Chapter 47

sumanturuvāca |
saptamyāṃ sopavāsastu naktāhāro'pi vā bhavet |
saptamyāṃ devadevena labdhaṃ svaṃ rūpamādarāt || 1 ||
[Analyze grammar]

aṇḍena saha jāto vai aṇḍastho buddhimāptavān |
aṇḍasthasyaiva dakṣeṇa bhāryāṃ dattvā svakāṃ sutām || 2 ||
[Analyze grammar]

nāmnā rūpeti rūpeṇa nānyā nārī tathā 1 bhavet |
aṇḍastha eva suciraṃ sthito mārtaṇḍa ityataḥ || 3 ||
[Analyze grammar]

dakṣājñayā viśvakarmā vapurasya prakāśayan |
prakāśatastato nāma tasya jātaṃ narādhipa |
aṇḍasthasyaiva sañjāto yamunā yama eva ca || 4 ||
[Analyze grammar]

dākṣāyaṇī tasya bhāryā vairāgyāttanumadhyamā |
cintayāmāsa sā devī duḥkhānnirvedamāgatā || 5 ||
[Analyze grammar]

aho tejomayaṃ rūpaṃ kāntaṃ kāntasya kāntimat |
na cāsya kiñcitpaśyāmi aṅgaṃ tejovimohitam || 6 ||
[Analyze grammar]

śubhaṃ kanakatulyaṃ me rūpaṃ kāntaṃ sukāntimat |
sāmprataṃ śyāmatāṃ yātaṃ dagdhametasya tejasā || 7 ||
[Analyze grammar]

tasmāttapsye tapaścāhaṃ gatvā vai uttarānkurūn |
svāṃ chāyāmatra nikṣipya bhayācchāpasya rūpiṇī || 8 ||
[Analyze grammar]

nikṣipyovāca tāṃ bālāṃ mā cāsmai vai vadiṣyasi |
evaṃ sā niścayaṃ kṛtvā gatā vai uttarānkurūn || 9 ||
[Analyze grammar]

svarūpaṃ tatra nikṣipya vaḍavārūpadhāriṇī |
cacāra sā mṛgaiḥ sārdhaṃ bahūnvarṣagaṇānnṛpa || 10 ||
[Analyze grammar]

asāvapi ca mārtaṇḍaśchāyāṃ bhāryāmamanyat |
śaniṃ ca tapatīṃ caiva dve apatye ca jajñivān || 11 ||
[Analyze grammar]

atha cchāyātmāpatyāni snehena paripālayet |
nātisnehena cāpaśyadyamunāṃ yamameva ca || 12 ||
[Analyze grammar]

atha tābhyāṃ vivādo'bhūdādityaduhitrordvayoḥ |
te ubhe vivadantyau tu parasparamasammatam |
yamunā tapatī cobhe nimnage sambabhūvatuḥ || 13 ||
[Analyze grammar]

yamo'pi yamunābhrātā chāyayā tāḍito bhṛśam |
pādamudyamya tasyā vai tasthau sammukha eva saḥ || 14 ||
[Analyze grammar]

chāyā śaśāpa taṃ roṣādyasmātpādodyato mama |
tasmātte karma bībhatsaṃ prāṇināṃ prāṇahiṃsanam || 15 ||
[Analyze grammar]

bhaviṣyati ciraṃ mūḍha ācandrārkaṃ na saṃśayaḥ |
pādaṃ ca yadi bhūmau tvamimaṃ saṃsthāpayiṣyasi || 16 ||
[Analyze grammar]

kṛmayo bhakṣayiṣyanti macchāpakaluṣīkṛtam || 17 ||
[Analyze grammar]

teṣāṃ vivadamānānāṃ mārtaṇḍo'bhyāgamattataḥ |
yamo'pyāha mahātmānaṃ mārtaṇḍaṃ lokapāvanam || 18 ||
[Analyze grammar]

tāta nityamiyaṃ cāpi krūrabhāvena paśyati |
na cāsyāḥ susamā dṛṣṭirasmāsvastīti lakṣyate || 19 ||
[Analyze grammar]

