Chapter 21

[English text for this chapter is available]

vidura uvāca |
svāyambhuvasya ca manoḥ vaṃśaḥ paramasammataḥ |
kathyatāṃ bhagavanyatra maithunenaidhire prajāḥ || 1 ||
[Analyze grammar]

priyavratottānapādau sutau svāyambhuvasya vai |
yathādharmaṃ jugupatuḥ saptadvīpavatīṃ mahīm || 2 ||
[Analyze grammar]

tasya vai duhitā brahman devahūtīti viśrutā |
pat‍nī prajāpateruktā kardamasya tvayānagha || 3 ||
[Analyze grammar]

tasyāṃ sa vai mahāyogī yuktāyāṃ yogalakṣaṇaiḥ |
sasarja katidhā vīryaṃ tanme śuśrūṣave vada || 4 ||
[Analyze grammar]

ruciryo bhagavān brahman dakṣo vā brahmaṇaḥ sutaḥ |
yathā sasarja bhūtāni labdhvā bhāryāṃ ca mānavīm || 5 ||
[Analyze grammar]

maitreya uvāca |
prajāḥ sṛjeti bhagavān kardamo brahmaṇoditaḥ |
sarasvatyāṃ tapastepe sahasrāṇāṃ samā daśa || 6 ||
[Analyze grammar]

tataḥ samādhiyuktena kriyāyogena kardamaḥ |
samprapede hariṃ bhaktyā prapannavaradāśuṣam || 7 ||
[Analyze grammar]

tāvatprasanno bhagavān puṣkarākṣaḥ kṛte yuge |
darśayāmāsa taṃ kṣattaḥ śābdaṃ brahma dadhadvapuḥ || 8 ||
[Analyze grammar]

sa taṃ virajamarkābhaṃ sitapadmotpalasrajam |
snigdhanīlālakavrāta vaktrābjaṃ virajo'mbaram || 9 ||
[Analyze grammar]

kirīṭinaṃ kuṇḍalinaṃ śaṅkhacakragadādharam |
śvetotpalakrīḍanakaṃ manaḥsparśasmitekṣaṇam || 10 ||
[Analyze grammar]

vinyastacaraṇāmbhojaṃ aṃsadeśe garutmataḥ |
dṛṣṭvā khe'vasthitaṃ vakṣaḥ śriyaṃ kaustubhakandharam || 11 ||
[Analyze grammar]

jātaharṣo'patanmūrdhnā kṣitau labdhamanorathaḥ |
gīrbhistvabhyagṛṇātprīti svabhāvātmā kṛtāñjaliḥ || 12 ||
[Analyze grammar]

ṛṣiruvāca |
juṣṭaṃ batādyākhilasattvarāśeḥ |
sāṃsidhyamakṣṇostava darśanānnaḥ |
yaddarśanaṃ janmabhirīḍya sadbhiḥ |
āśāsate yogino rūḍhayogāḥ || 13 ||
[Analyze grammar]

ye māyayā te hatamedhasastvat |
pādāravindaṃ bhavasindhupotam |
upāsate kāmalavāya teṣāṃ |
rāsīśa kāmān niraye'pi ye syuḥ || 14 ||
[Analyze grammar]

tathā sa cāhaṃ parivoḍhukāmaḥ |
samānaśīlāṃ gṛhamedhadhenum |
upeyivān mūlamaśeṣamūlaṃ |
durāśayaḥ kāmadughāṅghripasya || 15 ||
[Analyze grammar]

prajāpateste vacasādhīśa tantyā |
lokaḥ kilāyaṃ kāmahato'nubaddhaḥ |
ahaṃ ca lokānugato vahāmi |
baliṃ ca śuklānimiṣāya tubhyam || 16 ||
[Analyze grammar]

lokāṃśca lokānugatān paśūṃśca |
hitvā śritāste caraṇātapatram |
parasparaṃ tvad‍guṇavādasīdhu |
pīyūṣaniryāpitadehadharmāḥ || 17 ||
[Analyze grammar]

na te'jarākṣabhramirāyureṣāṃ |
trayodaśāraṃ triśataṃ ṣaṣṭiparva |
ṣaṇnemyanantacchadi yattriṇābhi |
karālasroto jagadācchidya dhāvat || 18 ||
[Analyze grammar]

