Chapter 1

[English text for this chapter is available]

śrīrājovāca |
svāyambhuvasyeha guro vaṃśo'yaṃ vistarācchrutaḥ |
yatra viśvasṛjāṃ sargo manūnanyānvadasva naḥ || 1 ||
[Analyze grammar]

manvantare harerjanma karmāṇi ca mahīyasaḥ |
gṛṇanti kavayo brahmaṃstāni no vada śṛṇvatām || 2 ||
[Analyze grammar]

yadyasminnantare brahmanbhagavānviśvabhāvanaḥ |
kṛtavānkurute kartā hyatīte'nāgate'dya vā || 3 ||
[Analyze grammar]

śrīṛṣiruvāca |
manavo'sminvyatītāḥ ṣaṭkalpe svāyambhuvādayaḥ |
ādyaste kathito yatra devādīnāṃ ca sambhavaḥ || 4 ||
[Analyze grammar]

ākūtyāṃ devahūtyāṃ ca duhitrostasya vai manoḥ |
dharmajñānopadeśārthaṃ bhagavānputratāṃ gataḥ || 5 ||
[Analyze grammar]

kṛtaṃ purā bhagavataḥ kapilasyānuvarṇitam |
ākhyāsye bhagavānyajño yaccakāra kurūdvaha || 6 ||
[Analyze grammar]

viraktaḥ kāmabhogeṣu śatarūpāpatiḥ prabhuḥ |
visṛjya rājyaṃ tapase sabhāryo vanamāviśat || 7 ||
[Analyze grammar]

sunandāyāṃ varṣaśataṃ padaikena bhuvaṃ spṛśan |
tapyamānastapo ghoramidamanvāha bhārata || 8 ||
[Analyze grammar]

śrīmanuruvāca |
yena cetayate viśvaṃ viśvaṃ cetayate na yam |
yo jāgarti śayāne'sminnāyaṃ taṃ veda veda saḥ || 9 ||
[Analyze grammar]

ātmāvāsyamidaṃ viśvaṃ yatkiñcijjagatyāṃ jagat |
tena tyaktena bhuñjīthā mā gṛdhaḥ kasya sviddhanam || 10 ||
[Analyze grammar]

yaṃ paśyati na paśyantaṃ cakṣuryasya na riṣyati |
taṃ bhūtanilayaṃ devaṃ suparṇamupadhāvata || 11 ||
[Analyze grammar]

na yasyādyantau madhyaṃ ca svaḥ paro nāntaraṃ bahiḥ |
viśvasyāmūni yadyasmādviśvaṃ ca tadṛtaṃ mahat || 12 ||
[Analyze grammar]

sa viśvakāyaḥ puruhūtaīśaḥ satyaḥ svayaṃjyotirajaḥ purāṇaḥ |
dhatte'sya janmādyajayātmaśaktyā tāṃ vidyayodasya nirīha āste || 13 ||
[Analyze grammar]

athāgre ṛṣayaḥ karmāṇīhante'karmahetave |
īhamāno hi puruṣaḥ prāyo'nīhāṃ prapadyate || 14 ||
[Analyze grammar]

īhate bhagavānīśo na hi tatra visajjate |
ātmalābhena pūrṇārtho nāvasīdanti ye'nu tam || 15 ||
[Analyze grammar]

tamīhamānaṃ nirahaṅkṛtaṃ budhaṃ nirāśiṣaṃ pūrṇamananyacoditam |
nṝnśikṣayantaṃ nijavartmasaṃsthitaṃ prabhuṃ prapadye'khiladharmabhāvanam || 16 ||
[Analyze grammar]

śrīśuka uvāca |
iti mantropaniṣadaṃ vyāharantaṃ samāhitam |
dṛṣṭvāsurā yātudhānā jagdhumabhyadravankṣudhā || 17 ||
[Analyze grammar]

tāṃstathāvasitānvīkṣya yajñaḥ sarvagato hariḥ |
yāmaiḥ parivṛto devairhatvāśāsattriviṣṭapam || 18 ||
[Analyze grammar]

svārociṣo dvitīyastu manuragneḥ suto'bhavat |
dyumatsuṣeṇarociṣmatpramukhāstasya cātmajāḥ || 19 ||
[Analyze grammar]

tatrendro rocanastvāsīddevāśca tuṣitādayaḥ |
ūrjastambhādayaḥ sapta ṛṣayo brahmavādinaḥ || 20 ||
[Analyze grammar]

ṛṣestu vedaśirasastuṣitā nāma patnyabhūt |
tasyāṃ jajñe tato devo vibhurityabhiviśrutaḥ || 21 ||
[Analyze grammar]

aṣṭāśītisahasrāṇi munayo ye dhṛtavratāḥ |
anvaśikṣanvrataṃ tasya kaumārabrahmacāriṇaḥ || 22 ||
[Analyze grammar]

tṛtīya uttamo nāma priyavratasuto manuḥ |
pavanaḥ sṛñjayo yajña hotrādyāstatsutā nṛpa || 23 ||
[Analyze grammar]

vasiṣṭhatanayāḥ sapta ṛṣayaḥ pramadādayaḥ |
satyā vedaśrutā bhadrā devā indrastu satyajit || 24 ||
[Analyze grammar]

dharmasya sūnṛtāyāṃ tu bhagavānpuruṣottamaḥ |
satyasena iti khyāto jātaḥ satyavrataiḥ saha || 25 ||
[Analyze grammar]

so'nṛtavrataduḥśīlānasato yakṣarākṣasān |
bhūtadruho bhūtagaṇāṃścāvadhītsatyajitsakhaḥ || 26 ||
[Analyze grammar]

caturtha uttamabhrātā manurnāmnā ca tāmasaḥ |
pṛthuḥ khyātirnaraḥ keturityādyā daśa tatsutāḥ || 27 ||
[Analyze grammar]

satyakā harayo vīrā devāstriśikha īśvaraḥ |
jyotirdhāmādayaḥ sapta ṛṣayastāmase'ntare || 28 ||
[Analyze grammar]

devā vaidhṛtayo nāma vidhṛtestanayā nṛpa |
naṣṭāḥ kālena yairvedā vidhṛtāḥ svena tejasā || 29 ||
[Analyze grammar]

tatrāpi jajñe bhagavānhariṇyāṃ harimedhasaḥ |
harirityāhṛto yena gajendro mocito grahāt || 30 ||
[Analyze grammar]

śrīrājovāca |
bādarāyaṇa etatte śrotumicchāmahe vayam |
hariryathā gajapatiṃ grāhagrastamamūmucat || 31 ||
[Analyze grammar]

tatkathāsu mahatpuṇyaṃ dhanyaṃ svastyayanaṃ śubham |
yatra yatrottamaśloko bhagavāngīyate hariḥ || 32 ||
[Analyze grammar]

śrīsūta uvāca |
parīkṣitaivaṃ sa tu bādarāyaṇiḥ prāyopaviṣṭena kathāsu coditaḥ |
uvāca viprāḥ pratinandya pārthivaṃ mudā munīnāṃ sadasi sma śṛṇvatām || 33 ||
[Analyze grammar]