provācātha sa tāṃ chāyāṃ mārtaṇḍo bhṛśakopanaḥ |
1 same apatye kiṃ mūḍhe samatvaṃ nānupaśyasi || 20 ||
[Analyze grammar]

yamaḥ provāca pitaraṃ neyaṃ mātā pitarmama |
mātuśchāyā tviyaṃ pāpā śapto'hamanayā pitaḥ |
yamunā tapatī vṛttaṃ tatsarvaṃ vinyavedayat || 21 ||
[Analyze grammar]

atha provāca mārtaṇḍo mā te pādo mahītale |
māṃsaṃ rudhiramādāya kṛmayo yāntu bhūtalam || 22 ||
[Analyze grammar]

yamunāyāśca yattoyaṃ gaṅgātulyaṃ bhaviṣyati |
narmadāyāstapatyāśca samaṃ puṇyena vai dvija || 23 ||
[Analyze grammar]

vindhyasya dakṣiṇeneha tapatī pravahiṣyati |
tatsāyujyatayā sāgraṃ gaṅgā yāsyati śobhanā || 24 ||
[Analyze grammar]

gaṅgāmāsādya yamunā gaṅgā saiva bhaviṣyati |
saurasaumye ubhe puṇye sarvapāpapraṇāśane || 25 ||
[Analyze grammar]

1 saurī ca vaiṣṇavī cobhe mahāpāpabhayāpahe |
tvaṃ putra lokapālatvaṃ brahmaṇo'jñāṃ sabhājayan |
adyaprabhṛti cchāyeyaṃ svadehasthā bhaviṣyati || 26 ||
[Analyze grammar]

evaṃ saṃsthāpya svāṃ bhāryāmapatyāni tathaiva ca |
ājagāma sakāśaṃ vai dakṣasyāha ca kāraṇam || 2 ||
[Analyze grammar]

dakṣo vijñāya tatsarvaṃ mārtaṇḍamidamāha vai || 27 ||
[Analyze grammar]

rūpaṃ na paśyatī tubhyaṃ sā bhāryā uttarāngatā || 28 ||
[Analyze grammar]

rūpaṃ te prakaṭiṣyāmi yadi śakṣyasi vedanām |
asau provāca śakṣye'haṃ prakāśī kuru me vapuḥ || 29 ||
[Analyze grammar]

atha sasmāra takṣāṇaṃ smṛta evājagāma saḥ |
provāca dakṣastakṣāṇaṃ mārtaṇḍaṃ vai prakāśaya || 30 ||
[Analyze grammar]

takṣā provāca mārtaṇḍaṃ vedanā visahiṣyase |
visahiṣyetha provāca takṣāṇaṃ dakṣacoditaḥ || 31 ||
[Analyze grammar]

atha takṣā prakāśaṃ vai tasya rūpaṃ vibhāvasau |
mukhādārabhya pādāntaṃ tatakṣakaraṇaiḥ svakaiḥ |
kiraṇaistudyamāneṣu tasyāṅgeṣu punaḥ punaḥ |
kṣaṇekṣaṇe mūrchayati mārtaṇḍo vedanāturaḥ || 32 ||
[Analyze grammar]

tasya śāpabhayāttakṣā pādau gulphādiyāvataḥ |
cakārātho nirākārā aṅgulyo na prakāśayat || 33 ||
[Analyze grammar]

paryāptaṃ takṣakarmedaṃ vedanā mama bādhate |
takṣā provāca mārtaṇḍaṃ vedanāṃ jahi gopate || 34 ||
[Analyze grammar]

karavīrasya puṣpāṇi raktacandanameva ca |
karādārabhya gātrāṇi vilimpe dehajāni te || 35 ||
[Analyze grammar]

tattatkṛtaṃ tathā tena sa rujaṃ tyaktavānraviḥ |
ataścemāni ceṣṭāni mārtaṇḍasyeha bhūpate || 36 ||
[Analyze grammar]

