Chapter 47

[English text for this chapter is available]

uddhavagopīsaṃvādaḥ bhramaragītam uddhavasya mathurāgamanaṃca |
atha saptacatvāriṃśo'dhyāyaḥ 10. || 47 ||
[Analyze grammar]

śrīśuka uvāca |
taṃ vīkṣya kṛṣānucaraṃ vrajastriyaḥ |
pralambabāhuṃ navakañjalocanam |
pītāmbaraṃ puṣkaramālinaṃ lasan |
mukhāravindaṃ parimṛṣṭakuṇḍalam || 1 ||
[Analyze grammar]

suvismitāḥ ko'yamapīvyadarśanaḥ |
kutaśca kasyācyutaveṣabhūṣaṇaḥ |
iti sma sarvāḥ parivavrurutsukās |
tamuttamaḥślokapadāmbujāśrayam || 2 ||
[Analyze grammar]

taṃ praśrayeṇāvanatāḥ susatkṛtaṃ savrīḍahāsekṣaṇasūnṛtādibhiḥ |
rahasyapṛcchannupaviṣṭamāsane vijñāya sandeśaharaṃ ramāpateḥ || 3 ||
[Analyze grammar]

jānīmastvāṃ yadupateḥ pārṣadaṃ samupāgatam |
bhartreha preṣitaḥ pitrorbhavānpriyacikīrṣayā || 4 ||
[Analyze grammar]

anyathā govraje tasya smaraṇīyaṃ na cakṣmahe |
snehānubandho bandhūnāṃ munerapi sudustyajaḥ || 5 ||
[Analyze grammar]

anyeṣvarthakṛtā maitrī yāvadarthaviḍambanam |
pumbhiḥ strīṣu kṛtā yadvatsumanaḥsviva ṣaṭpadaiḥ || 6 ||
[Analyze grammar]

niḥsvaṃ tyajanti gaṇikā akalpaṃ nṛpatiṃ prajāḥ |
adhītavidyā ācāryamṛtvijo dattadakṣiṇam || 7 ||
[Analyze grammar]

khagā vītaphalaṃ vṛkṣaṃ bhuktvā cātithayo gṛham |
dagdhaṃ mṛgāstathāraṇyaṃ jārā bhuktvā ratāṃ striyam || 8 ||
[Analyze grammar]

iti gopyo hi govinde gatavākkāyamānasāḥ |
kṛṣṇadūte samāyāte uddhave tyaktalaukikāḥ || 9 ||
[Analyze grammar]

gāyantyaḥ prīyakarmāṇi rudantyaśca gatahriyaḥ |
tasya saṃsmṛtya saṃsmṛtya yāni kaiśorabālyayoḥ || 10 ||
[Analyze grammar]

kācinmadhukaraṃ dṛṣṭvā dhyāyantī kṛṣṇasaṅgamam |
priyaprasthāpitaṃ dūtaṃ kalpayitvedamabravīt || 11 ||
[Analyze grammar]

gopyuvāca |
madhupa kitavabandho mā spṛśaṅghriṃ sapatnyāḥ |
kucavilulitamālākuṅkumaśmaśrubhirnaḥ |
vahatu madhupatistanmāninīnāṃ prasādaṃ |
yadusadasi viḍambyaṃ yasya dūtastvamīdṛk || 12 ||
[Analyze grammar]

sakṛdadharasudhāṃ svāṃ mohinīṃ pāyayitvā |
sumanasa iva sadyastatyaje'smānbhavādṛk |
paricarati kathaṃ tatpādapadmaṃ nu padmā |
hyapi bata hṛtacetā hyuttamaḥślokajalpaiḥ || 13 ||
[Analyze grammar]

kimiha bahu ṣaḍaṅghre gāyasi tvaṃ yadūnām |
adhipatimagṛhāṇāmagrato naḥ purāṇam |
vijayasakhasakhīnāṃ gīyatāṃ tatprasaṅgaḥ |
kṣapitakucarujaste kalpayantīṣṭamiṣṭāḥ || 14 ||
[Analyze grammar]

divi bhuvi ca rasāyāṃ kāḥ striyastaddurāpāḥ |
kapaṭarucirahāsabhrūvijṛmbhasya yāḥ syuḥ |
caraṇaraja upāste yasya bhūtirvayaṃ kā |
api ca kṛpaṇapakṣe hyuttamaślokaśabdaḥ || 15 ||
[Analyze grammar]

