Chapter 42

brahmovāca |
aparaiśca sadācārayogayuktairmanīṣibhiḥ |
yadakāri mahāsattvaiḥ subhāṣitamidaṃ śṛṇu || 1 ||
[Analyze grammar]

bahuvanaspatiśaṅkhapipīlikābhramaravāraṇajātimudāharan |
gatiṣu karmamito naṭavatsadā bhramati janturalabdhasudarśanaḥ || 2 ||
[Analyze grammar]

rūpaiśvaryajñānakulairvibhavairvarmito bhūtvā dharmapathaṃ cedvijahāsi |
na vakṣye vrajanbhuvanāni tvamaṭiṣyaṃstasmādabhibhasmībhūte mada ātmanaḥ || 3 ||
[Analyze grammar]

jātikularūpavayovarṇānekaśrutamadāndhāḥ klībāḥ |
paratra ceha ca hitamapyarthaṃ na paśyanti || 4 ||
[Analyze grammar]

jñātvā bhavaparivarte jātīnāṃ koṭiśatasahasreṣu |
hīnottamamadhyatvaṃ ko jātimadaṃ budhaḥ kuryāt || 5 ||
[Analyze grammar]

naikāñjātiviśeṣānindriyanivṛttipūrvakānsarvān |
karmavaśādgacchatyatra kasyaikā śāśvatī jātiḥ || 6 ||
[Analyze grammar]

vidvatsadasi yo'pyāha saṃskārādbrāhmaṇo bhavan |
nyāyajñaiḥ1 sa nirākāryo vākyairnyāyānusāribhiḥ || 7 ||
[Analyze grammar]

garbhādhānaṃ puṃsavanaṃ sīmantonnayanaṃ tathā |
jātakarma nāmakarma tathānnaprāśanaṃ ca vai || 8 ||
[Analyze grammar]

cūḍopanayanaṃ cāsya vratādeśastathaiva ca |
samāvartanamapyanyatpāṇigrahaṇameva ca || 9 ||
[Analyze grammar]

ityevamādisaṃskāravidhānairye'tisaṃskṛtāḥ |
ta eva brāhmaṇā yeṣāṃ nairantaryeṇa2 kāmanāḥ || 10 ||
[Analyze grammar]

yasmādvai brāhmaṇā jātā brāhmaṇaiḥ kṛtasaṃskṛtaiḥ |
nāyuḥ śaktirhi kāntyādiviśeṣo vidyate sphuṭaḥ || 11 ||
[Analyze grammar]

tau vā brāhmaṇagātrotthau saṃskṛtāsaṃskṛtau narau |
iṣṭāniṣṭāptyanāptibhyāṃ na bhidyete parasparam || 12 ||
[Analyze grammar]

jñānādhyayanamīmāṃsā niyamendriyanigrahaiḥ |
vinā saṃskārayoge'pi puṃsaḥ śūdrānna bhinnatā || 13 ||
[Analyze grammar]

saṃskāraḥ kriyamāṇaśca na śūdre ca pravartate |
saṃskṛtāṅgaśca1 pāpebhyo na paśyati nivartate || 14 ||
[Analyze grammar]

vilāsinībhujaṃgādijanavanmadavihvalāḥ |
vyāmuhyanti sadācārādbrāhmaṇatvātpatanti3 ca || 15 ||
[Analyze grammar]

saṃskṛto'pi durācāro narakaṃ yāti mānavaḥ |
niḥsaṃskāraḥ sadācāro bhavedviprottamaḥ sadā || 16 ||
[Analyze grammar]

mantrapūtātmasaṃskārayukto'pi plavate na tu |
brāhmaṇyādavikalpaṃ sa paścādduścarito naraḥ || 17 ||
[Analyze grammar]

sāmarthyātpatanaṃ tasmādbrāhmaṇyānmucyate dhruvam |
duranuṣṭhānasaktānāṃ puṃsāṃ puruṣapuṅgavaiḥ || 18 ||
[Analyze grammar]

kiṃ kvaciddṛṣṭamevaitatkiṃ vā spardhāvidatyayam |
tulyamutsahase kartumapyadṛṣṭaṃ tadā vada || 19 ||
[Analyze grammar]

ācāramanuṣṭhinto vyāsādimunisattamāḥ |
garbhādhānādisaṃskārakalāparahitāḥ sphuṭam || 20 ||
[Analyze grammar]

viprottamāḥ śriyaṃ prāptāḥ sarvalokanamaskṛtāḥ |
bahavaḥ kathyamānā ye katicittānnibodhata || 21 ||
[Analyze grammar]

jāto vyāsastu kaivartyāḥ śvapākyāśca parāśaraḥ |
śukyāḥ śukaḥ kaṇādākhyastatholūkyāḥ suto'bhavat || 22 ||
[Analyze grammar]

mṛgījotharṣaśṛṅgopi vaśiṣṭho gaṇikātmajaḥ |
mandapālo4 muniśreṣṭho nāvikāpatyamucyate5 || 23 ||
[Analyze grammar]

māṇḍavyo munirājastu maṇḍūkīgarbhasambhavaḥ |
bahavo'nye'pi vipratvaṃ prāptā ye pūrvavaddvijāḥ || 24 ||
[Analyze grammar]

yaccaitaccārucaritairarcyamuccaritaṃ vacaḥ |
tadvicāryācarannuccairācāropacitadyutiḥ || 25 ||
[Analyze grammar]

hariṇīgarbhasambhūta ṛṣyaśṛṅgo mahāmuniḥ |
tapasā brāhmaṇo jātaḥ saṃskārastena kāraṇam || 26 ||
[Analyze grammar]

śvapākīgarbhasambhūtaḥ pitā vyāsasya pārthiva |
tapasā brāhmaṇo jātaḥ saṃskārastena kāraṇam || 27 ||
[Analyze grammar]

ulūkīgarbhasambhūtaḥ kaṇādākhyo mahāmuniḥ |
tapasā brāhmaṇo jātaḥ saṃskārastena kāraṇam || 28 ||
[Analyze grammar]

gaṇikāgarbhasambhūto vaśiṣṭhaśca mahāmuniḥ |
tapasā brāhmaṇo jātaḥ saṃskārastena kāraṇam || 29 ||
[Analyze grammar]

nāvikāgarbhasambhūto mandapālo mahāmuniḥ |
tapasā brāhmaṇo jātaḥ saṃskārastena kāraṇam || 30 ||
[Analyze grammar]

vedatantrajasaṃskārakalāpanipuṇairapi |
vidyātapodhanabalādutkṛṣṭaṃ labhyate phalam || 31 ||
[Analyze grammar]

labdhasaṃskāradehāśca mahāpātakino narāḥ |
yasmānnivartate brahma tasmātsāṅketikaṃ viduḥ || 32 ||
[Analyze grammar]