Chapter 94

brahmovāca |
atrākhyānamuśantīha saṃvādaṃ gaṇapuṅgava |
pitāmahakumārābhyāṃ puṇyaṃ pāpaharaṃ śivam || 1 ||
[Analyze grammar]

sraṣṭāraṃ sarvalokānāṃ sukhāsīnaṃ pitāmaham |
praṇamya śirasā devaṃ śraddhābhaktisamanvitaḥ || 2 ||
[Analyze grammar]

kumāro devaśārdūla idaṃ vacanamabravīt |
gato'hamadya bhagavandraṣṭuṃ devaṃ divākaram || 3 ||
[Analyze grammar]

kṛtvā pradakṣiṇaṃ devaḥ sa mayā pūjito raviḥ |
praṇamya śirasā bhaktyā parayā śraddhayā vibho || 4 ||
[Analyze grammar]

anujñātastatastena sukhāsīno hyahaṃ sthitaḥ |
āsīnena mayā tatra dṛṣṭamāścaryamadbhutam || 5 ||
[Analyze grammar]

kāñcanena vimānena kiṅkiṇījālamālinā |
maṇimuktāvicitreṇa vaidūryavaravedinā || 6 ||
[Analyze grammar]

āgataṃ puruṣaṃ tatra dṛṣṭvā devo divākaraḥ || 1 ||
[Analyze grammar]

sasambhramaṃ samutthāya āsanādeva sattama || 7 ||
[Analyze grammar]

gṛhītvā1 dakṣiṇe pāṇau purataḥ prāpya taṃ naram |
śirasyāghrāya deveśa pūjayāmāsa vai raviḥ || 8 ||
[Analyze grammar]

upaviṣṭaṃ tu taṃ bhānuridaṃ vacanamabravīt |
susvāgataṃ bhadra sukhakṛtā prītāstvayā vayam || 9 ||
[Analyze grammar]

samīpe mama tiṣṭha tvaṃ yāvadābhūtasaṃplavam |
punaryāsyasi tatsthānaṃ yatra brahmā svayaṃ sthitaḥ || 10 ||
[Analyze grammar]

etasminnaṃtare cānyo vimānavaramāsthitaḥ |
āgataḥ puruṣo devo yatra tiṣṭhati bhāskaraḥ || 11 ||
[Analyze grammar]

sa cāpyevaṃ naro deva pūjito bhānunā tadā |
sāmapūrvaṃ tathoktastu praśrayāvanataḥ sthitaḥ || 12 ||
[Analyze grammar]

tatra me kautukaṃ jātaṃ dṛṣṭvā pūjāṃ kṛtāṃ tayoḥ |
bhānunā devaśārdūla pṛṣṭo bhānurmayā tataḥ || 13 ||
[Analyze grammar]

kimanena kṛtaṃ deva yo'yaṃ pūrvamihāgataḥ |
narastatra sakāśaṃ vai yasya tuṣṭo bhavādṛśām || 14 ||
[Analyze grammar]

yadasya bhavatā pūjā kṛtā hi svayameva tu |
atra me kautukaṃ jātaṃ vismayaśca viśeṣataḥ || 15 ||
[Analyze grammar]

tathaivāsya kṛtā pūjā dvitīyasya narasya ca |
sarvathā puṇyakarmāṇāvimau naravarottamau || 16 ||
[Analyze grammar]

brahmaviṣṇuśivādyaistu pūjyate bhagavānsadā |
yastvamābhyāṃ paraṃ pūjāṃ kṛtavāndevasattama || 17 ||
[Analyze grammar]

kathyatāṃ mama deveśa kimetau karma cakratuḥ |
yasyedṛkparamaṃ puṇyaṃ phalaṃ divyamavāpatuḥ |
śrutvā tadvacanaṃ deva idaṃ vacanamabravīt || 18 ||
[Analyze grammar]

sūrya uvāca |
sādhu pṛṣṭo'smi bhavatā karmaṇo nirṇayaṃ param || 19 ||
[Analyze grammar]

yadanena kṛtaṃ karma nareṇa munisattama |
yo'sau sūryamihāyātastacchṛṇuṣva mahāmate || 20 ||
[Analyze grammar]

yeyaṃ madaṃśasambhūtaiḥ pārthivaiḥ pālitā sadā |
ayodhyā nāma nagarī prakhyātā pṛthivītale || 21 ||
[Analyze grammar]

tatrāsau vaiśyajātīyo dhanapāla iti smṛtaḥ |
tasyāḥ puryāṃ dvijaśreṣṭha divyamāyatanaṃ vyadhāt1 || 22 ||
[Analyze grammar]