visṛja śirasi pādaṃ vedmyahaṃ cāṭukārair |
anunayaviduṣaste'bhyetya dautyairmukundāt |
svakṛta iha visṛṣṭāpatyapatyanyalokā |
vyasṛjadakṛtacetāḥ kiṃ nu sandheyamasmin || 16 ||
[Analyze grammar]

mṛgayuriva kapīndraṃ vivyadhe lubdhadharmā |
striyamakṛta virūpāṃ strījitaḥ kāmayānām |
balimapi balimattvāveṣṭayaddhvāṅkṣavadyas |
tadalamasitasakhyairdustyajastatkathārthaḥ || 17 ||
[Analyze grammar]

yadanucaritalīlākarṇapīyūṣavipruṭ |
sakṛdadanavidhūtadvandvadharmā vinaṣṭāḥ |
sapadi gṛhakuṭumbaṃ dīnamutsṛjya dīnā |
bahava iha vihaṅgā bhikṣucaryāṃ caranti || 18 ||
[Analyze grammar]

vayamṛtamiva jihmavyāhṛtaṃ śraddadhānāḥ |
kulikarutamivājñāḥ kṛṣṇavadhvo hariṇyaḥ |
dadṛśurasakṛdetattannakhasparśatīvra |
smararuja upamantrinbhaṇyatāmanyavārtā || 19 ||
[Analyze grammar]

priyasakha punarāgāḥ preyasā preṣitaḥ kiṃ |
varaya kimanurundhe mānanīyo'si me'ṅga |
nayasi kathamihāsmāndustyajadvandvapārśvaṃ |
satatamurasi saumya śrīrvadhūḥ sākamāste || 20 ||
[Analyze grammar]

api bata madhupuryāmāryaputro'dhunāste |
smarati sa pitṛgehānsaumya bandhūṃśca gopān |
kvacidapi sa kathā naḥ kiṅkarīṇāṃ gṛṇīte |
bhujamagurusugandhaṃ mūrdhnyadhāsyatkadā nu || 21 ||
[Analyze grammar]

śrīśuka uvāca |
athoddhavo niśamyaivaṃ kṛṣṇadarśanalālasāḥ |
sāntvayanpriyasandeśairgopīridamabhāṣata || 22 ||
[Analyze grammar]

śrīuddhava uvāca |
aho yūyaṃ sma pūrṇārthā bhavatyo lokapūjitāḥ |
vāsudeve bhagavati yāsāmityarpitaṃ manaḥ || 23 ||
[Analyze grammar]

dānavratatapohoma japasvādhyāyasaṃyamaiḥ |
śreyobhirvividhaiścānyaiḥ kṛṣṇe bhaktirhi sādhyate || 24 ||
[Analyze grammar]

bhagavatyuttamaḥśloke bhavatībhiranuttamā |
bhaktiḥ pravartitā diṣṭyā munīnāmapi durlabhā || 25 ||
[Analyze grammar]

diṣṭyā putrānpatīndehānsvajanānbhavanāni ca |
hitvāvṛṇīta yūyaṃ yatkṛṣṇākhyaṃ puruṣaṃ param || 26 ||
[Analyze grammar]

sarvātmabhāvo'dhikṛto bhavatīnāmadhokṣaje |
viraheṇa mahābhāgā mahānme'nugrahaḥ kṛtaḥ || 27 ||
[Analyze grammar]

śrūyatāṃ priyasandeśo bhavatīnāṃ sukhāvahaḥ |
yamādāyāgato bhadrā ahaṃ bhartū rahaskaraḥ || 28 ||
[Analyze grammar]

śrībhagavānuvāca |
bhavatīnāṃ viyogo me na hi sarvātmanā kvacit |
yathā bhūtāni bhūteṣu khaṃ vāyvagnirjalaṃ mahī |
tathāhaṃ ca manaḥprāṇa bhūtendriyaguṇāśrayaḥ || 29 ||
[Analyze grammar]

ātmanyevātmanātmānaṃ sṛje hanmyanupālaye |
ātmamāyānubhāvena bhūtendriyaguṇātmanā || 30 ||
[Analyze grammar]

