Chapter 83

[English text for this chapter is available]

draupadīṃ prati śrīkṛṣṇapat‍nīnāṃ svasvodvāhavṛttāṃtavarṇanam |
atha tryaśītitamo'dhyāyaḥ |
śrīśuka uvāca |
tathānugṛhya bhagavāngopīnāṃ sa gururgatiḥ |
yudhiṣṭhiramathāpṛcchatsarvāṃśca suhṛdo'vyayam || 1 ||
[Analyze grammar]

ta evaṃ lokanāthena paripṛṣṭāḥ susatkṛtāḥ |
pratyūcurhṛṣṭamanasastatpādekṣāhatāṃhasaḥ || 2 ||
[Analyze grammar]

kuto'śivaṃ tvaccaraṇāmbujāsavaṃ mahanmanasto mukhaniḥsṛtaṃ kvacit |
pibanti ye karṇapuṭairalaṃ prabho dehaṃbhṛtāṃ dehakṛdasmṛticchidam || 3 ||
[Analyze grammar]

hitvātma dhāmavidhutātmakṛtatryavasthām |
ānandasamplavamakhaṇḍamakuṇṭhabodham |
kālopasṛṣṭanigamāvana āttayoga |
māyākṛtiṃ paramahaṃsagatiṃ natāḥ sma || 4 ||
[Analyze grammar]

śrīṛṣiruvāca |
ityuttamaḥślokaśikhāmaṇiṃ janeṣv |
abhiṣṭuvatsvandhakakauravastriyaḥ |
sametya govindakathā mitho'gṛṇaṃs |
trilokagītāḥ śṛṇu varṇayāmi te || 5 ||
[Analyze grammar]

śrīdraupadyuvāca |
he vaidarbhyacyuto bhadre he jāmbavati kauśale |
he satyabhāme kālindi śaibye rohiṇi lakṣmaṇe || 6 ||
[Analyze grammar]

he kṛṣṇapatnya etanno brūta vo bhagavānsvayam |
upayeme yathā lokamanukurvansvamāyayā || 7 ||
[Analyze grammar]

śrīrukmiṇyuvāca |
caidyāya mārpayitumudyatakārmukeṣu |
rājasvajeyabhaṭaśekharitāṅghrireṇuḥ |
ninye mṛgendra iva bhāgamajāviyūthāt |
tacchrīniketacaraṇo'stu mamārcanāya || 8 ||
[Analyze grammar]

śrīsatyabhāmovāca |
yo me sanābhivadhataptahṛdā tatena |
liptābhiśāpamapamārṣṭumupājahāra |
jitvarkṣarājamatha ratnamadātsa tena |
bhītaḥ pitādiśata māṃ prabhave'pi dattām || 9 ||
[Analyze grammar]

śrījāmbavatyuvāca |
prājñāya dehakṛdamuṃ nijanāthadaivaṃ |
sītāpatiṃ trinavahānyamunābhyayudhyat |
jñātvā parīkṣita upāharadarhaṇaṃ māṃ |
pādau pragṛhya maṇināhamamuṣya dāsī || 10 ||
[Analyze grammar]

śrīkālindyuvāca |
tapaścarantīmājñāya svapādasparśanāśayā |
sakhyopetyāgrahītpāṇiṃ yo'haṃ tadgṛhamārjanī || 11 ||
[Analyze grammar]

śrīmitravindovāca |
yo māṃ svayaṃvara upetya vijitya bhūpān |
ninye śvayūthagaṃ ivātmabaliṃ dvipāriḥ |
bhrātṝṃśca me'pakurutaḥ svapuraṃ śriyaukas |
tasyāstu me'nubhavamaṅghryavanejanatvam || 12 ||
[Analyze grammar]

śrīsatyovāca |
saptokṣaṇo'tibalavīryasutīkṣṇaśṛṅgān |
pitrā kṛtānkṣitipavīryaparīkṣaṇāya |
tānvīradurmadahanastarasā nigṛhya |
krīḍanbabandha ha yathā śiśavo'jatokān || 13 ||
[Analyze grammar]

ya itthaṃ vīryaśulkāṃ māṃ |
dāsībhiścaturaṅgiṇīm |
pathi nirjitya rājanyān |
ninye taddāsyamastu me || 14 ||
[Analyze grammar]

śrībhadrovāca |
pitā me mātuleyāya svayamāhūya dattavān |
kṛṣṇe kṛṣṇāya taccittāmakṣauhiṇyā sakhījanaiḥ || 15 ||
[Analyze grammar]

asya me pādasaṃsparśo bhavejjanmani janmani |
karmabhirbhrāmyamāṇāyā yena tacchreya ātmanaḥ || 16 ||
[Analyze grammar]

śrīlakṣmaṇovāca |
mamāpi rājñyacyutajanmakarma śrutvā muhurnāradagītamāsa ha |
cittaṃ mukunde kila padmahastayā vṛtaḥ susammṛśya vihāya lokapān || 17 ||
[Analyze grammar]

jñātvā mama mataṃ sādhvi pitā duhitṛvatsalaḥ |
bṛhatsena iti khyātastatropāyamacīkarat || 18 ||
[Analyze grammar]

yathā svayaṃvare rājñi matsyaḥ pārthepsayā kṛtaḥ |
ayaṃ tu bahirācchanno dṛśyate sa jale param || 19 ||
[Analyze grammar]