ekaḥ svayaṃ sanjagataḥ sisṛkṣayā |
advitīyayātman adhi yogamāyayā |
sṛjasyadaḥ pāsi punargrasiṣyase |
yathorṇanābhiḥ bhagavan svaśaktibhiḥ || 19 ||
[Analyze grammar]

naitad‍batādhīśa padaṃ tavepsitaṃ |
yanmāyayā nastanuṣe bhūtasūkṣmam |
anugrahāyāstvapi yarhi māyayā |
lasattulasyā tanuvā vilakṣitaḥ || 20 ||
[Analyze grammar]

taṃ tvānubhūtyoparatakriyārthaṃ |
svamāyayā vartitalokatantram |
namāmyabhīkṣṇaṃ namanīyapāda |
sarojamalpīyasi kāmavarṣam || 21 ||
[Analyze grammar]

ṛṣiruvāca |
ityavyalīkaṃ praṇuto'bjanābhaḥ |
taṃ ābabhāṣe vacasāmṛtena |
suparṇapakṣopari rocamānaḥ |
premasmita udvīkṣaṇavibhramad‍bhrūḥ || 22 ||
[Analyze grammar]

śrībhagavānuvāca |
viditvā tava caityaṃ me puraiva samayoji tat |
yadarthaṃ ātmaniyamaiḥ tvayaivāhaṃ samarcitaḥ || 23 ||
[Analyze grammar]

na vai jātu mṛṣaiva syāt prajādhyakṣa madarhaṇam |
bhavadvidheṣvatitarāṃ mayi saṅgṛbhitātmanām || 24 ||
[Analyze grammar]

prajāpatisutaḥ samrāṭ manurvikhyātamaṅgalaḥ |
brahmāvartaṃ yo'dhivasan śāsti saptārṇavāṃ mahīm || 25 ||
[Analyze grammar]

sa ceha vipra rājarṣiḥ mahiṣyā śatarūpayā |
āyāsyati didṛkṣustvāṃ paraśvo dharmakovidaḥ || 26 ||
[Analyze grammar]

ātmajāṃ asitāpāṅgīṃ vayaḥśīlaguṇānvitām |
mṛgayantīṃ patiṃ dāsyati anurūpāya te prabho || 27 ||
[Analyze grammar]

samāhitaṃ te hṛdayaṃ yatra imān parivatsarān |
sā tvāṃ brahman nṛpavadhūḥ kāmamāśu bhajiṣyati || 28 ||
[Analyze grammar]

yā te ātmabhṛtaṃ vīryaṃ navadhā prasaviṣyati |
vīrye tvadīye ṛṣaya ādhāsyanti añjasātmanaḥ || 29 ||
[Analyze grammar]

tvaṃ ca samyag anuṣṭhāya nideśaṃ me uśattamaḥ |
mayi tīrthīkṛtāśeṣa kriyārtho māṃ prapatsyase || 30 ||
[Analyze grammar]

kṛtvā dayāṃ ca jīveṣu dattvā cābhayamātmavān |
mayyātmānaṃ saha jagad drakṣyasyātmani cāpi mām || 31 ||
[Analyze grammar]

sahāhaṃ svāṃśakalayā tvadvīryeṇa mahāmune |
tava kṣetre devahūtyāṃ praṇeṣye tattvasaṃhitām || 32 ||
[Analyze grammar]

maitreya uvāca |
evaṃ taṃ anubhāṣyātha bhagavān pratyagakṣajaḥ |
jagāma bindusarasaḥ sarasvatyā pariśritāt || 33 ||
[Analyze grammar]

nirīkṣatastasya yayāvaśeṣa |
siddheśvarābhiṣṭutasiddhamārgaḥ |
ākarṇayan patrarathendrapakṣaiḥ |
uccāritaṃ stomamudīrṇasāma || 34 ||
[Analyze grammar]

atha samprasthite śukle kardamo bhagavān ṛṣiḥ |
āste sma bindusarasi taṃ kālaṃ pratipālayan || 35 ||
[Analyze grammar]

manuḥ syandanamāsthāya śātakaumbhaparicchadam |
āropya svāṃ duhitaraṃ sabhāryaḥ paryaṭan mahīm || 36 ||
[Analyze grammar]

tasmin sudhanvannahani bhagavān yatsamādiśat |
upāyādāśramapadaṃ muneḥ śāntavratasya tat || 37 ||
[Analyze grammar]

