Chapter 16

[English text for this chapter is available]

śrīmadbhāgavata mahāpurāṇa |
ṣaṣṭhaḥ skandhaḥṣoḍaśo'dhyāyaḥ |
rājaputradehaviyuktasya jīvātmana uktiḥ citraketave nāradakartṛkaṃ saṃkarṣaṇa |
maṃtrapradānaṃ tajjapena vidyādharatva prāptirbhagavato anantasya darśanaṃ caśrīśuka uvācaatha devaṛṣī rājan saṃparetaṃ nṛpātmajam |
darśayitveti hovāca jñātīnāṃ anuśocatām || 1 ||
[Analyze grammar]

śrīnārada uvācajīvātman paśya bhadraṃ te mātaraṃ pitaraṃ ca te |
suhṛdo bāndhavāstaptāḥ śucā tvatkṛtayā bhṛśam || 2 ||
[Analyze grammar]

kalevaraṃ svamāviśya śeṣamāyuḥ suhṛdvṛtaḥ |
bhuṅkṣva bhogān pitṛprattān adhitiṣṭha nṛpāsanam || 3 ||
[Analyze grammar]

jīva uvācakasmin janmanyamī mahyaṃ pitaro mātaro'bhavan |
karmabhirbhrāmyamāṇasya devatiryaṅnṛyoniṣu || 4 ||
[Analyze grammar]

bandhujñātyarimadhyastha mitrodāsīnavidviṣaḥ |
sarva eva hi sarveṣāṃ bhavanti kramaśo mithaḥ || 5 ||
[Analyze grammar]

yathā vastūni paṇyāni hemādīni tatastataḥ |
paryaṭanti nareṣvevaṃ jīvo yoniṣu kartṛṣu || 6 ||
[Analyze grammar]

nityasyārthasya sambandho hyanityo dṛśyate nṛṣu |
yāvadyasya hi sambandho mamatvaṃ tāvadeva hi || 7 ||
[Analyze grammar]

evaṃ yonigato jīvaḥ sa nityo nirahaṅkṛtaḥ |
yāvad yatropalabhyeta tāvat svatvaṃ hi tasya tat || 8 ||
[Analyze grammar]

eṣa nityo'vyayaḥ sūkṣma eṣa sarvāśrayaḥ svadṛk |
ātmamāyāguṇairviśvaṃ ātmānaṃ sṛjate prabhuḥ || 9 ||
[Analyze grammar]

na hyasyāsti priyaḥ kaścit nāpriyaḥ svaḥ paro'pi vā |
ekaḥ sarvadhiyāṃ draṣṭā kartṝṇāṃ guṇadoṣayoḥ || 10 ||
[Analyze grammar]

nādatta ātmā hi guṇaṃ na doṣaṃ na kriyāphalam |
udāsīnavadāsīnaḥ parāvaradṛgīśvaraḥ || 11 ||
[Analyze grammar]

śrīśuka uvācaityudīrya gato jīvo jñātayastasya te tadā |
vismitā mumucuḥ śokaṃ chittvātma snehaśrṛṅkhalām || 12 ||
[Analyze grammar]

nirhṛtya jñātayo jñāteḥ dehaṃ kṛtvocitāḥ kriyāḥ |
tatyajurdustyajaṃ snehaṃ śokamohabhayārtidam || 13 ||
[Analyze grammar]

bālaghnyo vrīḍitāstatra bālahatyāhataprabhāḥ |
bālahatyāvrataṃ ceruḥ brāhmaṇaiḥ yannirūpitam |
yamunāyāṃ mahārāja smarantyo dvijabhāṣitam || 14 ||
[Analyze grammar]

sa itthaṃ pratibuddhātmā citraketurdvijoktibhiḥ |
gṛhāndhakūpān niṣkrāntaḥ saraḥpaṅkādiva dvipaḥ || 15 ||
[Analyze grammar]