śrutvaitatsarvato bhūpā āyayurmatpituḥ puram |
sarvāstraśastratattvajñāḥ sopādhyāyāḥ sahasraśaḥ || 20 ||
[Analyze grammar]

pitrā sampūjitāḥ sarve yathāvīryaṃ yathāvayaḥ |
ādaduḥ saśaraṃ cāpaṃ veddhuṃ parṣadi maddhiyaḥ || 21 ||
[Analyze grammar]

ādāya vyasṛjankecitsajyaṃ kartumanīśvarāḥ |
ākoṣṭhaṃ jyāṃ samutkṛṣya petureke'munāhatāḥ || 22 ||
[Analyze grammar]

sajyaṃ kṛtvāpare vīrā māgadhāmbaṣṭhacedipāḥ |
bhīmo duryodhanaḥ karṇo nāvidaṃstadavasthitim || 23 ||
[Analyze grammar]

matsyābhāsaṃ jale vīkṣya jñātvā ca tadavasthitim |
pārtho yatto'sṛjadbāṇaṃ nācchinatpaspṛśe param || 24 ||
[Analyze grammar]

rājanyeṣu nivṛtteṣu bhagnamāneṣu māniṣu |
bhagavāndhanurādāya sajyaṃ kṛtvātha līlayā || 25 ||
[Analyze grammar]

tasminsandhāya viśikhaṃ matsyaṃ vīkṣya sakṛjjale |
chittveṣuṇāpātayattaṃ sūrye cābhijiti sthite || 26 ||
[Analyze grammar]

divi dundubhayo nedurjayaśabdayutā bhuvi |
devāśca kusumāsārānmumucurharṣavihvalāḥ || 27 ||
[Analyze grammar]

tadraṅgamāviśamahaṃ kalanūpurābhyāṃ |
padbhyāṃ pragṛhya kanakojvalaratnamālām |
nūtne nivīya paridhāya ca kauśikāgrye |
savrīḍahāsavadanā kavarīdhṛtasrak || 28 ||
[Analyze grammar]

unnīya vaktramurukuntalakuṇḍalatviḍ |
gaṇḍasthalaṃ śiśirahāsakaṭākṣamokṣaiḥ |
rājño nirīkṣya paritaḥ śanakairmurārer |
aṃse'nuraktahṛdayā nidadhe svamālām || 29 ||
[Analyze grammar]

tāvanmṛdaṅgapaṭahāḥ śaṅkhabheryānakādayaḥ |
ninedurnaṭanartakyo nanṛturgāyakā jaguḥ || 30 ||
[Analyze grammar]

evaṃ vṛte bhagavati mayeśe nṛpayūthapāḥ |
na sehire yājñaseni spardhanto hṛcchayāturāḥ || 31 ||
[Analyze grammar]

māṃ tāvadrathamāropya hayaratnacatuṣṭayam |
śārṅgamudyamya sannaddhastasthāvājau caturbhujaḥ || 32 ||
[Analyze grammar]

dārukaścodayāmāsa kāñcanopaskaraṃ ratham |
miṣatāṃ bhūbhujāṃ rājñi mṛgāṇāṃ mṛgarāḍiva || 33 ||
[Analyze grammar]

te'nvasajjanta rājanyā niṣeddhuṃ pathi kecana |
saṃyattā uddhṛteṣvāsā grāmasiṃhā yathā harim || 34 ||
[Analyze grammar]

te śārṅgacyutabāṇaughaiḥ kṛttabāhvaṅghrikandharāḥ |
nipetuḥ pradhane kecideke santyajya dudruvuḥ || 35 ||
[Analyze grammar]

tataḥ purīṃ yadupatiratyalaṅkṛtāṃ |
ravicchadadhvajapaṭacitratoraṇām |
kuśasthalīṃ divi bhuvi cābhisaṃstutāṃ |
samāviśattaraṇiriva svaketanam || 36 ||
[Analyze grammar]

pitā me pūjayāmāsa suhṛtsambandhibāndhavān |
mahārhavāso'laṅkāraiḥ śayyāsanaparicchadaiḥ || 37 ||
[Analyze grammar]

dāsībhiḥ sarvasampadbhirbhaṭebharathavājibhiḥ |
āyudhāni mahārhāṇi dadau pūrṇasya bhaktitaḥ || 38 ||
[Analyze grammar]

ātmārāmasya tasyemā vayaṃ vai gṛhadāsikāḥ |
sarvasaṅganivṛttyāddhā tapasā ca babhūvima || 39 ||
[Analyze grammar]

mahiṣya ūcuḥ |
bhaumaṃ nihatya sagaṇaṃ yudhi tena ruddhā |
jñātvātha naḥ kṣitijaye jitarājakanyāḥ |
nirmucya saṃsṛtivimokṣamanusmarantīḥ |
pādāmbujaṃ pariṇināya ya āptakāmaḥ || 40 ||
[Analyze grammar]

na vayaṃ sādhvi sāmrājyaṃ svārājyaṃ bhaujyamapyuta |
vairājyaṃ pārameṣṭhyaṃ ca ānantyaṃ vā hareḥ padam || 41 ||
[Analyze grammar]

kāmayāmaha etasya śrīmatpādarajaḥ śriyaḥ |
kucakuṅkumagandhāḍhyaṃ mūrdhnā voḍhuṃ gadābhṛtaḥ || 42 ||
[Analyze grammar]

vrajastriyo yadvāñchanti pulindyastṛṇavīrudhaḥ |
gāvaścārayato gopāḥ padasparśaṃ mahātmanaḥ || 43 ||
[Analyze grammar]