karavīrasya puṣpāṇi tathā vai raktacandanam |
idamāha purā devo hyanūroragrato nṛpa || 37 ||
[Analyze grammar]

karavīrasya puṣpāṇi raktacandanameva hi |
itihāsapurāṇābhyāṃ suparṇaguggulaṃ tathā || 38 ||
[Analyze grammar]

yaḥ prayacchati me bhaktyā sa me prāṇānprayacchati |
tasmānna deyamanyanme bhaktiyuktena jānatā || 39 ||
[Analyze grammar]

mārtaṇḍasyāṇḍajaṃ tejo gṛhītvā kila bhārata |
cakāra vajramajaraṃ 1 śatrulekhādināśanam || 40 ||
[Analyze grammar]

mārtaṇḍaḥ parituṣṭo'bhūllabdhvā rūpaṃ gatavyathaḥ |
jagāma sa kurūnvegātsvabhāryādarśanotsukaḥ || 41 ||
[Analyze grammar]

mṛgamadhyagatāṃ dṛṣṭvā vaḍavārūpadhāriṇīm |
aśvarūpaṃ tataḥ kṛtvā svabhāryāmadhiruhya saḥ |
avāsṛjatsvakaṃ tejo vegenāruhya so'śvavat || 42 ||
[Analyze grammar]

parapuruṣāśaṅkayā sā sthitā devasya saṃmukhī |
tejo nāsāpuṭābhyāṃ tu yugapatsākṣipatpunaḥ || 43 ||
[Analyze grammar]

tatra jātau devabhiṣajau nāsatyāvaśvināviti |
retaso'nte tu revanto virocanasuto mahān || 44 ||
[Analyze grammar]

tapatī śaniśca sāvarṇiśchāyāpatyāni vai viduḥ |
yamunā yamaśca pūrvoktau saṃjñā 2 yāśca tathātmajau || 45 ||
[Analyze grammar]

bhāryā labdhā vapurdivyaṃ tathā putrāśca bhārata |
saptamyāṃ devadevasya sarvamevamidaṃ yataḥ |
anena kāraṇeneṣṭā sadā devasya saptamī || 46 ||
[Analyze grammar]

saptamyāṃ sopavāsastu rātrau bhuñjīta yo naraḥ |
kṛtvopavāsaṃ ṣaṣṭhyāṃ tu pañcamyāmekakālabhuk || 47 ||
[Analyze grammar]

dattvā susaṃskṛtaṃ śākaṃ bhakṣyabhojyaiḥ samanvitam |
devāya brāhmaṇebhyaśca rātrau bhuñjīta vāgyataḥ || 48 ||
[Analyze grammar]

yāvajjīvaṃ naraḥ kaścidvratametaccarediti |
tasya śrīrvijayaścaiva trivargaścāpi vardhate || 49 ||
[Analyze grammar]

mṛtaśca svargamāyāti 1 vimānavaramāsthitaḥ |
sūryaloke sa ramate manvantaragaṇānbahūn |
iha cāgatya kālānte nṛpaḥ śānti samanvitaḥ || 50 ||
[Analyze grammar]

putrapautraiḥ parivṛto dātā syānnṛpatiściram |
bhunakti hi dharāṃ rājanvigrahaiścājitaḥ parai || 51 ||
[Analyze grammar]

ye narā rājaśārdūla śākāhāreṇa saptamīm |
upoṣya labdhaṃ tattīrthaṃ pitryaṃ vai rājasaṃjñikam || 52 ||
[Analyze grammar]

kuruṇā tava pūrveṇa śākāhāreṇa saptamīm |
dharmakṣetraṃ kurukṣetraṃ kṛtaṃ tasya vivasvatā || 53 ||
[Analyze grammar]

saptamī navamī ṣaṣṭhī tṛtīyā pañcamī nṛpa |
kāmadāstithayo hyetā ihaiva narayoṣitām || 54 ||
[Analyze grammar]

saptamī māghamāse tu navamyāśvayuje matā |
ṣaṣṭhī bhādrapade dhanyā vaiśākhe tu tṛtīyikā || 55 ||
[Analyze grammar]

puṇyā bhādrapade proktā pañcamī nāgapañcamī |
ityetāsteṣu māseṣu viśeṣāstithayaḥ smṛtāḥ || 56 ||
[Analyze grammar]