kālindyāṃ vidhivat snātvā kṛtapuṇyajalakriyaḥ |
maunena saṃyataprāṇo brahmaputrāvavandata || 16 ||
[Analyze grammar]

atha tasmai prapannāya bhaktāya prayatātmane |
bhagavān nāradaḥ prīto vidyāmetāmuvāca ha || 17 ||
[Analyze grammar]

oṃ namastubhyaṃ bhagavate vāsudevāya dhīmahi |
pradyumnāyāniruddhāya namaḥ saṅkarṣaṇāya ca || 18 ||
[Analyze grammar]

namo vijñānamātrāya paramānandamūrtaye |
ātmārāmāya śāntāya nivṛttadvaitadṛṣṭaye || 19 ||
[Analyze grammar]

ātmānandānubhūtyaiva nyastaśaktyūrmaye namaḥ |
hṛṣīkeśāya mahate namaste viśvamūrtaye || 20 ||
[Analyze grammar]

vacasyuparate'prāpya ya eko manasā saha |
anāmarūpaścinmātraḥ so'vyānnaḥ sadasatparaḥ || 21 ||
[Analyze grammar]

yasminnidaṃ yataścedaṃ tiṣṭhatyapyeti jāyate |
mṛṇmayeṣviva mṛjjātiḥ tasmai te brahmaṇe namaḥ || 22 ||
[Analyze grammar]

yanna spṛśanti na viduḥ manobuddhīndriyāsavaḥ |
antarbahiśca vitataṃ vyomavat tannato'smyaham || 23 ||
[Analyze grammar]

dehendriyaprāṇamanodhiyo'mī |
yadaṃśaviddhāḥ pracaranti karmasu |
naivānyadā lauhamivāprataptaṃ |
sthāneṣu taddraṣṭrapadeśameti || 24 ||
[Analyze grammar]

oṃ namo bhagavate mahāpuruṣāya mahānubhāvāya |
mahāvibhūtipataye sakalasātvata parivṛḍhanikara |
karakamala kuḍmalopalālita |
caraṇāravindayugala paramaparameṣṭhin namaste || 25 ||
[Analyze grammar]

śrīśuka uvācabhaktāyaitāṃ prapannāya vidyāmādiśya nāradaḥ |
yayāvaṅgirasā sākaṃ dhāma svāyambhuvaṃ prabho || 26 ||
[Analyze grammar]

citraketustu vidyāṃ tāṃ yathā nāradabhāṣitām |
dhārayāmāsa saptāhaṃ abbhakṣaḥ susamāhitaḥ || 27 ||
[Analyze grammar]

tataḥ sa saptarātrānte vidyayā dhāryamāṇayā |
vidyādharādhipatyaṃ ca lebhe'pratihataṃ nṛpa || 28 ||
[Analyze grammar]

tataḥ katipayāhobhiḥ vidyayeddhamanogatiḥ |
jagāma devadevasya śeṣasya caraṇāntikam || 29 ||
[Analyze grammar]

mṛṇālagauraṃ śitivāsasaṃ sphurat |
kirīṭakeyūrakaṭitrakaṅkaṇam |
prasannavaktrāruṇalocanaṃ vṛtaṃ |
dadarśa siddheśvaramaṇḍalaiḥ prabhum || 30 ||
[Analyze grammar]

taddarśanadhvastasamastakilbiṣaḥ |
svasthāmalāntaḥkaraṇo'bhyayānmuniḥ |
pravṛddhabhaktyā praṇayāśrulocanaḥ |
prahṛṣṭaromānamadādipuruṣam || 31 ||
[Analyze grammar]

sa uttamaślokapadābjaviṣṭaraṃ |
premāśruleśairupamehayanmuhuḥ |
premoparuddhākhilavarṇanirgamo |
naivāśakattaṃ prasamīḍituṃ ciram || 32 ||
[Analyze grammar]

