Chapter 14

[English text for this chapter is available]

caṃdravaṃśavarṇanaṃ budhasya janma tasmānmanuputryāmilāyāṃ jātasya purūravasa upākhyānaṃ ca |
śrīśuka uvāca |
athātaḥ śrūyatāṃ rājan vaṃśaḥ somasya pāvanaḥ |
yasminnailādayo bhūpāḥ kīrtyante puṇyakīrtayaḥ || 1 ||
[Analyze grammar]

sahasraśirasaḥ puṃso nābhihrada saroruhāt |
jātasyāsīt suto dhātuḥ atriḥ pitṛsamo guṇaiḥ || 2 ||
[Analyze grammar]

tasya dṛgbhyo'bhavat putraḥ somo'mṛtamayaḥ kila |
viprauṣadhyuḍugaṇānāṃ brahmaṇā kalpitaḥ patiḥ || 3 ||
[Analyze grammar]

so'yajad rājasūyena vijitya bhuvanatrayam |
pat‍nīṃ bṛhaspaterdarpāt tārāṃ nāmāharad balāt || 4 ||
[Analyze grammar]

yadā sa devaguruṇā yācito'bhīkṣṇaśo madāt |
nātyajat tatkṛte jajñe suradānavavigrahaḥ || 5 ||
[Analyze grammar]

śukro bṛhaspaterdveṣād agrahīt sāsuroḍupam |
haro gurusutaṃ snehāt sarvabhūtagaṇāvṛtaḥ || 6 ||
[Analyze grammar]

sarvadevagaṇopeto mahendro gurumanvayāt |
surāsuravināśo'bhūt samarastārakāmayaḥ || 7 ||
[Analyze grammar]

nivedito'thāṅgirasā somaṃ nirbhartsya viśvakṛt |
tārāṃ svabhartre prāyacchad antarvat‍nīmavait patiḥ || 8 ||
[Analyze grammar]

tyaja tyajāśu duṣprajñe matkṣetrāt āhitaṃ paraiḥ |
nāhaṃ tvāṃ bhasmasātkuryāṃ striyaṃ sāntānikaḥ sati || 9 ||
[Analyze grammar]

tatyāja vrīḍitā tārā kumāraṃ kanakaprabham |
spṛhāmāṅgirasaścakre kumāre soma eva ca || 10 ||
[Analyze grammar]

mamāyaṃ na tavetyuccaiḥ tasmin vivadamānayoḥ |
papracchuḥ ṛṣayo devā naivoce vrīḍitā tu sā || 11 ||
[Analyze grammar]

kumāro mātaraṃ prāha kupito'līkalajjayā |
kiṃ na vocasyasadvṛtte ātmāvadyaṃ vadāśu me || 12 ||
[Analyze grammar]

brahmā tāṃ raha āhūya samaprākṣīcca sāntvayan |
somasyetyāha śanakaiḥ somastaṃ tāvadagrahīt || 13 ||
[Analyze grammar]

tasyātmayonirakṛta budha ityabhidhāṃ nṛpa |
buddhyā gambhīrayā yena putreṇāpoḍurāṇmudam |
tataḥ purūravā jajñe ilāyāṃ ya udāhṛtaḥ |
tasya rūpaguṇaudārya śīladraviṇavikramān || 15 ||
[Analyze grammar]

śrutvorvaśīndrabhavane gīyamānān surarṣiṇā |
tadantikamupeyāya devī smaraśarārditā || 16 ||
[Analyze grammar]

mitrāvaruṇayoḥ śāpād āpannā naralokatām |
niśamya puruṣaśreṣṭhaṃ kandarpamiva rūpiṇam |
dhṛtiṃ viṣṭabhya lalanā upatasthe tadantike || 17 ||
[Analyze grammar]

sa tāṃ vilokya nṛpatiḥ harṣeṇotphullalocanaḥ |
uvāca ślakṣṇayā vācā devīṃ hṛṣṭatanūruhaḥ || 18 ||
[Analyze grammar]

śrīrājovāca |
svāgataṃ te varārohe āsyatāṃ karavāma kim |
saṃramasva mayā sākaṃ ratirnau śāśvatīḥ samāḥ || 19 ||
[Analyze grammar]

urvaśyuvāca |
kasyāstvayi na sajjeta mano dṛṣṭiśca sundara |
yadaṅgāntaramāsādya cyavate ha riraṃsayā || 20 ||
[Analyze grammar]

etau uraṇakau rājan nyāsau rakṣasva mānada |
saṃraṃsye bhavatā sākaṃ ślāghyaḥ strīṇāṃ varaḥ smṛtaḥ || 21 ||
[Analyze grammar]

ghṛtaṃ me vīra bhakṣyaṃ syāt nekṣe tvānyatra maithunāt |
vivāsasaṃ tat tatheti pratipede mahāmanāḥ || 22 ||
[Analyze grammar]

aho rūpamaho bhāvo naralokavimohanam |
ko na seveta manujo devīṃ tvāṃ svayamāgatām || 23 ||
[Analyze grammar]

tayā sa puruṣaśreṣṭho ramayantyā yathārhataḥ |
reme suravihāreṣu kāmaṃ caitrarathādiṣu || 24 ||
[Analyze grammar]