śākaṃ susatkṛtaṃ kṛtvā yaśca bhaktyā samanvitaḥ |
dattvā vipre yathāśaktyā paścādbhuṅkte niśi vratī || 57 ||
[Analyze grammar]

kārtike śuklapakṣasya grāhyeyaṃ kurunandana |
catubhirvāpi māsaistu pāraṇaṃ prathamaṃ smṛtam || 58 ||
[Analyze grammar]

agastyakusumaiścātra pūjā kāryā vibhāvasoḥ |
vilepanaṃ kuṅkumaṃ tu dhūpaścaivāparājitaiḥ || 59 ||
[Analyze grammar]

snānaṃ ca pañcagavyena tameva prāśayettataḥ |
naivedyaṃ pāyasaṃ cātra devadevasya kīrtitam || 60 ||
[Analyze grammar]

tadeva deyaṃ viprāṇāṃ śākaṃ bhakṣyamathātmanā |
śubhaśākasamāyuktaṃ bhakṣyapeyasamanvitam || 61 ||
[Analyze grammar]

dvitīye pāraṇe rājañchubhagandhāni yāni vai |
puṣpāṇi tāni devasya tathā śvetaṃ ca candanam || 62 ||
[Analyze grammar]

aguruścāpi dhūpo'tra naivedyaṃ guḍapūpakāḥ |
snānaṃ kuśodakenātra prāśanaṃ gomayasya tu || 63 ||
[Analyze grammar]

tṛtīye karavīrāṇi tathā raktaṃ ca candanam |
dhūpānāṃ guggulaścātra priyo devasya sarvadā || 64 ||
[Analyze grammar]

śālyodanaṃ tu naivedyaṃ dadhimiśraṃ mahāmate |
tameva brāhmaṇānāṃ ca bhakṣyalehyasamanvitam |
kālaśākena ca vibho yuktaṃ dadyādvicakṣaṇaḥ || 65 ||
[Analyze grammar]

gaurasarṣapakalkena snānaṃ cātra vidurbudhāḥ |
tasyaiva prāśanaṃ dhanyaṃ sarvapāpaharaṃ śubham || 66 ||
[Analyze grammar]

tṛtīye pāraṇasyānte mahadbrāhmaṇabhojanam |
śravaṇaṃ ca purāṇasya vācanaṃ cāpi śasyate || 67 ||
[Analyze grammar]

daivasya puratastāta brāhmaṇānāṃ tathāgrataḥ |
brāhmaṇādvācakācchrāvyaṃ nānyavarṇasamudbhavāt |
atha tānbrāhmaṇānsarvānbhaktyā śaktyā ca pūjayet || 68 ||
[Analyze grammar]

vācakasyāmale rājanvāsasī sannivedayet |
vācake pūjite devaḥ sadā tuṣyati bhāskaraḥ || 69 ||
[Analyze grammar]

karavīraṃ yatheṣṭaṃ tu tathā raktaṃ ca candanam |
yatheṣṭaṃ guggulaṃ tasya yatheṣṭaṃ pāyasaṃ sadā || 70 ||
[Analyze grammar]

yatheṣṭā modakāstasya yathā vai tāmrabhājanam |
yatheṣṭaṃ ca ghṛtaṃ tasya yatheṣṭo vācakaḥ sadā |
purāṇaṃ ca yatheṣṭaṃ vai savituḥ kurunandana || 71 ||
[Analyze grammar]

ityeṣā saptamī puṇyā śākāhvā gopateḥ sadā |
yāmupoṣya naro bhaktyā bhāgyavāṃśca1 prajāyate || 72 ||
[Analyze grammar]