ātmā jñānamayaḥ śuddho vyatirikto'guṇānvayaḥ |
suṣuptisvapnajāgradbhirmāyāvṛttibhirīyate || 31 ||
[Analyze grammar]

yenendriyārthāndhyāyeta mṛṣā svapnavadutthitaḥ |
tannirundhyādindriyāṇi vinidraḥ pratyapadyata || 32 ||
[Analyze grammar]

etadantaḥ samāmnāyo yogaḥ sāṅkhyaṃ manīṣiṇām |
tyāgastapo damaḥ satyaṃ samudrāntā ivāpagāḥ || 33 ||
[Analyze grammar]

yattvahaṃ bhavatīnāṃ vai dūre varte priyo dṛśām |
manasaḥ sannikarṣārthaṃ madanudhyānakāmyayā || 34 ||
[Analyze grammar]

yathā dūracare preṣṭhe mana āviśya vartate |
strīṇāṃ ca na tathā cetaḥ sannikṛṣṭe'kṣigocare || 35 ||
[Analyze grammar]

mayyāveśya manaḥ kṛtsnaṃ vimuktāśeṣavṛtti yat |
anusmarantyo māṃ nityamacirānmāmupaiṣyatha || 36 ||
[Analyze grammar]

yā mayā krīḍatā rātryāṃ vane'sminvraja āsthitāḥ |
alabdharāsāḥ kalyāṇyo māpurmadvīryacintayā || 37 ||
[Analyze grammar]

śrīśuka uvāca |
evaṃ priyatamādiṣṭamākarṇya vrajayoṣitaḥ |
tā ūcuruddhavaṃ prītāstatsandeśāgatasmṛtīḥ || 38 ||
[Analyze grammar]

gopya ūcuḥ |
diṣṭyāhito hataḥ kaṃso yadūnāṃ sānugo'ghakṛt |
diṣṭyāptairlabdhasarvārthaiḥ kuśalyāste'cyuto'dhunā || 39 ||
[Analyze grammar]

kaccidgadāgrajaḥ saumya karoti purayoṣitām |
prītiṃ naḥ snigdhasavrīḍa hāsodārekṣaṇārcitaḥ || 40 ||
[Analyze grammar]

kathaṃ rativiśeṣajñaḥ priyaśca purayoṣitām |
nānubadhyeta tadvākyairvibhramaiścānubhājitaḥ || 41 ||
[Analyze grammar]

api smarati naḥ sādho govindaḥ prastute kvacit |
goṣṭhimadhye purastrīṇāmgrāmyāḥ svairakathāntare || 42 ||
[Analyze grammar]

tāḥ kiṃ niśāḥ smarati yāsu tadā priyābhir |
vṛndāvane kumudakundaśaśāṅkaramye |
reme kvaṇaccaraṇanūpurarāsagoṣṭhyām |
asmābhirīḍitamanojñakathaḥ kadācit || 43 ||
[Analyze grammar]

apyeṣyatīha dāśārhastaptāḥ svakṛtayā śucā |
sañjīvayannu no gātrairyathendro vanamambudaiḥ || 44 ||
[Analyze grammar]

kasmātkṛṣṇa ihāyāti prāptarājyo hatāhitaḥ |
narendra kanyā udvāhya prītaḥ sarvasuhṛdvṛtaḥ || 45 ||
[Analyze grammar]

kimasmābhirvanaukobhiranyābhirvā mahātmanaḥ |
śrīpaterāptakāmasya kriyetārthaḥ kṛtātmanaḥ || 46 ||
[Analyze grammar]

paraṃ saukhyaṃ hi nairāśyaṃ svairiṇyapyāha piṅgalā |
tajjānatīnāṃ naḥ kṛṣṇe tathāpyāśā duratyayā || 47 ||
[Analyze grammar]

ka utsaheta santyaktumuttamaḥślokasaṃvidam |
anicchato'pi yasya śrīraṅgānna cyavate kvacit || 48 ||
[Analyze grammar]

saricchailavanoddeśā gāvo veṇuravā ime |
saṅkarṣaṇasahāyena kṛṣṇenācaritāḥ prabho || 49 ||
[Analyze grammar]

punaḥ punaḥ smārayanti nandagopasutaṃ bata |
śrīniketaistatpadakairvismartuṃ naiva śaknumaḥ || 50 ||
[Analyze grammar]

gatyā lalitayodāra hāsalīlāvalokanaiḥ |
mādhvyā girā hṛtadhiyaḥ kathaṃ taṃ vismarāma he || 51 ||
[Analyze grammar]

he nātha he ramānātha vrajanāthārtināśana |
magnamuddhara govinda gokulaṃ vṛjinārṇavāt || 52 ||
[Analyze grammar]