tasminnāyatane divye hyāmnāyārthaṃ tathāśritaḥ |
brāhmaṇānāṃ viśiṣṭānāṃ pūjayityā kadambakam || 23 ||
[Analyze grammar]

itihāsapurāṇābhyāṃ vācakaṃ ca viśeṣataḥ |
pūjayitvā dvijaśreṣṭhaṃ munaśreṣṭhaṃ mahāmunim || 24 ||
[Analyze grammar]

pustakaṃ cāpi sampūjya gandhapuṣpopahārataḥ |
tasya viprakadambasya vyāsasya ca yathāgrataḥ || 25 ||
[Analyze grammar]

prakalpyokto dvijo'nena pāṭhako2 vācakottamaḥ |
eṣa tiṣṭhati deveśaḥ sahasrakiraṇo raviḥ || 26 ||
[Analyze grammar]

cāturvarṇyamidaṃ vāpi śrotukāmaṃ kadambakam |
tiṣṭha ceha dvijaśreṣṭha kuru pustakavācanam || 27 ||
[Analyze grammar]

yena me varado bhānuḥ3 sapta janmāni vai bhavet |
yāvatsaṃvatsaraṃ vipra pragṛhya vṛttimuttamām || 28 ||
[Analyze grammar]

svarṇaniṣkaśataṃ vipra tato dāsye tathāparam |
pūrṇe varṣe dvijaśreṣṭha śreyo'rthamahamātmanaḥ || 29 ||
[Analyze grammar]

evaṃ pravartite tasminpuṇye pustakavācane |
ṣaṇmāsāgatamātre tu kāle suravarottama |
tathaivāntarataścāyaṃ kāladharmamupeyivān || 30 ||
[Analyze grammar]

mayā cāsya vimānaṃ tu preṣitaṃ kurvato vratam |
ityeṣā karmaṇastuṣṭiḥ puṇyākhyānakajārcitā || 31 ||
[Analyze grammar]

gandhapuṣpopahāraistu na tathā jāyate mama |
prītirdevavara śreṣṭha purāṇaśravaṇe yathā || 32 ||
[Analyze grammar]

gosuvarṇahiraṇyānāṃ vastrāṇāṃ cāpi kṛtsnaśaḥ |
grāmāṇāṃ nagarāṇāṃ ca dānaṃ prītikaraṃ mama || 33 ||
[Analyze grammar]

na tathā syātsuraśreṣṭha yathā prītikaraṃ guha |
itihāsapurāṇābhyāṃ śravaṇaṃ surasainyapa || 34 ||
[Analyze grammar]

śrāddhaṃ kurvanti ye mahyaṃ bhakṣyabhojyairanekaśaḥ |
na karoti tathā prītiryathā pustakavācanam || 35 ||
[Analyze grammar]

karṇaśrāddhe yathā prītirmama syātsurasattama |
na tathā jāyate prītirbhojyaśrāddhe tathaiva ca || 36 ||
[Analyze grammar]

atha kiṃ bahunoktena nānyatprītikaraṃ mama |
puṇyākhyānādṛte deva guhyametatprakītitam || 37 ||
[Analyze grammar]

yaścāyamaparo vipra ihāyato narottamaḥ |
ayamāsīddivajaśreṣṭhastasminneva purottame || 38 ||
[Analyze grammar]

ekadā tu gataścāyaṃ dharmaśravaṇamuttamam |
śrotuṃ bhaktyā ddvijaśreṣṭha śraddhayā parayā vṛtaḥ || 39 ||
[Analyze grammar]

śrutvā tatra tato bhaktyā puṇyākhyānamanuttamam |
kṛtvā pradakṣiṇaṃ tasya vācakasya mahātmanaḥ |
eṣa vipro'maraśreṣṭha dattavānsvarṇamāṣakam || 40 ||
[Analyze grammar]

dattvā tu dakṣiṇāṃ tasmai vācakāyāmitaujase || 1 ||
[Analyze grammar]

ānandamagamadvipraḥ prāptavānkāñcanaṃ yathā || 41 ||
[Analyze grammar]

etaddhi saphalaṃ cāsya na cānyatkṛtavānayam |
yadanena kṛtā pūjā vācakasya mahātmanaḥ |
phalaṃ hi karmaṇastasya yanmayā pūjitaḥ svayam || 42 ||
[Analyze grammar]

vācakaṃ pūjayedyastu śraddhābhaktisamanvitaḥ |
tenāhaṃ pūjitaḥ syāṃ vai ko viṣṇuḥ śaṅkarastathā || 43 ||
[Analyze grammar]