tataḥ samādhāya mano manīṣayā |
babhāṣa etatpratilabdhavāgasau |
niyamya sarvendriyabāhyavartanaṃ |
jagad‍guruṃ sātvataśāstravigraham || 33 ||
[Analyze grammar]

citraketuruvācaajita jitaḥ samamatibhiḥ |
sādhubhirbhavān jitātmabhirbhavatā |
vijitāste'pi ca bhajatāṃ |
akāmātmanāṃ ya ātmado'tikaruṇaḥ || 34 ||
[Analyze grammar]

tava vibhavaḥ khalu bhagavan |
jagadudayasthitilayādīni |
viśvasṛjasteṃ'śāṃśāstatra |
mṛṣā spardhanti pṛthagabhimatyā || 35 ||
[Analyze grammar]

paramāṇuparamamahatoḥ |
tvamādyantāntaravartī trayavidhuraḥ |
ādāvante'pi ca sattvānāṃ |
yaddhruvaṃ tadevāntarāle'pi || 36 ||
[Analyze grammar]

kṣityādibhireṣa kilāvṛtaḥ |
saptabhirdaśaguṇottarairaṇḍakośaḥ |
yatra patatyaṇukalpaḥ |
sahāṇḍakoṭikoṭibhistadanantaḥ || 37 ||
[Analyze grammar]

viṣayatṛṣo narapaśavo |
ya upāsate vibhūtīrna paraṃ tvām |
teṣāmāśiṣa īśa tadanu |
vinaśyanti yathā rājakulam || 38 ||
[Analyze grammar]

kāmadhiyastvayi racitā |
na parama rohanti yathā karambhabījāni |
jñānātmanyaguṇamaye |
guṇagaṇato'sya dvandvajālāni || 39 ||
[Analyze grammar]

jitamajita tadā bhavatā |
yadāha bhāgavataṃ dharmamanavadyam |
niṣkiñcanā ye munaya |
ātmārāmā yamupāsate'pavargāya || 40 ||
[Analyze grammar]

viṣamamatirna yatra nṛṇāṃ |
tvamahamiti mama taveti ca yadanyatra |
viṣamadhiyā racito yaḥ |
sa hyaviśuddhaḥ kṣayiṣṇuradharmabahulaḥ || 41 ||
[Analyze grammar]

kaḥ kṣemo nijaparayoḥ |
kiyānvārthaḥ svaparadruhā dharmeṇa |
svadrohāttava kopaḥ |
parasampīḍayā ca tathādharmaḥ || 42 ||
[Analyze grammar]

na vyabhicarati tavekṣā |
yayā hyabhihito bhāgavato dharmaḥ |
sthiracarasattvakadambeṣva |
pṛthagdhiyo yamupāsate tvāryāḥ || 43 ||
[Analyze grammar]

na hi bhagavannaghaṭitamidaṃ |
tvaddarśanān nṛṇāmakhilapāpakṣayaḥ |
yannāma sakṛcchravaṇāt |
pulkasako'pi vimucyate saṃsārāt || 44 ||
[Analyze grammar]

atha bhagavan vayamadhunā |
tvadavalokaparimṛṣṭāśayamalāḥ |
suraṛṣiṇā yaduditaṃ |
tāvakena kathamanyathā bhavati || 45 ||
[Analyze grammar]

viditamananta samastaṃ |
tava jagadātmano janairihācaritam |
vijñāpyaṃ paramaguroḥ |
kiyadiva savituriva khadyotaiḥ || 46 ||
[Analyze grammar]

namastubhyaṃ bhagavate |
sakalajagatsthitilayodayeśāya |
duravasitātmagataye |
kuyogināṃ bhidā paramahaṃsāya || 47 ||
[Analyze grammar]

yaṃ vai śvasantamanu viśvasṛjaḥ śvasanti |
yaṃ cekitānamanu cittaya uccakanti |
bhūmaṇḍalaṃ sarṣapāyati yasya mūrdhni |
tasmai namo bhagavate'stu sahasramūrdhne || 48 ||
[Analyze grammar]

