vidhivatprayuktam |
anyatra vāsaṃ parikalpayantu kṣamantu te cādya namo'stu tebhyaḥ || 34 ||
[Analyze grammar]

prabhātāyāṃ tu śarvaryāṃ punaḥ sampūjya taṃ nagam |
brāhmaṇebhyastato dattvā bhojakebhyaśca dakṣiṇām |
chindyādvanaspatīṃstajjñaistai kṛtasvastivācanaiḥ || 35 ||
[Analyze grammar]

pūrvasyāṃ diśi pāto'sya aiśānyāṃ cāpi yo bhavet |
athavā uttarasyāṃ tu tathā chindyāttu1 nānyathā || 36 ||
[Analyze grammar]

aindryaiśānyorudīcyāṃ caḥ pātastisṛṣu śasyate |
nairṛtyāgneyayāmyāsu dikṣu pāto na śobhanaḥ |
vāyavyāṃ caiva vāruṇyāṃ tasya pātastu madhyamaḥ || 37 ||
[Analyze grammar]

yasya bāhyasthitā śākhā dikṣu naṣṭā catasṛṣu |
vāstupūrvaṃ tataḥ sthitvā tataḥ paścādavasthitā || 38 ||
[Analyze grammar]

avilagnamaśabdaṃ tu patanaṃ tu praśasyate |
utpadyeddvidalaṃ yasya drāvaśca madhuro bhavet || 39 ||
[Analyze grammar]

sarpistailaṃ kṣaredyasya pādapaṃ taṃ vivarjavet |
śubhadaṃ yaduśārdūla śṛṇu tvaṃ kathaye śuci || 40 ||
[Analyze grammar]

vṛkṣaṃ prabhāte salilairniṣiktaṃ pūrvottarasyāṃ diśi sannikṛtya |
madhvājyadigdhena kuṭhārakeṇa pradakṣiṇāṃ śoṣamabhiprahaṇyāt || 41 ||
[Analyze grammar]

pūrvottare'pyuttaradigvibhāge pāte yadā vṛddhikarastadā syāt |
āgneyakoṇakramaśo'gnidāha ugrograrogāḥ sudhanakṣayaśca || 42 ||
[Analyze grammar]

gāruḍe diśi pāṣāṇaṃ kapoto gṛhagodhikā |
sitavarṇaṃ jalaṃ jñeyamaṅguṣṭhābhaṃ bhavetkṛmiḥ |
doṣairetairvinirmuktaṃ mudā kālaṃ samuddharet || 43 ||
[Analyze grammar]