śrīśuka uvāca |
tatastāḥ kṛṣṇasandeśairvyapetavirahajvarāḥ |
uddhavaṃ pūjayāṃcakrurjñātvātmānamadhokṣajam || 53 ||
[Analyze grammar]

uvāsa katicinmāsāngopīnāṃ vinudanśucaḥ |
kṛṣṇalīlākathāṃ gāyanramayāmāsa gokulam || 54 ||
[Analyze grammar]

yāvantyahāni nandasya vraje'vātsītsa uddhavaḥ |
vrajaukasāṃ kṣaṇaprāyāṇyāsankṛṣṇasya vārtayā || 55 ||
[Analyze grammar]

saridvanagiridro ṇīrvīkṣankusumitāndru mān |
kṛṣṇaṃ saṃsmārayanreme haridāso vrajaukasām || 56 ||
[Analyze grammar]

dṛṣṭvaivamādi gopīnāṃ kṛṣṇāveśātmaviklavam |
uddhavaḥ paramaprītastā namasyannidaṃ jagau || 57 ||
[Analyze grammar]

etāḥ paraṃ tanubhṛto bhuvi gopavadhvo |
govinda eva nikhilātmani rūḍhabhāvāḥ |
vāñchanti yadbhavabhiyo munayo vayaṃ ca |
kiṃ brahmajanmabhiranantakathārasasya || 58 ||
[Analyze grammar]

kvemāḥ striyo vanacarīrvyabhicāraduṣṭāḥ |
kṛṣṇe kva caiṣa paramātmani rūḍhabhāvaḥ |
nanvīśvaro'nubhajato'viduṣo'pi sākṣāc |
chreyastanotyagadarāja ivopayuktaḥ || 59 ||
[Analyze grammar]

nāyaṃ śriyo'ṅga u nitāntarateḥ prasādaḥ |
svaryoṣitāṃ nalinagandharucāṃ kuto'nyāḥ |
rāsotsave'sya bhujadaṇḍagṛhītakaṇṭha |
labdhāśiṣāṃ ya udagādvrajavallabhīnām || 60 ||
[Analyze grammar]

āsāmaho caraṇareṇujuṣāmahaṃ syāṃ |
vṛndāvane kimapi gulmalatauṣadhīnām |
yā dustyajaṃ svajanamāryapathaṃ ca hitvā |
bhejurmukundapadavīṃ śrutibhirvimṛgyām || 61 ||
[Analyze grammar]

yā vai śriyārcitamajādibhirāptakāmair |
yogeśvarairapi yadātmani rāsagoṣṭhyām |
kṛṣṇasya tadbhagavataḥ caraṇāravindaṃ |
nyastaṃ staneṣu vijahuḥ parirabhya tāpam || 62 ||
[Analyze grammar]

vande nandavrajastrīṇāṃ pādareṇumabhīkṣṇaśaḥ |
yāsāṃ harikathodgītaṃ punāti bhuvanatrayam || 63 ||
[Analyze grammar]

śrīśuka uvāca |
atha gopīranujñāpya yaśodāṃ nandameva ca |
gopānāmantrya dāśārho yāsyannāruruhe ratham || 64 ||
[Analyze grammar]

taṃ nirgataṃ samāsādya nānopāyanapāṇayaḥ |
nandādayo'nurāgeṇa prāvocannaśrulocanāḥ || 65 ||
[Analyze grammar]

manaso vṛttayo naḥ syuḥ kṛṣṇa pādāmbujāśrayāḥ |
vāco'bhidhāyinīrnāmnāṃ kāyastatprahvaṇādiṣu || 66 ||
[Analyze grammar]

karmabhirbhrāmyamāṇānāṃ yatra kvāpīśvarecchayā |
maṅgalācaritairdānai ratirnaḥ kṛṣṇa īśvare || 67 ||
[Analyze grammar]

evaṃ sabhājito gopaiḥ kṛṣṇabhaktyā narādhipa |
uddhavaḥ punarāgacchanmathurāṃ kṛṣṇapālitām || 68 ||
[Analyze grammar]

kṛṣṇāya praṇipatyāha bhaktyudre kaṃ vrajaukasām |
vasudevāya rāmāya rājñe copāyanānyadāt || 69 ||
[Analyze grammar]