Chapter 14

[English text for this chapter is available]

maitreya uvāca |
bhṛgvādayaste munayo lokānāṃ kṣemadarśinaḥ |
goptaryasati vai nṝṇāṃ paśyantaḥ paśusāmyatām || 1 ||
[Analyze grammar]

vīramātaramāhūya sunīthāṃ brahmavādinaḥ |
prakṛtyasammataṃ venaṃ abhyaṣiñcan patiṃ bhuvaḥ || 2 ||
[Analyze grammar]

śrutvā nṛpāsanagataṃ venamatyugraśāsanam |
nililyurdasyavaḥ sadyaḥ sarpatrastā ivākhavaḥ || 3 ||
[Analyze grammar]

sa ārūḍhanṛpasthāna unnaddho'ṣṭavibhūtibhiḥ |
avamene mahābhāgānstabdhaḥ sambhāvitaḥ svataḥ || 4 ||
[Analyze grammar]

evaṃ madāndha utsikto niraṅkuśa iva dvipaḥ |
paryaṭan rathamāsthāya kampayan iva rodasī || 5 ||
[Analyze grammar]

na yaṣṭavyaṃ na dātavyaṃ na hotavyaṃ dvijāḥ kvacit |
iti nyavārayad dharmaṃ bherīghoṣeṇa sarvaśaḥ || 6 ||
[Analyze grammar]

venasyāvekṣya munayo durvṛttasya viceṣṭitam |
vimṛśya lokavyasanaṃ kṛpayocuḥ sma satriṇaḥ || 7 ||
[Analyze grammar]

aho ubhayataḥ prāptaṃ lokasya vyasanaṃ mahat |
dāruṇi ubhayato dīpte iva taskarapālayoḥ || 8 ||
[Analyze grammar]

arājakabhayādeṣa kṛto rājātadarhaṇaḥ |
tato'pyāsīdbhayaṃ tvadya kathaṃ syāt svasti dehinām || 9 ||
[Analyze grammar]

aheriva payaḥpoṣaḥ poṣakasyāpyanarthabhṛt |
venaḥ prakṛtyaiva khalaḥ sunīthāgarbhasambhavaḥ || 10 ||
[Analyze grammar]

nirūpitaḥ prajāpālaḥ sa jighāṃsati vai prajāḥ |
tathāpi sāntvayemāmuṃ nāsmān tatpātakaṃ spṛśet || 11 ||
[Analyze grammar]

tad vidvadbhiḥ asadvṛtto veno'smābhiḥ kṛto nṛpaḥ |
sāntvito yadi no vācaṃ na grahīṣyatyadharmakṛt || 12 ||
[Analyze grammar]

lokadhikkārasandagdhaṃ dahiṣyāmaḥ svatejasā |
evaṃ adhyavasāyainaṃ munayo gūḍhamanyavaḥ || 13 ||
[Analyze grammar]

upavrajyābruvan venaṃ sāntvayitvā ca sāmabhiḥ || 13 ||
[Analyze grammar]

munaya ūcuḥ |
nṛpavarya nibodhaitad yatte vijñāpayāma bhoḥ |
āyuḥśrībalakīrtīnāṃ tava tāta vivardhanam || 14 ||
[Analyze grammar]

dharma ācaritaḥ puṃsāṃ vāṅmanaḥkāyabuddhibhiḥ |
lokān viśokān vitarati atha anantyamasaṅginām || 15 ||
[Analyze grammar]

sa te mā vinaśedvīra prajānāṃ kṣemalakṣaṇaḥ |
yasmin vinaṣṭe nṛpatiḥ aiśvaryādavarohati || 16 ||
[Analyze grammar]

rājan asādhvamātyebhyaḥ corādibhyaḥ prajā nṛpaḥ |
rakṣan yathā baliṃ gṛhṇan iha pretya ca modate || 17 ||
[Analyze grammar]

yasya rāṣṭre pure caiva bhagavān yajñapūruṣaḥ |
ijyate svena dharmeṇa janairvarṇāśramānvitaiḥ || 18 ||
[Analyze grammar]

tasya rājño mahābhāga bhagavān bhūtabhāvanaḥ |
parituṣyati viśvātmā tiṣṭhato nijaśāsane || 19 ||
[Analyze grammar]

tasmin tuṣṭe kimaprāpyaṃ jagatāṃ īśvareśvare |
lokāḥ sapālā hyetasmai haranti balimādṛtāḥ || 20 ||
[Analyze grammar]

taṃ sarvalokāmarayajñasaṅgrahaṃ |
trayīmayaṃ dravyamayaṃ tapomayam |
yajñairvicitrairyajato bhavāya te |
rājan svadeśān anuroddhumarhasi || 21 ||
[Analyze grammar]

yajñena yuṣmadviṣaye dvijātibhiḥ |
vitāyamānena surāḥ kalā hareḥ |
sviṣṭāḥ sutuṣṭāḥ pradiśanti vāñchitaṃ |
taddhelanaṃ nārhasi vīra ceṣṭitum || 22 ||
[Analyze grammar]