śrīśuka uvācasaṃstuto bhagavān evaṃ anantastamabhāṣata |
vidyādharapatiṃ prītaḥ citraketuṃ kurūdvaha || 49 ||
[Analyze grammar]

śrībhagavān uvācayannāradāṅgirobhyāṃ te vyāhṛtaṃ me'nuśāsanam |
saṃsiddho'si tayā rājan vidyayā darśanācca me || 50 ||
[Analyze grammar]

ahaṃ vai sarvabhūtāni bhūtātmā bhūtabhāvanaḥ |
śabdabrahma paraṃ brahma mamobhe śāśvatī tanū || 51 ||
[Analyze grammar]

loke vitatamātmānaṃ lokaṃ cātmani santatam |
ubhayaṃ ca mayā vyāptaṃ mayi caivobhayaṃ kṛtam || 52 ||
[Analyze grammar]

yathā suṣuptaḥ puruṣo viśvaṃ paśyati cātmani |
ātmānamekadeśasthaṃ manyate svapna utthitaḥ || 53 ||
[Analyze grammar]

evaṃ jāgaraṇādīni jīvasthānāni cātmanaḥ |
māyāmātrāṇi vijñāya taddraṣṭāraṃ paraṃ smaret || 54 ||
[Analyze grammar]

yena prasuptaḥ puruṣaḥ svāpaṃ vedātmanastadā |
sukhaṃ ca nirguṇaṃ brahma tamātmānamavehi mām || 55 ||
[Analyze grammar]

ubhayaṃ smarataḥ puṃsaḥ prasvāpapratibodhayoḥ |
anveti vyatiricyeta tajjñānaṃ brahma tatparam || 56 ||
[Analyze grammar]

yadetad vismṛtaṃ puṃso mad‍bhāvaṃ bhinnamātmanaḥ |
tataḥ saṃsāra etasya dehāddeho mṛtermṛtiḥ || 57 ||
[Analyze grammar]

labdhveha mānuṣīṃ yoniṃ jñānavijñānasambhavām |
ātmānaṃ yo na buddhyeta na kvacin śamamāpnuyāt || 58 ||
[Analyze grammar]

smṛtvehāyāṃ parikleśaṃ tataḥ phalaviparyayam |
abhayaṃ cāpyanīhāyāṃ saṅkalpād virametkaviḥ || 59 ||
[Analyze grammar]

sukhāya duḥkhamokṣāya kurvāte dampatī kriyāḥ |
tato'nivṛttiḥ aprāptiḥ dukhasya ca sukhasya ca || 60 ||
[Analyze grammar]

evaṃ viparyayaṃ buddhvā nṛṇāṃ vijñābhimāninām |
ātmanaśca gatiṃ sūkṣmāṃ sthānatrayavilakṣaṇām || 61 ||
[Analyze grammar]

dṛṣṭaśrutābhirmātrābhiḥ nirmuktaḥ svena tejasā |
jñānavijñānasantṛpto mad‍bhaktaḥ puruṣo bhavet || 62 ||
[Analyze grammar]

etāvāneva manujaiḥ yoganaipuṇyabuddhibhiḥ |
svārthaḥ sarvātmanā jñeyo yatparātmaikadarśanam || 63 ||
[Analyze grammar]

tvametacchraddhayā rājan apramatto vaco mama |
jñānavijñānasampanno dhārayannāśu sidhyasi || 64 ||
[Analyze grammar]

śrīśuka uvācaāśvāsya bhagavānitthaṃ citraketuṃ jagad‍guruḥ |
paśyatastasya viśvātmā tataścāntardadhe hariḥ || 65 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
ṣaṣṭhaskandhe citraketoḥ paramātmadarśanaṃ nāma ṣoḍaśo'dhyā‍yaḥ || 16 ||
[Analyze grammar]