Chapter 18

[English text for this chapter is available]

sūta uvāca |
yo vai drauṇyastravipluṣṭo na māturudare mṛtaḥ |
anugrahād bhagavataḥ kṛṣṇasyād‍bhutakarmaṇaḥ || 1 ||
[Analyze grammar]

brahmakopotthitād yastu takṣakāt prāṇaviplavāt |
na sammumohorubhayād bhagavatyarpitāśayaḥ || 2 ||
[Analyze grammar]

utsṛjya sarvataḥ saṅgaṃ vijñātājitasaṃsthitiḥ |
vaiyāsakerjahau śiṣyo gaṅgāyāṃ svaṃ kalevaram || 3 ||
[Analyze grammar]

nottamaślokavārtānāṃ juṣatāṃ tatkathāmṛtam |
syātsambhramo'ntakāle'pi smaratāṃ tatpadāmbujam || 4 ||
[Analyze grammar]

tāvatkalirna prabhavet praviṣṭo'pīha sarvataḥ |
yāvadīśo mahānurvyāṃ ābhimanyava ekarāṭ || 5 ||
[Analyze grammar]

yasminnahani yarhyeva bhagavān utsasarja gām |
tadaivehānuvṛtto'sau adharmaprabhavaḥ kaliḥ || 6 ||
[Analyze grammar]

nānudveṣṭi kaliṃ samrāṭ sāraṅga iva sārabhuk |
kuśalānyāśu siddhyanti netarāṇi kṛtāni yat || 7 ||
[Analyze grammar]

kiṃ nu bāleṣu śūreṇa kalinā dhīrabhīruṇā |
apramattaḥ pramatteṣu yo vṛko nṛṣu vartate || 8 ||
[Analyze grammar]

upavarṇitametad vaḥ puṇyaṃ pārīkṣitaṃ mayā |
vāsudeva kathopetaṃ ākhyānaṃ yadapṛcchata || 9 ||
[Analyze grammar]

yā yāḥ kathā bhagavataḥ kathanīyorukarmaṇaḥ |
guṇakarmāśrayāḥ pumbhiḥ saṃsevyāstā bubhūṣubhiḥ || 10 ||
[Analyze grammar]

ṛṣaya ūcuḥ |
sūta jīva samāḥ saumya śāśvatīrviśadaṃ yaśaḥ |
yastvaṃ śaṃsasi kṛṣṇasya martyānāṃ amṛtaṃ hi naḥ || 11 ||
[Analyze grammar]

karmaṇyasmin anāśvāse dhūmadhūmrātmanāṃ bhavān |
āpāyayati govinda pādapadmāsavaṃ madhu || 12 ||
[Analyze grammar]

tulayāma lavenāpi na svargaṃ nāpunarbhavam |
bhagavat saṅgisaṃgasya martyānāṃ kimutāśiṣaḥ || 13 ||
[Analyze grammar]

ko nāma tṛpyed rasavitkathāyāṃ |
mahattamaikānta parāyaṇasya |
nāntaṃ guṇānāṃ aguṇasya jagmuḥ |
yogeśvarā ye bhavapādmamukhyāḥ || 14 ||
[Analyze grammar]

tanno bhavān vai bhagavatpradhāno |
mahattamaikānta parāyaṇasya |
harerudāraṃ caritaṃ viśuddhaṃ |
śuśrūṣatāṃ no vitanotu vidvan || 15 ||
[Analyze grammar]

sa vai mahābhāgavataḥ parīkṣid |
yenāpavargākhyamadabhrabuddhiḥ |
jñānena vaiyāsakiśabditena |
bheje khagendradhvajapādamūlam || 16 ||
[Analyze grammar]

tannaḥ paraṃ puṇyamasaṃvṛtārthaṃ |
ākhyānamatyad‍bhuta yoganiṣṭham |
ākhyāhyanantā caritopapannaṃ |
pārīkṣitaṃ bhāgavatābhirāmam || 17 ||
[Analyze grammar]