vācakaṃ bhojayedyastu bhaktyā bhojyeranuttamaiḥ |
tenāhaṃ pūjitaḥ syāṃ vai daśa varṣāṇi pañca ca || 44 ||
[Analyze grammar]

na yamo na yamī cāpi na mando na manustathā |
tapatī na tathānviṣṭā yatheṣṭo vācako mama || 45 ||
[Analyze grammar]

vācake satkṛte deva bhojite surasainyapa |
tṛptirbhavati me deva saṃvatsaraśatadvayam || 46 ||
[Analyze grammar]

na kevalaṃ mama prītirvācake bhojite bhavet |
kṛtsnaśo devatānāṃ ca indrādīnāṃ tathā bhavet || 47 ||
[Analyze grammar]

brahmaviṣṇuśivādīnāṃ sa ceṣṭho vācako mama |
prīte tasmindevatāḥ syuḥ sarvāḥ prītā na saṃśayaḥ || 48 ||
[Analyze grammar]

ityetatkathitaṃ sarvamābhyāṃ karma mahābala || 49 ||
[Analyze grammar]

na cānyaccakratuḥ karma kimanyacchrotumicchasi |
etaddṛṣṭvāhamāścaryaṃ tavābhyāśamihāgataḥ |
kimatra tathyaṃ deveśa kathyatāṃ kautukaṃ mama || 50 ||
[Analyze grammar]

śrutvā kumāravacanaṃ sarvalokapitāmahaḥ || 51 ||
[Analyze grammar]

brahmovāca |
hanta bhoḥ sādhu puṇyo'si nāsti tulyastvayāparaḥ |
yaddṛṣṭau bhavatā tau hi supuṇyau puṇyakāriṇau || 52 ||
[Analyze grammar]

yaduktaṃ bhānunā vatsa tattathā nānyathā bhavet |
yadāsīnme mukhaṃ putra prathamaṃ lokapūjitam || 53 ||
[Analyze grammar]

tasmādetāni sarvāṇi nirgatāni samantataḥ |
itihāsapurāṇāni lokānāṃ hitakāmyayā || 54 ||
[Analyze grammar]

yathaitāni mameṣṭāni purāṇāni mahāmate |
na tathā vai caturvedī na cāṅgini mahāmate || 55 ||
[Analyze grammar]

śṛṇvantyetāni ye bhaktyā nityaṃ śraddhāsamanvitāḥ |
dattvā tu vācake vṛttiṃ te gacchanti paraṃ padam || 56 ||
[Analyze grammar]

dharmārthakāmamokṣāṇāṃ spaṣṭīkaraṇamuttamam |
itihāsapurāṇāni mayā sṛṣṭāni suvrata || 57 ||
[Analyze grammar]

catvāro ya ime vedā gūḍhārthāḥ satataṃ smṛtāḥ |
atastvetāni sṛṣṭāni bodhāyaiṣāṃ mahāmate || 58 ||
[Analyze grammar]

yastu kārayate nityaṃ dharmaśravaṇamuttamam |
ādityādbhāskaraṃ prāpya yāti tatparamaṃ padam || 59 ||
[Analyze grammar]

dattvā tu dakṣiṇāṃ tatra ādityasya puraṃ vrajet |
kimāścaryaṃ suraśreṣṭha dānapātraṃ hi tatparam || 60 ||
[Analyze grammar]

yathā devavaro lekho yathā hetiḥ paraṃ paviḥ |
brāhmaṇānāṃ tathā śreṣṭho vācako nātra saṃśayaḥ || 61 ||
[Analyze grammar]

hetiryathā tejasāṃ tu sarasāṃ sāgaro yathā |
tathā sarvadvijebhyastu vācakaḥ pravaraḥ smṛtaḥ || 62 ||
[Analyze grammar]

vācakaṃ pūjayedyastu naro bhaktipuraḥ saram |
pūjitaṃ sakalaṃ tena jagatyānnātra saṃśayaḥ || 63 ||
[Analyze grammar]

satyamuktaṃ na sandeho bhānunā matkulodvaha |
vācakena samaṃ pātraṃ na jātvanyadbhavetkvacit || 64 ||
[Analyze grammar]

tacchrutvā brahmaṇo vākyaṃ kumāro vākyamabravīt || 65 ||
[Analyze grammar]

aho hi dhanyatā tasya puṇyaśravaṇakāriṇaḥ |
dānaṃ ca dadato'tyarthaṃ puṇyatā vācakāya vai || 66 ||
[Analyze grammar]

brahmovāca |
itthaṃ diṇḍe sadā yastu devadevasya mandire |
kuryāttu dharmaśravaṇaṃ sa yāti paramāṃ gatim || 67 ||
[Analyze grammar]