ramamāṇastayā devyā padmakiñjalka gandhayā |
tanmukhāmodamuṣito mumude'hargaṇān bahūn || 25 ||
[Analyze grammar]

apaśyan urvaśīṃ indro gandharvān samacodayat |
urvaśīrahitaṃ mahyaṃ āsthānaṃ nātiśobhate || 26 ||
[Analyze grammar]

te upetya mahārātre tamasi pratyupasthite |
urvaśyā uraṇau jahruḥ nyastau rājani jāyayā || 27 ||
[Analyze grammar]

niśamyākranditaṃ devī putrayoḥ nīyamānayoḥ |
hatāsmyahaṃ kunāthena napuṃsā vīramāninā || 28 ||
[Analyze grammar]

yad viśrambhādahaṃ naṣṭā hṛtāpatyā ca dasyubhiḥ |
yaḥ śete niśi saṃtrasto yathā nārī divā pumān || 29 ||
[Analyze grammar]

iti vāk sāyakairbiddhaḥ pratottrairiva kuñjaraḥ |
niśi nistriṃśamādāya vivastro'bhyadravad ruṣā || 30 ||
[Analyze grammar]

te visṛjyoraṇau tatra vyadyotanta sma vidyutaḥ |
ādāya meṣāvāyāntaṃ nagnamaikṣata sā patim || 31 ||
[Analyze grammar]

ailo'pi śayane jāyāṃ apaśyan vimanā iva |
taccitto vihvalaḥ śocan babhrāmonmattavan mahīm || 32 ||
[Analyze grammar]

sa tāṃ vīkṣya kurukṣetre sarasvatyāṃ ca tatsakhīḥ |
pañca prahṛṣṭavadanāḥ prāha sūktaṃ purūravāḥ || 33 ||
[Analyze grammar]

1 aho jāye tiṣṭha tiṣṭha ghore na tyaktumarhasi |
māṃ tvamadyāpyanirvṛtya vacāṃsi kṛṇavāvahai || 34 ||
[Analyze grammar]

sudeho'yaṃ patatyatra devi dūraṃ hṛtastvayā |
khādantyenaṃ vṛkā gṛdhrāḥ tvatprasādasya nāspadam || 35 ||
[Analyze grammar]

urvaśyuvāca |
mā mṛthāḥ puruṣo'si tvaṃ mā sma tvādyurvṛkā ime |
kvāpi sakhyaṃ na vai strīṇāṃ vṛkāṇāṃ hṛdayaṃ yathā || 36 ||
[Analyze grammar]

striyo hyakaruṇāḥ krūrā durmarṣāḥ priyasāhasāḥ |
ghnantyalpārthe'pi viśrabdhaṃ patiṃ bhrātaramapyuta || 37 ||
[Analyze grammar]

vidhāyālīkaviśrambhaṃ ajñeṣu tyaktasauhṛdāḥ |
navaṃ navamabhīpsantyaḥ puṃścalyaḥ svairavṛttayaḥ || 38 ||
[Analyze grammar]

saṃvatsarānte hi bhavān ekarātraṃ mayeśvaraḥ |
vasyatyapatyāni ca te bhaviṣyantyaparāṇi bhoḥ || 39 ||
[Analyze grammar]

antarvat‍nīmupālakṣya devīṃ sa prayayau purīm |
punastatra gato'bdānte urvaśīṃ vīramātaram || 40 ||
[Analyze grammar]

upalabhya mudā yuktaḥ samuvāsa tayā niśām |
athainamurvaśī prāha kṛpaṇaṃ virahāturam || 41 ||
[Analyze grammar]

gandharvān upadhāvemān tubhyaṃ dāsyanti māmiti |
tasya saṃstuvatastuṣṭā agnisthālīṃ dadurnṛpa |
urvaśīṃ manyamānastāṃ so'budhyata caran vane || 42 ||
[Analyze grammar]

sthālīṃ nyasya vane gatvā gṛhānādhyāyato niśi |
tretāyāṃ sampravṛttāyāṃ manasi trayyavartata || 43 ||
[Analyze grammar]

sthālīsthānaṃ gato'śvatthaṃ śamīgarbhaṃ vilakṣya saḥ |
tena dve araṇī kṛtvā urvaśīlokakāmyayā || 44 ||
[Analyze grammar]

urvaśīṃ mantrato dhyāyan adharāraṇimuttarām |
ātmānaṃ ubhayormadhye yattat prajananaṃ prabhuḥ || 45 ||
[Analyze grammar]

tasya nirmanthanāt jāto jātavedā vibhāvasuḥ |
trayyā sa vidyayā rājñā putratve kalpitastrivṛt || 46 ||
[Analyze grammar]

tenāyajata yajñeśaṃ bhagavantaṃ adhokṣajam |
urvaśīlokamanvicchan sarvadevamayaṃ harim || 47 ||
[Analyze grammar]

eka eva purā vedaḥ praṇavaḥ sarvavāṅmayaḥ |
devo nārāyaṇo nānya eko'gnirvarṇa eva ca || 48 ||
[Analyze grammar]

purūravasa evāsīt tvayī tretāmukhe nṛpa |
agninā prajayā rājā lokaṃ gāndharvameyivān || 49 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ navamaskandhe caturdaśo'dhyāyaḥ || 14 ||
[Analyze grammar]