Chapter 5

[English text for this chapter is available]

aṃbarīṣānugraheṇa durvāsaso duḥkhanivṛttiḥ aṃbarīśapraśaṃsā tasya bhagavādrūpatāpattīśca |
śrīśuka uvāca |
evaṃ bhagavatā'diṣṭo durvāsāścakratāpitaḥ |
aṃbarīṣaṃ upāvṛtya tatpādau duḥkhito'grahīt || 1 ||
[Analyze grammar]

tasya sodyamanaṃ vīkṣya pādasparśavilajjitaḥ |
astāvīt tat hareḥ astraṃ kṛpayā pīḍito bhṛśam || 2 ||
[Analyze grammar]

aṃbarīṣa uvāca |
tvamagnirbhagavān sūryaḥ tvaṃ somo jyotiṣāṃ patiḥ |
tvaṃ āpastvaṃ kṣitirvyoma vāyurmātrendriyāṇi ca || 3 ||
[Analyze grammar]

sudarśana namastubhyaṃ sahasrārācyutapriya |
sarvāstraghātin viprāya svasti bhūyā iḍaspate || 4 ||
[Analyze grammar]

tvaṃ dharmastvamṛtaṃ satyaṃ tvaṃ yajño'khilayajñabhuk |
tvaṃ lokapālaḥ sarvātmā tvaṃ tejaḥ pauruṣaṃ param || 5 ||
[Analyze grammar]

namaḥ sunābhākhiladharmasetave |
hyadharmaśīlāsuradhūmaketave |
trailokyagopāya viśuddhavarcase |
manojavāyād‍bhutakarmaṇe gṛṇe || 6 ||
[Analyze grammar]

tvattejasā dharmamayena saṃhṛtaṃ |
tamaḥ prakāśaśca dṛśo mahātmanām |
duratyayaste mahimā girāṃ pate |
tvad rūpametat sadasat parāvaram || 7 ||
[Analyze grammar]

yadā visṛṣṭastvamanañjanena vai |
balaṃ praviṣṭo'jita daityadānavam |
bāhūdarorvaṅghriśirodharāṇi |
vṛkṇan ajasraṃ pradhane virājase || 8 ||
[Analyze grammar]

sa tvaṃ jagattrāṇa khalaprahāṇaye |
nirūpitaḥ sarvasaho gadābhṛtā |
viprasya cāsmat kuladaivahetave |
vidhehi bhadraṃ tadanugraho hi naḥ || 9 ||
[Analyze grammar]

yadyasti dattamiṣṭaṃ vā svadharmo vā svanuṣṭhitaḥ |
kulaṃ no vipradaivaṃ ced dvijo bhavatu vijvaraḥ || 10 ||
[Analyze grammar]

yadi no bhagavān prīta ekaḥ sarvaguṇāśrayaḥ |
sarvabhūtātmabhāvena dvijo bhavatu vijvaraḥ || 11 ||
[Analyze grammar]

śrīśuka uvāca |
iti saṃstuvato rājño viṣṇucakraṃ sudarśanam |
aśāmyat sarvato vipraṃ pradahad rājayācñayā || 12 ||
[Analyze grammar]

sa mukto'strāgnitāpena durvāsāḥ svastimān tataḥ |
praśaśaṃsa tamurvīśaṃ yuñjānaḥ paramāśiṣaḥ || 13 ||
[Analyze grammar]

durvāsā uvāca |
aho anantadāsānāṃ mahattvaṃ dṛṣṭamadya me |
kṛtāgaso'pi yad rājan maṃgalāni samīhase || 14 ||
[Analyze grammar]

duṣkaraḥ ko nu sādhūnāṃ dustyajo vā mahātmanām |
yaiḥ saṃgṛhīto bhagavān sātvatāṃ ṛṣabho hariḥ || 15 ||
[Analyze grammar]

yannāmaśrutimātreṇa pumān bhavati nirmalaḥ |
tasya tīrthapadaḥ kiṃ vā dāsānāṃ avaśiṣyate || 16 ||
[Analyze grammar]

rājan anugṛhīto'haṃ tvayātikaruṇātmanā |
mad aghaṃ pṛṣṭhataḥ kṛtvā prāṇā yanme'bhirakṣitāḥ || 17 ||
[Analyze grammar]

rājā taṃ akṛtāhāraḥ pratyāgamanakāṃkṣayā |
caraṇau uvupasaṃgṛhya prasādya samabhojayat || 18 ||
[Analyze grammar]

so'śitvādṛtamānītaṃ ātithyaṃ sārvakāmikam |
tṛptātmā nṛpatiṃ prāha bhujyatāṃ iti sādaram || 19 ||
[Analyze grammar]

prīto'smi anugṛhīto'smi tava bhāgavatasya vai |
darśanasparśanālāpaiḥ ātithyenātmamedhasā || 20 ||
[Analyze grammar]

karmāvadātaṃ etat te gāyanti svaḥstriyo muhuḥ |
kīrtiṃ paramapuṇyāṃ ca kīrtayiṣyati bhūriyam || 21 ||
[Analyze grammar]

śrīśuka uvāca |
evaṃ saṃkīrtya rājānaṃ durvāsāḥ paritoṣitaḥ |
yayau vihāyasā'maṃtrya brahmalokamahaitukam || 22 ||
[Analyze grammar]

saṃvatsaro'tyagāt tāvad yāvatā nāgato gataḥ |
munistaddarśanākāṃkṣo rājā'bbhakṣo babhūva ha || 23 ||
[Analyze grammar]

gate'tha durvāsasi so'mbarīṣo |
dvijopayogātipavitramāharat |
ṛṣervimokṣaṃ vyasanaṃ ca buddhvā |
mene svavīryaṃ ca parānubhāvam || 24 ||
[Analyze grammar]

evaṃ vidhānekaguṇaḥ sa rājā |
parātmani brahmaṇi vāsudeve |
kriyākalāpaiḥ samuvāha bhaktiṃ |
yayā'viriñcyān nirayāṃścakāra || 25 ||
[Analyze grammar]

śrīśuka uvāca |
athāmbarīṣastanayeṣu rājyaṃ |
samānaśīleṣu visṛjya dhīraḥ |
vanaṃ viveśātmani vāsudeve |
mano dadhad dhvastaguṇapravāhaḥ || 26 ||
[Analyze grammar]

ityetat puṇyamākhyānaṃ aṃbarīṣasya bhūpateḥ |
saṃkīrtayan anudhyāyan bhakto bhagavato bhavet || 27 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ navamaskandhe pañcamo'dhyāyaḥ || 5 ||
[Analyze grammar]