yasminbhagavato netrān nyapatan aśrubindavaḥ |
kṛpayā samparītasya prapanne'rpitayā bhṛśam || 38 ||
[Analyze grammar]

tadvai bindusaro nāma sarasvatyā pariplutam |
puṇyaṃ śivāmṛtajalaṃ maharṣigaṇasevitam || 39 ||
[Analyze grammar]

puṇyadrumalatājālaiḥ kūjat puṇyamṛgadvijaiḥ |
sarvartuphalapuṣpāḍhyaṃ vanarājiśriyānvitam || 40 ||
[Analyze grammar]

mattadvijagaṇairghuṣṭaṃ mattabhramara vibhramam |
mattabarhinaṭāṭopaṃ āhvayan mattakokilam || 41 ||
[Analyze grammar]

kadamba campakāśoka karañja bakulāsanaiḥ |
kundamandārakuṭajaiḥ cūtapotaiḥ alaṅkṛtam || 42 ||
[Analyze grammar]

kāraṇḍavaiḥ plavairhaṃsaiḥ kuraraiḥ jalakukkuṭaiḥ |
sārasaiḥ cakravākaiśca cakoraiḥ valgu kūjitam || 43 ||
[Analyze grammar]

tathaiva hariṇaiḥ kroḍaiḥ śvāvit gavaya kuñjaraiḥ |
gopucchaiḥ haribhiḥ markaiḥ nakulaiḥ nābhibhirvṛtam || 44 ||
[Analyze grammar]

praviśya tattīrthavaraṃ ādirājaḥ sahātmajaḥ |
dadarśa munimāsīnaṃ tasmin hutahutāśanam || 45 ||
[Analyze grammar]

vidyotamānaṃ vapuṣā tapasi ugrayujā ciram |
nātikṣāmaṃ bhagavataḥ snigdhāpāṅgāvalokanāt |
tadvyāhṛtāmṛtakalā pīyūṣaśravaṇena ca || 46 ||
[Analyze grammar]

prāṃśuṃ padmapalāśākṣaṃ jaṭilaṃ cīravāsasam |
upasaṃśritya malinaṃ yathārhaṇaṃ asaṃskṛtam || 47 ||
[Analyze grammar]

athoṭajamupāyātaṃ nṛdevaṃ praṇataṃ puraḥ |
saparyayā paryagṛhṇāt pratinandyānurūpayā || 48 ||
[Analyze grammar]

gṛhītārhaṇamāsīnaṃ saṃyataṃ prīṇayan muniḥ |
smaran bhagavadādeśaṃ ityāha ślakṣṇayā girā || 49 ||
[Analyze grammar]

nūnaṃ caṅkramaṇaṃ deva satāṃ saṃrakṣaṇāya te |
vadhāya cāsatāṃ yastvaṃ hareḥ śaktirhi pālinī || 50 ||
[Analyze grammar]

yo'rkendu agnīndravāyūnāṃ yamadharmapracetasām |
rūpāṇi sthāna ādhatse tasmai śuklāya te namaḥ || 51 ||
[Analyze grammar]

na yadā rathamāsthāya jaitraṃ maṇigaṇārpitam |
visphūrjat caṇḍakodaṇḍo rathena trāsayan aghān || 52 ||
[Analyze grammar]

svasainyacaraṇakṣuṇṇaṃ vepayan maṇḍalaṃ bhuvaḥ |
vikarṣan bṛhatīṃ senāṃ paryaṭasi aṃśumāniva || 53 ||
[Analyze grammar]

tadaiva setavaḥ sarve varṇāśramanibandhanāḥ |
bhagavad racitā rājan bhidyeran bata dasyubhiḥ || 54 ||
[Analyze grammar]

adharmaśca samedheta lolupairvyaṅkuśairnṛbhiḥ |
śayāne tvayi loko'yaṃ dasyugrasto vinaṅkṣyati || 55 ||
[Analyze grammar]

athāpi pṛcche tvāṃ vīra yadarthaṃ tvaṃ ihāgataḥ |
tadvayaṃ nirvyalīkena pratipadyāmahe hṛdā || 56 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
tṛtīyaskandhe ekaviṃśo'dhyāyaḥ || 21 ||
[Analyze grammar]