vena uvāca |
bāliśā bata yūyaṃ vā adharme dharmamāninaḥ |
ye vṛttidaṃ patiṃ hitvā jāraṃ patimupāsate || 23 ||
[Analyze grammar]

avajānantyamī mūḍhā nṛparūpiṇamīśvaram |
nānuvindanti te bhadraṃ iha loke paratra ca || 24 ||
[Analyze grammar]

ko yajñapuruṣo nāma yatra vo bhaktirīdṛśī |
bhartṛsnehavidūrāṇāṃ yathā jāre kuyoṣitām || 25 ||
[Analyze grammar]

viṣṇurviriñco giriśa indro vāyuryamo raviḥ |
parjanyo dhanadaḥ somaḥ kṣitiragnirapāmpatiḥ || 26 ||
[Analyze grammar]

ete cānye ca vibudhāḥ prabhavo varaśāpayoḥ |
dehe bhavanti nṛpateḥ sarvadevamayo nṛpaḥ || 27 ||
[Analyze grammar]

tasmānmāṃ karmabhirviprā yajadhvaṃ gatamatsarāḥ |
baliṃ ca mahyaṃ harata matto'nyaḥ ko'grabhuk pumān || 28 ||
[Analyze grammar]

maitreya uvāca |
itthaṃ viparyayamatiḥ pāpīyānutpathaṃ gataḥ |
anunīyamānastadyācñāṃ na cakre bhraṣṭamaṅgalaḥ || 29 ||
[Analyze grammar]

iti te'satkṛtāstena dvijāḥ paṇḍitamāninā |
bhagnāyāṃ bhavyayācñāyāṃ tasmai vidura cukrudhuḥ || 30 ||
[Analyze grammar]

hanyatāṃ hanyatāmeṣa pāpaḥ prakṛtidāruṇaḥ |
jīvan jagadasāvāśu kurute bhasmasād dhruvam || 31 ||
[Analyze grammar]

nāyamarhatyasadvṛtto naradevavarāsanam |
yo'dhiyajñapatiṃ viṣṇuṃ vinindatyanapatrapaḥ || 32 ||
[Analyze grammar]

ko vainaṃ paricakṣīta venamekamṛte'śubham |
prāpta īdṛśamaiśvaryaṃ yadanugrahabhājanaḥ || 33 ||
[Analyze grammar]

itthaṃ vyavasitā hantuṃ hṛṣayo rūḍhamanyavaḥ |
nijaghnurhuṅkṛtairvenaṃ hatamacyutanindayā || 34 ||
[Analyze grammar]

ṛṣibhiḥ svāśramapadaṃ gate putrakalevaram |
sunīthā pālayāmāsa vidyāyogena śocatī || 35 ||
[Analyze grammar]

ekadā munayaste tu sarasvat salilāplutāḥ |
hutvāgnīn satkathāścakruḥ upaviṣṭāḥ sarittaṭe || 36 ||
[Analyze grammar]

vīkṣyotthitān tadotpātān āhurloka bhayaṅkarān |
apyabhadramanāthāyā dasyubhyo na bhavedbhuvaḥ || 37 ||
[Analyze grammar]

evaṃ mṛśanta ṛṣayo dhāvatāṃ sarvatodiśam |
pāṃsuḥ samutthito bhūriḥ corāṇāmabhilumpatām || 38 ||
[Analyze grammar]

tadupadravamājñāya lokasya vasu lumpatām |
bhartaryuparate tasmin anyonyaṃ ca jighāṃsatām || 39 ||
[Analyze grammar]

coraprāyaṃ janapadaṃ hīnasattvamarājakam |
lokānnāvārayañchaktā api taddoṣadarśinaḥ || 40 ||
[Analyze grammar]

brāhmaṇaḥ samadṛk śānto dīnānāṃ samupekṣakaḥ |
sravate brahma tasyāpi bhinnabhāṇḍātpayo yathā || 41 ||
[Analyze grammar]

nāṅgasya vaṃśo rājarṣeḥ eṣa saṃsthātumarhati |
amoghavīryā hi nṛpā vaṃśe'smin keśavāśrayāḥ || 42 ||
[Analyze grammar]

viniścityaivamṛṣayo vipannasya mahīpateḥ |
mamanthurūruṃ tarasā tatrāsīd‍bāhuko naraḥ || 43 ||
[Analyze grammar]

kākakṛṣṇo'tihrasvāṅgo hrasvabāhurmahāhanuḥ |
hrasvapān nimnanāsāgro raktākṣastāmramūrdhajaḥ || 44 ||
[Analyze grammar]

taṃ tu te'vanataṃ dīnaṃ kiṃ karomīti vādinam |
niṣīdetyabruvaṃstāta sa niṣādastato'bhavat || 45 ||
[Analyze grammar]

tasya vaṃśyāstu naiṣādā girikānanagocarāḥ |
yenāharat jāyamāno venakalmaṣamulbaṇam || 46 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
caturthaskandhe pṛthucarite niṣādotpattirnāma caturdaśo'dhyāyaḥ || 14 ||
[Analyze grammar]