sūta uvāca |
aho vayaṃ janmabhṛto'dya hāsma |
vṛddhānuvṛttyāpi vilomajātāḥ |
dauṣkulyamādhiṃ vidhunoti śīghraṃ |
mahattamānāmabhidhānayogaḥ || 18 ||
[Analyze grammar]

kutaḥ punargṛṇato nāma tasya |
mahattamaikānta parāyaṇasya |
yo'nantaśaktiḥ bhagavānananto |
mahad‍guṇatvād yamanantamāhuḥ || 19 ||
[Analyze grammar]

etāvatālaṃ nanu sūcitena |
guṇairasāmyānatiśāyanasya |
hitvetarān prārthayato vibhūtiḥ |
yasyāṅghrireṇuṃ juṣate'nabhīpsoḥ || 20 ||
[Analyze grammar]

athāpi yatpādanakhāvasṛṣṭaṃ |
jagadviriñcopahṛtārhaṇāmbhaḥ |
seśaṃ punātyanyatamo mukundāt |
ko nāma loke bhagavatpadārthaḥ || 21 ||
[Analyze grammar]

yatrānuraktāḥ sahasaiva dhīrā |
vyapohya dehādiṣu saṅgamūḍham |
vrajanti tatpāramahaṃsyamantyaṃ |
yasminnahiṃsopaśamaḥ svadharmaḥ || 22 ||
[Analyze grammar]

ahaṃ hi pṛṣṭo'ryamaṇo bhavadbhiḥ |
ācakṣa ātmāvagamo'tra yāvān |
nabhaḥ patantyātmasamaṃ patattriṇaḥ |
tathā samaṃ viṣṇugatiṃ vipaścitaḥ || 23 ||
[Analyze grammar]

ekadā dhanurudyamya vicaranmṛgayāṃ vane |
mṛgānanugataḥ śrāntaḥ kṣudhitastṛṣito bhṛśam || 24 ||
[Analyze grammar]

jalāśayamacakṣāṇaḥ praviveśa tamāśramam |
dadarśa munimāsīnaṃ śāntaṃ mīlitalocanam || 25 ||
[Analyze grammar]

pratiruddhendriyaprāṇa manobuddhimupāratam |
sthānatrayātparaṃ prāptaṃ brahmabhūtamavikriyam || 26 ||
[Analyze grammar]

viprakīrṇajaṭācchannaṃ rauraveṇājinena ca |
viśuṣyattālurudakaṃ tathābhūtamayācata || 27 ||
[Analyze grammar]

alabdhatṛṇabhūmyādiḥ asamprāptārghyasūnṛtaḥ |
avajñātaṃ ivātmānaṃ manyamānaścukopa ha || 28 ||
[Analyze grammar]

abhūtapūrvaḥ sahasā kṣuttṛḍbhyāmarditātmanaḥ |
brāhmaṇaṃ pratyabhūd‍brahman matsaro manyureva ca || 29 ||
[Analyze grammar]

sa tu brahmaṛṣeraṃse gatāsumuragaṃ ruṣā |
vinirgacchan dhanuṣkoṭyā nidhāya puramāgat || 30 ||
[Analyze grammar]

eṣa kiṃ nibhṛtāśeṣa karaṇo mīlitekṣaṇaḥ |
mṛṣā samādhirāhosvit kiṃ nu syāt kṣatrabandhubhiḥ || 31 ||
[Analyze grammar]

tasya putro'titejasvī viharan bālako'rbhakaiḥ |
rājñāghaṃ prāpitaṃ tātaṃ śrutvā tatredamabravīt || 32 ||
[Analyze grammar]

aho adharmaḥ pālānāṃ pīvnāṃ balibhujāmiva |
svāminyaghaṃ yad dāsānāṃ dvārapānāṃ śunāmiva || 33 ||
[Analyze grammar]

brāhmaṇaiḥ kṣatrabandhurhi gṛhapālo nirūpitaḥ |
sa kathaṃ tad‍gṛhe dvāḥsthaḥ sabhāṇḍaṃ bhoktumarhati || 34 ||
[Analyze grammar]

