Chapter 44

brahmovāca |
heyopādeyatattvajñāstyaktānyāyapathāgamāḥ |
jitendriyamanovācaḥ sadācāraparāyaṇāḥ || 1 ||
[Analyze grammar]

niyamācāravṛttasthā hitānveṣaṇatatparāḥ |
saṃsārarakṣaṇopāyakriyāyuktamanorathāḥ || 2 ||
[Analyze grammar]

samyagdarśanasampannāḥ samādhisthā hatakrudhaḥ |
svādhyāyabhaktahṛdayāstyaktasaṅgā vimatsarāḥ || 3 ||
[Analyze grammar]

viśokā vimadāḥ śāntā sarvaprāṇihitaiṣiṇaḥ |
sukhaduḥkhasamālokā viviktasthānavāsinaḥ || 4 ||
[Analyze grammar]

vratopayuktasarvāṅgā dhārmikāḥ pāpabhīravaḥ |
nirmamā nirahaṅkārā dānaśūrā dayāparāḥ || 5 ||
[Analyze grammar]

satyabrahmavidaḥ śāntā sarvaśāstreṣu niṣṭhitāḥ |
sarvalokahitopāyapravṛttena svayaṃbhuvā || 6 ||
[Analyze grammar]

vāgīśvareṇa devena nābheyena bhavacchidā |
brahmaṇā kṛtamaryādāsta evaṃ brāhmaṇāḥ smṛtāḥ || 7 ||
[Analyze grammar]

mahātapodhanairāryaiḥ sarvasattvābhayapradaiḥ |
sarvalokahitārthāya nipuṇaṃ supratiṣṭhitam || 8 ||
[Analyze grammar]

vṛhattvādbhagavānbrahmā nābheyastasya ye janāḥ |
bhaktyāsaktāḥ prapannāśca brāhmaṇāste prakīrtitāḥ || 9 ||
[Analyze grammar]

kṣatriyāstu kṣatatrāṇādvaiśyā vārtāpraveśanāt |
ye tu śruterdrutiṃ prāptāḥ śūdrāsteneha kīrtitāḥ || 10 ||
[Analyze grammar]

ye cācāraratāḥ prāhurbrāhmaṇyaṃ brahmavādinaḥ |
te tu phalaṃ praśaṃsanti yatsadā manasepsitam || 11 ||
[Analyze grammar]

kṣamā damo dayā dānaṃ satyaṃ śaucaṃ dhṛtirghṛṇā |
mārdavārjavasantoṣānahaṅkāratapaḥśamāḥ || 12 ||
[Analyze grammar]

dharmo jñānamapaiśunyaṃ brahmacaryamamūḍhatā |
dhyānamāstikyamadveṣo vairāgyaṃ ca śamātmatā || 13 ||
[Analyze grammar]

pāpabhīrutvamasteyamamātsaryamatṛṣṇatā |
naiḥsaṅgyaṃ guruśuśrūṣā manovākkāya saṃyamaḥ || 14 ||
[Analyze grammar]

ya evambhūtamācāramanutiṣṭhanti mānavāḥ |
brāhmaṇyaṃ puṣkalaṃ teṣāṃ nityameva pravardhate || 15 ||
[Analyze grammar]

te svamatāsvādalabdhavarṇācārā mahaujasaḥ |
sarvaśāstrāvirodhena pavitrīkṛtamānasāḥ || 16 ||
[Analyze grammar]

sajjanābhimatāḥ prājñāḥ purāṇāgamapaṇḍitāḥ |
gītagītāgamācārāḥ smṛtikārāḥ paṭhanti ca || 17 ||
[Analyze grammar]

manvantareṣu sarveṣu caturyugavibhāgaśaḥ |
varṇāśramācārakṛtaṃ karma siddhyatyanuttamam || 18 ||
[Analyze grammar]

saṃsiddhāyāṃ tu vārtāyāṃ tatasteṣāṃ svayaṃ prabhuḥ |
maryādāṃ sthāpayāmāsa yathārabdhaṃ parasparam || 19 ||
[Analyze grammar]

ye vai parigṛhītārasteṣāṃ sattvabalādhikāḥ |
itareṣāṃ kṣatatrāṇānsthāpayāmāsa kṣatriyān || 20 ||
[Analyze grammar]

upatiṣṭhanti ye tānvai yācanto narmadāḥ sadā |
satyabrahma sadābhūtaṃ vadanto brāhmaṇāstu te || 21 ||
[Analyze grammar]

ye cānyepyabalāsteṣāṃ vaiśyakarmaṇi saṃsthitāḥ |
kīlāni nāśayanti sma pṛthivyāṃ prāgatandritāḥ |
vaiśyāneva tu tānāha kīnāśānvṛttimāśritān || 22 ||
[Analyze grammar]

śocantaśva dravantaśca paricaryāsu ye narāḥ |
nistejaso'lpavīryāśca śūdrāṃstānabravīttu saḥ || 23 ||
[Analyze grammar]

brāhmaṇakṣatriyaviśāṃ śūdrāṇāṃ ca parasparam |
karmāṇi pravibhaktāni syabhāvaprabhavairguṇaiḥ || 24 ||
[Analyze grammar]

śamastapo damaḥ śaucaṃ kṣāṃtirārjavameva ca |
jñānaṃ vijñānamāstikyaṃ brahmakarma svabhāvajam || 25 ||
[Analyze grammar]

śauryaṃ tejo dhṛtirdākṣyaṃ yuddhe cāpyapalāyanam |
dānamīśvarabhāvaśca kṣātraṃ karma svabhāvajam || 26 ||
[Analyze grammar]

kṛṣigorakṣavāṇijyaṃ vaiśyakarma svabhāvajam |
paricaryātmakaṃ karma śūdrasyāpi svabhāvajam || 27 ||
[Analyze grammar]

yogastapo dayā dānaṃ satyaṃ dharmaśrutirghṛṇā |
jñānaṃ vijñānamāstikyametadbrāhmaṇalakṣaṇam || 28 ||
[Analyze grammar]

śikhā jñānamayī yasya pavitraṃ ca tapomayam |
brāhmaṇyaṃ puṣkalaṃ tasya manuḥ svāyambhuvo'bravīt || 29 ||
[Analyze grammar]

yatra vā tatra vā varṇe uttamādhamamadhyamāḥ |
nivṛttaḥ pāpakarmebhyo brāhmaṇaḥ sa vidhīyate || 30 ||
[Analyze grammar]

śūdro'pi śīlasampanno brāhmaṇādadhiko bhavet |
brāhmaṇo vigatācāraḥ śūdrāddhīnataro bhavet || 31 ||
[Analyze grammar]

na surāṃ sandhayedyastu āpaṇeṣu gṛheṣu ca |
na vikrīṇāti ca tathā sacchūdro hi sa ucyate || 32 ||
[Analyze grammar]

yadyekā sphuṭameva jātiraparā kṛtyātparaṃ bhedinī |
yadvā vyāhṛtirekatāmadhigatā yaccānyadharmaṃ yayau |
ekaikākhilabhāvabhedanidhanotpattisthitivyāpinī |
kiṃ nāsau pratipattigocarapathaṃ yāyādvibhaktyā nṛṇām || 33 ||
[Analyze grammar]