kṛṣṇe gate bhagavati śāstaryutpathagāminām |
tad bhinnasetūnadyāhaṃ śāsmi paśyata me balam || 35 ||
[Analyze grammar]

ityuktvā roṣatāmrākṣo vayasyān ṛṣibālakaḥ |
kauśikyāpa upaspṛśya vāgvajraṃ visasarja ha || 36 ||
[Analyze grammar]

iti laṅghitamaryādaṃ takṣakaḥ saptame'hani |
daṅkṣyati sma kulāṅgāraṃ codito me tatadruham || 37 ||
[Analyze grammar]

tato'bhyetyāśramaṃ bālo gale sarpakalevaram |
pitaraṃ vīkṣya duḥkhārto muktakaṇṭho ruroda ha || 38 ||
[Analyze grammar]

sa vā āṅgiraso brahman śrutvā sutavilāpanam |
unmīlya śanakairnetre dṛṣṭvā cāṃse mṛtoragam || 39 ||
[Analyze grammar]

visṛjya taṃ ca papraccha vatsa kasmāddhi rodiṣi |
kena vā te'pakṛtaṃ ityuktaḥ sa nyavedayat || 40 ||
[Analyze grammar]

niśamya śaptamatadarhaṃ narendraṃ |
sa brāhmaṇo nātmajamabhyanandat |
aho batāṃho mahadadya te kṛtaṃ |
alpīyasi droha ururdamo dhṛtaḥ || 41 ||
[Analyze grammar]

na vai nṛbhirnaradevaṃ parākhyaṃ |
sammātumarhasyavipakvabuddhe |
yattejasā durviṣaheṇa guptā |
vindanti bhadrāṇyakutobhayāḥ prajāḥ || 42 ||
[Analyze grammar]

alakṣyamāṇe naradevanāmni |
rathāṅgapāṇāvayamaṅga lokaḥ |
tadā hi caurapracuro vinaṅkṣyati |
arakṣyamāṇo'viva rūthavat kṣaṇāt || 43 ||
[Analyze grammar]

tadadya naḥ pāpamupaityananvayaṃ |
yannaṣṭanāthasya vasorvilumpakāt |
parasparaṃ ghnanti śapanti vṛñjate |
paśūn striyo'rthām purudasyavo janāḥ || 44 ||
[Analyze grammar]

tadā'ryadharmaḥ pravilīyate nṛṇāṃ |
varṇāśramācārayutastrayīmayaḥ |
tato'rthakāmābhiniveśitātmanāṃ |
śunāṃ kapīnāmiva varṇasaṅkaraḥ || 45 ||
[Analyze grammar]

dharmapālo narapatiḥ sa tu samrāḍ bṛhacchravāḥ |
sākṣān mahābhāgavato rājarṣirhayamedhayāṭ || 46 ||
[Analyze grammar]

kṣuttṛṭśramayuto dīno naivāsmacchāpamarhati || 5 ||
[Analyze grammar]

apāpeṣu svabhṛtyeṣu bālenāpakvabuddhinā |
pāpaṃ kṛtaṃ tad‍bhagavān sarvātmā kṣantumarhati || 47 ||
[Analyze grammar]

tiraskṛtā vipralabdhāḥ śaptāḥ kṣiptā hatā api |
nāsya tatpratikurvanti tad‍bhaktāḥ prabhavo'pi hi || 48 ||
[Analyze grammar]

iti putrakṛtāghena so'nutapto mahāmuniḥ |
svayaṃ viprakṛto rājñā naivāghaṃ tadacintayat || 49 ||
[Analyze grammar]

prāyaśaḥ sādhavo loke parairdvandveṣu yojitāḥ |
na vyathanti na hṛṣyanti yata ātmāguṇāśrayaḥ || 50 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
prathamaskandhe vipraśāpopalambhanaṃ nāmnā aṣṭādaśo'dhyāyaḥ || 18 ||
[Analyze grammar]